Kehewà 18:12 - Udél Dwata: Gna Kesfasad ne Lomi Kesfasad

¹² Omin Jitru demsù yóm ógóf hkekeben ebè Dwata ne wen yó kem dumu dsuen ebéléen mò ken le. Ne hyu mung bè yó Aron ne kdê yó kem tau malak yó kem tau Israél mò dumuhen mken du yóm ken dsuen yó mò gónó le dmóyón ke Dwata.

Kehewà 18:12 Referans Kwoze

Dwata 12:7

Bè yó snéen bè solu yóm sana kuy Dwata hol gónó mogot, yóm Dwata tendo gel tmóbóng kuy, gónó ye hligal mken du yó kem hyu deng leniteg ye, mung kuy yó kem fes lówó ye.

Tekang Kbuten 31:54

Wen ógóf hnatayen ne dsuen ebè Dwata bè yó ta bulul ne htabahen yó kem dumuhen ebè yóm ken nmoen. Timbow deng kken le, omin le na bud tungô bè yó suloy.

Kehewà 24:11

Balù yóm deng tódô kton le ke Dwata yó kem tuha gel malak yó, là kô hensideken kul. Tódô ton le Dwata, omin le seyón mken bè yó ne ninum le yóm kul gel ninum.

Kehewà 24:5

Ne dóken yó kem logi lomi lemnok na a ma yó kem safì logi lemnok mò dsù le. Wen se dsù mò hekekeb le ebè Dwata ne wen se dsù mò ken le gónó le dmóyón ke Dwata.

1 Kurin 10:31

Yó balau du yóm yó, nô kihu nmò tekuy, senged se bè kken tekuy duhen ke bè kinum tekuy, hol gel hlan tekuy bè yóm gónón megdóyón Dwata.

1 Kurin 10:21

Bélê tekuy kem tau hemtahu, ke deng tekuy gbót minum bè kun ninum yóm gónó tekuy mogot, là kô gbek tekuy du ke gbót tekuy minum bè kul ninum yó kem busaw. Ne ke deng tekuy gbót mken bè kun lemisa yóm gónó tekuy mogot, là kô gbek tekuy du ke gbót tekuy mken bè kul lemisa yó kem busaw.

1 Kurin 10:18

Bud sotuhen se, hendem ye yóm kul kmò yó kem tau Israél. Yó kem tau gbót mken bè yóm ken deng dsù le bè Dwata, deng gbót tmaba bè Dwata ne yóm tau yó.

Kun Snulat Luk 14:15

Wen se sotu tau seyón ke Jisas mken hnungolen yóm tulónen, ne monen mò du, “Ilóu se angat tey kehligalen yóm tau angat mung bè yóm ken bong nmò Dwata lem yóm benwu nogoten.”

Kun Snulat Luk 14:1

Bè yóm sotu Kdaw Kehegnô, henkenen Jisas bè gónóen yóm sotu Farisi. Nim Farisi ni, sotu gónó le mogot yó kem dumuhen Farisi. Ne sónmò le semtngel ke Jisas yó kem dumu tau nô bè yó.

Danyél 10:3

Balù udì ke mkene yó kem ken mnóm, dalang se utón là kóe mutón, laen se dù tifas grép glo bè sumóngu ne laen se dù hboo tilob lunolu bè lówóhu lem yóm tlu fedyan yó.

Job 42:11

Ominen yó, tódô kdê yó kem dumun setwoli Job ne kem ween gotu mauy du ne mung le hligal mken béléen bè gónóen. Gotu le gbót béléen bè yóm ksidek kegnómen du bè kdê yó kem gfà deng hwit Dwata ebéléen. Wen filak blay le du yóm ket kul na sotu ne wen tising blówónen.

Job 42:8

Yó gónóm mon, mit ye ebè Job hitu safì tudu ne hitu se ubiha logi mò dsù hkekeb ye bè yóm kuy knô. Angat mni bélê ye Job yóm tau tóbóng lówóhu ne angat bnalau yóm hnihen yó ne là kô tafaku du kuy yóm tafak mò bang bayad yóm salà nmò ye. Yó tô gónóhu tmafak kuy abay se là tódóen yóm deng tulón ye lemwót gu béléu lómón yóm deng kun nmò Job yóm tau tóbóng lówóhu.”

Job 1:5

Ke sok deng yóm kdaw gel kmò le ken, yó gel nmò Job gotu hfangayen lu anì nan e bud hfólós lu. Tódô hlafus btik nan e demsù yóm dsù gel hkekeb le ebè Dwata bè ket yó kem ngaen. Yó gónón mò du yóm yó, abay se hendemen déke wen sotu bélê le deng wen gónóhen gemsalà bè Dwata ne deng wen gmon le sidek eta Dwata, yóm là lenbù le du. Ni se yóm tendo gel nmò Job bè yó kem ngaen.

2 Tutul Israél 30:22

Tey kdóyón Hisikaya kul yó kem sfu Libay bè yóm tey dê kenhulung hegfan le bè yóm kmò le nmò bè Dwata. Duhen yó, hitu kdaw le mò du yóm kehligal yó. Dsù le yóm dsù mit sefyu ebè Dwata, ne gotu benkas yó kem tau ebè Dwata yó kem salà le bè yóm Dwata yó kem tehe fù le.

2 Samwél 9:7

Okóm yó udél Dabid ebéléen, monen, “Hol béi abay hlikò. Yó gónóhu hangay kóm anì wen lanu hegfan du béléem yóm kehyu kmò lemwót bè yóm deng tehe fasadu ke maem Junatan. Bud huléku ebéléem yóm kdê tonok tehe nfun téméem Sol, ne tódói nô béléu bè ni bè gónô bongu.”

Dwata 27:7

Ne bè yó snéen gónó ye demsù du yóm dsù gel ken ye bè yóm gel kestifun ye hligal lemwót bè yóm deng kessotu ye bè Dwata ne bè dumu tau. Bè yó bè solu Dwata yóm sana kuy Dwata hol gónó mogot, hol ye hligal mken.

Kehewà 2:20

“Nô se kun du?” mon mà le. “Moen du ke tebel ye ditu yóm tau yó? Lemwót ye ne, ne ye e nangay anì mung mken bélê tekuy.”

Tekang Kbuten 43:25

Lemwót yó kem tau setwoli yó, eles hentifes le yóm mò basa le ke Jusif bè yóm kkólen bè yó kemdaw, abay se deng eles tulónen kul yóm tau snalig Jusif yóm kmung le mken bè Jusif.

Tekang Kbuten 26:25

Omin Isak yó semsodò botu mò gónón demsù ebè Dwata ne tmaba ebéléen. Ne bè yó gónón bud kmamfù ne bud le mokol kokol bè yó se yó kem tau tóbóng lówóhen.

Tekang Kbuten 12:7

Bè yóm kkól Abram bè yó, tódô hegfan béléen Dwata, yó monen mò du, “Ó Abram, ni se yóm benwu angat blayu yó kem tau semfu gu béléem.” Omin Abram semsodò yó kem botu mò gónón demsù ebè Dwata yóm Dwata hol kun gónó mogot, yóm deng hegfan béléen.

Tekang Kbuten 8:20

Tikóng le deng gotu hewà, wen botu sensodò Nuwa mò gónón demsù ebè Dwata. Ne wen nwahen bè ket kay yó kem ógóf ne onuk koyu gel henmóyô Dwata mò dsù le ebéléen ne hkekeben ta yóm gónó demsù yó.

Tekang Kbuten 4:4

Omin Abél demsù se kun, wen nwahen bè tanay ngà yó kem ubihahen, ominen hmatay kul. Nwahen yóm unged hol hyu mò dsuen ebè Dwata. Tey hyu nawa Dwata ebè Abél ne bè yóm dsuen yó.

Kehewà 3:1

Sotu kdaw bè yó, bnentey Musis yó kem ubiha ne kem kambing tuónen Jitru yóm tau gel demsù ebè Dwata bè Midyan. Yó nmò Musis, nalaken yó kem ógóf mifal yóm benwu laen hol wen tauhen ne mógów ebè Sinay yóm bulul bnoluy le bulul Dwata.

Kehewà 18:13

Timbow hayahen bè yó knukum Musis yó kem tau wen gónó le seglius, tódô lenwóten hlafus efet kól kifu kmukum, là kô wen hen-gnóen.

Kehewà 33:7

Balù kihu gónó le kmamfù yó kem tau Israél, eles tendo nwit Musis se kun yóm Gónô Dwata gel nit mógów. Sal gel hdaen bè lewà yóm kamfù le bede malù mayuk bélê le. Yó boluy le du yóm gónô yó, Gónô gónó Dwata nô lem blóng le. Kihu tau móyô temngón du yóm kun kóyô Dwata gel mógów e du nim Gónô ni.

Tekang Kbuten 26:30

Tahu se, omin Isak mò ken bélê le, ne gotu le seyón mken ne wen ninum le.