Biblia Todo Logo
Bib sou entènèt

- Piblisite -




Kehewà 18:11 - Udél Dwata: Gna Kesfasad ne Lomi Kesfasad

11 Deng tngónu ne yóm sana Dwata hol gónó mogot, du se yóm hol dandónen geta bè yóm kdéen dwata lemwót bè yóm deng kehewaen kuy lem tdok yó kem tau Idyip igò le tey kemhisik kuy.”

Gade chapit la Kopi




Kehewà 18:11
30 Referans Kwoze  

Abay se yóm gónó tekuy mogot, du se Dwata hol gembek bè kdéen. Du se hol dandónen geta gembek senta yó kem dwata kéng.


Uu se yóm sana kum Dwata hol gónó mogot, dwata du de tô semnged kóm? Tau du de tô mkél kóm bè yóm tey klinggelen yóm kmoem, yóm klaen kô dù belenem? Tau du de tô gembek mò kul yó kem hentaw ton ne yó kem tey deng genbek nmoem?


Yóm gónô hdau yó, angat tey ktiloben, abay se yóm kum Dwata, du se hol geta senta yóm kdéen dwata lennged.


Lemwót bè yóm alì kegbeken, gotu senklahen yó kem tau hegmón alì dê atul le.


Tngónu yóm tey kegeta Dwata yóm Dwata tekuy hol geta, senta yó kem dwata kéng.


Ne ni ou Nibukadnisar, dóyónu yóm Dwata hol geta bè longit ne henlelu hol hegeta du, mung du yóm tey kadatu du. Kdê yó kem gel nmoen, sal tedeng ne hono hyu. Hulung heglaan du yóm tau hegetahen knóen.”


Yakà uu du, Dwata yóm hol dandónen geta bè klamangen benwu. Uu se hol geta senta yó kem dumu dwata.


Tey geta yóm Dwata, tey knóón semdóyón du. Yake wen klikò tekuy du senta yó kem dwata kéng.


Okóm tey bong któbóng Dwata tekuy senta yóm óyô mò sidek. Wen bud monen bè Sulat Dwata, yóm monen, “Tey kekbê Dwata du yóm tau hegeta knô. Bede tey któbóngen du yóm tau hulung heglaan béléen.”


Hol nudélem yó kem tau heklabak, yó kem tau deng megtafak, yó kem tau là mimòn du yó kem hlauhem.


Wen kem tey knikò tehe nmoem bè yóm tau hol geta bè Idyip ne bè yó kem genlalen dalang se bè yó kem tauhen abay se deng eles tngónem yóm tey kehegnok le yó kem tauhem yó kem tau Idyip. Lemwót bè yóm kegmoem, Dwata, yó se gónóm tótól efet yóm kmoen ni.


Omin Naaman bud semfulék ebè Ilaysa, mung du yó kem kdê tauhen. Tódô mdà bè solu Ilaysa, ne monen mò du, “Deng hol tngónu ne, laen dù dumu dwata bè klamangen benwu, tek són yóm Dwata yó kem tau Israél. Yó gónóm mon, Sér, hol henmóyóem dou nim basahu kóm.”


Ne yu kem tau lomi lemnok, hol nimón ye yó kem tau tuha senta ye. Ni hlauhu kuy yóm kdê ye, hol dnalang ye yóm keheglaan bè kem dumu ye. Abay se wen monen bè Sulat Dwata, yóm monen, “Tey kekbê Dwata kul yó kem tau hegmón, bede tnóbóngen yó kem tau hulung heglaan.”


Yu kem tau gel mò du yóm kun kóyô Dwata, hol kenbong nawa ye Dwata. Sal gel nofinen yó kem tau teneb lemolò du. Okóm yó kem tau heklabak, tey sidek ktafaken kul.


Deng eles hetgamahem kul, Dwata, yóm angat ktafakem kul ke là nimón le du yó kem hlauhem. Okóm lemwót bè yóm tey keheklabak le, deng mom nulé le yó kem hlauhem igò le temngón du lemwót bè yóm kimón le du gónó le mowil. Tey kem tau mgel kulu, deng mom knogol le uu, là kô dog hnungol le kóm.


Okóm yó kem tehe fù me yó deng le mom heklabak, mgel kulu le, là kô nimón le du yó kem hlauhem kul.


Yó monen mò ke Ilaydya yóm libun bolu yó, “Ni deng tngónu ne, uu se yóm hol tahu tau Dwata, ne Dwata se yóm deng tahu mudél hlanen béléem.”


Tenflok ye ne yóm keheklabak ye ne kehegmón ye. Abay se yóm Dwata, deng gotu tngónen kdéen ne gotu knukumen kdéen nmò tau.


Bè yóm kegmou bélê le, bè yó gónó le temngón du yó kem tau Idyip ou se yóm sana Dwata hol gónó mogot.”


Tey kehgel Dwata kulu Faro, yó gónón kemtes yó kem tau Israél balù yóm tey kofin Dwata kul bè kewót le.


Bè yóm kifu yó angate mógów bè klamangen Idyip naw e hmatay yóm kdéen ngà logi twogu, tau duhen ke ógóf ne tnafaku yó kem dwata lennged gel tnaba le bè Idyip. Ou se yóm Dwata hol gónó mogot mon du nim ni.


Tahu se, bud le mógów ebè Faro le Musis ne Aron, mon le mò du, “Yó udél yóm sana Dwata yó kem tau Hibru, yóm hol gónó mogot, monen, ‘Deng tey kegenen ne yóm là keheglaanem béléu. Hol hewótem lu ne yó kem dou tau anì na le e tmaba ebéléu.


“Bê ye abay bud benlay lu lami yó kem tau Israél ke mò bol le bè yóm tonok miket gel nmò le ngom gónô. Tódô hebel ye lu yóm mò kul.


Yó udél Faro, monen, “Dwata du de myó? Moen du ke tô hnungolu ne ke tô hlusu lu lemwót yó kem tau Israél? Là kô tngónu du dou yóm Dwata yó ne là kô hlusu kul.”


Ngangen bud wen udin nmò Faro bè yó kem tau Idyip, yó udin nmoen, monen, “Kdéen ngà logi Hibru lomi sut, gotu bot ye lu elem él Nayl. Okóm yó kem ngà libun, fen hlowil ye lu.”


“Ke bud ye tmóbóng mwa ngà bè yó kem libun Hibru, hnatay ye ke logi yóm ngà le. Okóm ke libun, hlowil ye.”


Ke wen hohon mit sgida bélê tekuy, tódô le mung bélê le ne gnida le tekuy, omin le yó lemwót hewà bè nim benwu tekuy ni. Yake mebel tekuy lan anì là hol le bud mból ni kem tau ni.”


Swiv nou:

Piblisite


Piblisite