Kehewà 18:10 - Udél Dwata: Gna Kesfasad ne Lomi Kesfasad

¹⁰ botong monen, “Hol dóyón tekuy yóm Dwata deng lemwà kóm lem tdok Faro ne yó kem tauhen. Hol dóyón tekuy yóm Dwata deng lemwà yó kem tauhen bè yóm gónó le ghesek.

Kehewà 18:10 Referans Kwoze

2 Samwél 18:28

Omin Ahimaas tmaba ebè yóm tau hol geta igoen mlóy, monen, “Deng menek ne yóm kdéen.” Ominen hegdufok ebè tonok bè solu yóm tau hol geta, monen, “Hol dóyón tekuy yóm kóm Dwata hol gónó mogot. Deng hegmoen uu bè yó kem hohonem matù kóm.”

Tekang Kbuten 14:20

Hol megdóyón he yóm Dwata hol geta bè kdéen, yóm deng hatù kóm bè yó kem hohonem.” Omin Abram bemlay du ke Mélkésédék yóm gesfolò yó kem kimu deng bud niten mulék, yóm deng negef yóm fat kem tau hol geta.

Kun Snulat Luk 1:68

“Hol dóyón tekuy Dwata, yóm gónó tekuy mogot yóm kdê tekuy kem tau Israél. Yakà deng bud tnóbóngen tekuy kem kun tau, ne deng lenwaen tekuy.

1 Pitér 1:3

Hol dóyón tekuy dé Dwata. Du se kun Dwata yóm gónó tekuy mogot Jisas Krays, ne bud Maen snéen. Tódô lemwót bè yóm tey kkodu Dwata tekuy, wen yóm lomi klowil blayen tekuy hlanen bè yóm tehe klowilen ke Jisas Krays gu lem hatay. Ne yó se yóm hendón tekuy yóm klowilen tekuy hulin kdaw snéen.

1 Tisalunika 3:9

Ne nim kmoen ni, tey kdóyón me ke Dwata lemwót bè yóm kuy kmò. Laen selen yóm klaan nawa me bè yóm gel kni me bélê ye bè Dwata.

Ifisus 1:3

Hol tendo gel dóyón tekuy dé Dwata. Du se kun Dwata ne kun Mà yóm gónó tekuy mogot Jisas Krays. Lemwót bè yóm deng kessotu tekuy bè Krays, yó gónón alì tmóbóng tekuy, botong blayen tekuy kdê yó kem hyu lemwót gu bè longit.

Kem Lingón 41:13

Hol dóyón tekuy Dwata yóm Dwata yó kem tau Israél. Laen kô dù tul sónen yóm gel kdóyón tekuy du. Hol tahu se yó.

1 Bok Kem Tau Hol Geta 8:15

“Hol dóyón tekuy Dwata, yóm kum Dwata kem tau Israél. Deng dnohoen yóm tehe fasaden ke mau Dabid bè yóm tehe kmonen du mò du,

Tekang Kbuten 24:27

yó monen, “Tey kdóyónu kóm, Dwata yóm gónó mogot yóm gónóhu mogot Abraham. Deng dnohoem yóm fasadem bè yóm gónóhu mogot. Tódô hekteng nalakem ou ebè yóm hol kun kwen yóm gónóhu mogot.”

1 Samwél 15:6

Wen udél hwit Sol ebè yó kem tau Kinayt, monen, “Hlayuk ye lem blóng yó kem tau Amalikayt, déke gomong ye matay bélê le. Abay se bè yóm tehe kewót le gu bè Idyip yó kem tau Israél, tey tilob kmò ye ebélê le.” Tahu se, gotu le mdó yó kem tau Kinayt.

1 Samwél 25:32

Yó balà Dabid ke Abigil, monen, “Tey megdóyón yóm Dwata yóm Dwata yó kem tau Israél, yóm deng hógów kóm na a semlong do kemdaw ni.

1 Bok Kem Tau Hol Geta 8:56

“Hol dóyón tekuy Dwata, lemwót bè yóm deng keheneken benwu tekuy kem tauhen Israél, lómón yóm deng fasaden tekuy. Deng gotu dohò yóm kdê tehe fasaden hlanen bè Musis, yóm tau tóbóng lówóhen.