Kehewà 18:13 - Udél Dwata: Gna Kesfasad ne Lomi Kesfasad

¹³ Timbow hayahen bè yó knukum Musis yó kem tau wen gónó le seglius, tódô lenwóten hlafus efet kól kifu kmukum, là kô wen hen-gnóen.

Kehewà 18:13 Referans Kwoze

Sulat Pol Ebè Yó Kem Tau Hemtahu Bè Rom 13:6

Bud yó snéen yóm gónó ye gel mayad bè gubérnó yó kem bwis. Yó kem tau mtuk du, kaem lemwót bè Dwata yóm nmò le yó.

Sulat Pol Ebè Yó Kem Tau Hemtahu Bè Rom 12:8

Ne ke yó blayen khulung semgduf kem dumu tau, hol nmoem sen. Ke yó blayen kóm yóm nawa masa, hol bnasahem kem dumum sen. Ke yó blayen kóm khulung malak yó kem dumuhem tau, holi tódô hteneb mò du sen. Ne ke yó kenhulung blay Dwata kóm mò gel tmóbóng yó kem élél, hol nmoem sen mung du kligalem.

Matyu 23:2

“Yó kem gel tmolok hlau ne yó kem Farisi, wen se kul glal tmolok du yóm hlau Musis.

Juwél 3:12

Bud mudél Dwata, monen, “Hol le eles htifes yó kem tau lemwót bè kdéen benwu, mógów le etu bè Datal Jihusafat. Yakà ditu du gónóhu myón kmukum kul yóm kdéen tau bè ket benwu. Ou se Dwata nim mudél ni.

Kmukum 5:10

Hol ye hmungol dé, yu kem tau wen boluyen smakay kudà asnu bukay, yó kem fen myón ta afid tilob. Dalang se kuy, yu kem tau fen gel tmonok, hol ye hmungol.

Kehewà 18:12

Omin Jitru demsù yóm ógóf hkekeben ebè Dwata ne wen yó kem dumu dsuen ebéléen mò ken le. Ne hyu mung bè yó Aron ne kdê yó kem tau malak yó kem tau Israél mò dumuhen mken du yóm ken dsuen yó mò gónó le dmóyón ke Dwata.

Kehewà 18:14

Timbow ton Jitru yóm tey nmò Musis yó, ominen mon du mò du, “Tedum alì nmoem bélê le ni kem tau ni? Moen du ke tek són u kmukum kul? Blaem ni, là kô le skas tendo mdà bè ni yó kem tau, tódô nbut le hlafus efet kól kifu na a hkukum kóm.”