Kehewà 17:9 - Udél Dwata: Gna Kesfasad ne Lomi Kesfasad

⁹ Mon Musis mò ke Juswa, “Méléki tau mò dumuhem mit sfatay bè yó kem tau Amélék ke haya. Ne lemwót dou, mdae te bulul nogotu yóm tuged hwit Dwata dou.”

Kehewà 17:9 Referans Kwoze

Dwata 32:44

Lewu le Musis Juswa yóm ngà Nun, fen lemingón du nim lingón ni anì gungol yóm kdéen tau Israél.

Kehewà 24:13

Tahu se, omin le htifes le Musis ne Juswa yóm tau tóbóng lówóhen, mneged le eta yóm bulul Dwata yó.

Kehewà 4:20

Tahu se, nwit Musis yehenen ne yó kem ngaen logi, hsakayen lu kudà asnu, mógów le ebè Idyip. Nwiten yóm tuged hwit Dwata du.

Kehewà 4:2

Ne yó balà Dwata du, monen, “Tedu se yóm nogotem yóó?” Mon Musis se, “Tugedu.”

Hibru 4:8

Yóm lomi benwu monen gónó le hlós henek nô yó, sundu benwu Kanan du. Ke deng duhen yó yóm benwu gónó Juswa e malak kul, sana là mon Dwata du ne ekni wen benwu gónó le angat hlós henek nô.

Kul Nmò 7:45

Bè yóm gónô tehe hmò Dwata kul yó, hlós tendo gel nwit yó kem lugod le. Bè yóm katay Musis, Juswa tles bud malak yó kem tehe fù tekuy ebè yóm benwu tehe blay Dwata kul. Eles tukô gna kul se Dwata, ne gotu hdóhen yó kem tau menwu ta yóm benwu gónón e malak kul yó. Bè yóm klawi le nô bè yóm benwu yó, eles tendo gel mdà lem blóng le se yóm Gónô Dwata yó efet kól bè yóm kun kdaw Dabid.

Lista 11:28

Omin Juswa hebkó mudél yóm ngà Nun. Du se yóm gel tóbóng lówó Musis nbuten bè yóm hanà klomihen tau. Yó udélen ebè Musis, monen, “Tenflokem lu, Sér.”

Kehewà 17:13

Lemwót bè nim nmò le ni, yó gónó Juswa gotu gemlà yó kem tau Amélék.

Kehewà 4:17

Lemwóti ne nwitem yóm tugedem yó, yakà bè yó du gónóm gel hlan du yó kem hentaw ton angat nmoem.”

Juswa 8:18

Omin Dwata mon du mò ke Juswa, “Hdoem ebè Ay yóm buyusem. Blayu elem hólólem yóm syudad yó.” Tahu se, nmò Juswa yóm deng mon Dwata mò du yó.

Kehewà 18:21

Okóm ni mò tnuen, yake wen tau hulung malak nélékem mò malak yó kem tau. Wen se nélékem mò malak bè lemibu tau ne wen se malak bè lematu tau ne wen se malak bè limu folò tau ne wen se bè sfolò tau. Yó nélékem yó kem tau wen hol klikò le ke Dwata, kem tau hol gsalig ne kem tau là kóen ma filak mò wa nawa.

Kehewà 33:11

Bè yóm gel kestulón le Dwata ne Musis, tódô le suyó lómón ke stulón yóm tau swè. Ke deng deng kestulón le, omin Musis mulék ebè kamfù le, fen tebel bè Gónô Dwata yóm tau lomi lemnok tóbóng lówóhen boluyen Juswa ngà Nun.

Lista 27:18

Yó balà Dwata ke Musis, monen, “Nwitem Juswa yóm ngà Nun. Du se sotu tau gónón nô yóm dou Tulus, nnokem ta kuluhen.

Juswa 8:3

Tahu se, htifes le Juswa ne yóm kdê sendaluen bè yóm na le e kundug ebè Ay. Wen tlu folò libu sendalù néléken hono kem sendalù deng hónô layam bè sfatay. Yó hmoen kul mò fen hógówen kifu