Kehewà 18:1 - Udél Dwata: Gna Kesfasad ne Lomi Kesfasad

¹ Ditu bè Midyan deng gotu gungol Jitru yóm tuón Musis, yóm tau gel demsù ebè Dwata bè yóm benwu yó yóm kdê deng nmò Dwata bè Musis, ne bè yó kem tau Israél bè yóm kwiten kul hewà gu bè Idyip.

Kehewà 18:1 Referans Kwoze

Kehewà 3:1

Sotu kdaw bè yó, bnentey Musis yó kem ubiha ne kem kambing tuónen Jitru yóm tau gel demsù ebè Dwata bè Midyan. Yó nmò Musis, nalaken yó kem ógóf mifal yóm benwu laen hol wen tauhen ne mógów ebè Sinay yóm bulul bnoluy le bulul Dwata.

Kul Nmò 14:27

Bè yóm deng kkól le bè Antyok, gotu sentifun le yó kem tau hemtahu, ne gotu tulón le kul se yóm deng nmò Dwata hlanen bélê le. Gotu tulón le yóm nmò Dwata mò gónó le hemtahu bè Jisas se kul yó kem tau là Ju le.

Sikaraya 8:23

Ni se udél yóm Dwata laen dù là gbeken du, monen, Bè yó kem kdaw yó, wen sfolò tau lemwót bè yó kem tólóng benwu, hono kem tau stólóng udél le, angat le mógów bè yóm sotu Ju ne mon le mò du, ‘Yake hmungem mi béléem, abay se deng gungol me yóm knóen béléem Dwata.’ ”

Kem Lingón 106:2

Tau du se gembek tmulón du yó kem hentaw ton gel nmò Dwata? Tau du se gembek hol dmóyón du?

Kem Lingón 105:43

Duhen yó, gotu niten lu hewà gu bè Idyip yó kem tau deng kun nélék. Ya tey kligal le, lel tey hensag le ne tey kesngal le.

Kem Lingón 78:4

Bê tekuy abay bnos bè yó kem ngà tekuy nim ktahuhen ni. Okóm hol tulón tekuy bè yó kem bud lugod tekuy yóm tey knóón deng nmò Dwata. Tulón tekuy yóm tey kegbeken ne yó kem tey hentaw ton deng nmoen.

Kem Lingón 44:1

Ó Dwata, deng hol kum klingu se mungol du yóm tehe tulón le kum yó kem fù me, duhen yóm kdê deng gendengem bè yóm tehe kul kdaw ekni.

Kem Lingón 34:2

Tendo gel dóyónu yóm deng gendengen béléu. Yu kem tau hen-gnok, hol hnungol ye ou anì wen kligal ye.

Juswa 9:9

Yó tulón le ke Juswa, mon le, “Lemwót me bè benwu mayuk, Sér. Yó gónó me mógów ebéléem ni abay se deng gungol me yóm kuy Dwata, du se hol gónó mogot. Deng gotu gungol me yóm deng nmoen bè Idyip.

Juswa 2:10

Deng gungol me yóm kmò kehektihen du bélê ye yóm sana kuy Dwata yóm Mohin Hulô bè yóm ktagak ye yóm benwu Idyip. Bud gungol me snéen yóm kmò khatay ye ke Sihun ne Ug yóm lewu kem tau hol geta Amurayt menwu fi dmata kdaw Él Jurdan, hono kem tau deng gotu genlà ye.

Sulat Pol Ebè Yó Kem Tau Hemtahu Bè Rom 15:18

Laen kô dumu gel tulónu, tek són yóm deng gendeng Krays hlanen béléu anì baling nimón le Dwata yó kem tau là Juhen. Yó kmoen du, hlanen bè yóm ktoloku ne yóm gel nmou lem blóng le,

Kul Nmò 15:12

Tódô le gteg yó kem tau hmungol du yóm udél Pitér yó. Omin le mudél se kul le Barnabas lewu le Pol. Gotu tulón le yó kem tey dê hentaw ton nmò Dwata hlanen bélê le bè yóm ktolok le lem blóng yó kem tau là Ju le.

Jirimaya 33:9

Ne duhen yó, bè nim syudad ni gónón wen kligalu ne któtólu ne yóm kadat le dou bè klamangen benwu te tonok. Angat ton yó kem tau bè klamangen benwu yóm kehyu nmou bè yó kem dou tau ne botong le kenkel bè yóm tey klikò le.’

Kem Lingón 105:5

Yu kem tau semfu gu bè Abraham yóm tau tehe kun tóbóng lówó Dwata, ne yu kem tau semfu gu bè Jakub yóm tau tehe kun nélék Dwata, hentulón ye nawa yó kem hyu tehe nmò Dwata, yó kem hentaw ton gel nmoen bélê le. Dalang se yóm tehe gel kkukumen yó kem hohon le.

Kmukum 4:11

Bè yóm kdaw yó, lemwót Hébér yóm sotu tau Kinayt semfu gu bè yóm tehe fóg Musis boluyen Hubab, deng hetlas gu bè yó kem dumuhen, deng nilihen yóm gónóhen kmamfù etu klohok yóm koyu ok bè Sananim moni bè Kédés.

Kehewà 4:18

Omin Musis mulék ebè Jitru, yóm tuónen ne monen mò du, “Ke yóm hyu béléem, Mà, nam hógów ou ebè yó kem dou dumu tau Israél bè Idyip anì naw e hnénég ke sana tolo klowil le.” Tahu se, hlus tuónen ne monen mò du, “Dwata he mung kóm.”

Kehewà 2:21

Tahu se, mung kul Musis ne bè yó hlun gónóhen nô. Ne hyehen Jitru du yóm sotu ngaen libun boluyen Sipura.

Kehewà 2:18

Bè yóm deng kulék le ebè mà le, snólók mà le lu, monen, “Na, moen ni du ke là legen ye?”

Kehewà 6:6

Duhen ni, tulónem yó kem tau Israél, nim udélu ebélê le ni, ‘Ou se yóm sana Dwata hol gónó mogot. Lenwau yu lem tdok yó kem tau Idyip. Hewau yu bè yóm gónó ye alì ghesek. Angat tayalu eta sigelu mò tmafak yó kem tau Idyip, okóm fen hewau yu yó dum kuy.