Kehewà 17:8 - Udél Dwata: Gna Kesfasad ne Lomi Kesfasad

⁸ Omin le sut bè Rifidim yó kem tau Amélék na le e nundug yó kem tau Israél.

Kehewà 17:8 Referans Kwoze

1 Samwél 15:2

Ni se udél lemwót bè yóm Dwata laen dù là gbeken du, monen, ‘Tnafaku ne yó kem tau Amalikayt lemwót bè yóm deng tehe kesfatay le bè yó kem tau Israél bè yóm tehe kewót le gu bè Idyip.

Tekang Kbuten 36:12

Bud wen ngà Ilifas logi bè yóm libun nmuhen boluyen Timna, duhen Amélék. Ni kem ngà ni, hono kun ból Ada yehen Iso.

1 Samwél 30:1

Timbow deng tlu kdawen bè yó bè yóm kkól le Dabid ne yó kem tauhen bè benwu le bè Siklag, tódô ton le deng nundug yó kem tau Amalikayt yóm benwu Négéb ne deng gotu ntem le yóm benwu Siklag snakufen.

Lista 24:20

Bud hton Dwata bè Balaam snéen yó kem tau Amalikayt ne tulón Balaam yóm htugod Dwata du, monen, “Hol lemyu senta yó kem dumu but tau yó kem tau Amalikayt. Okóm yó hol són le, gotu le meglà.”

Kem Lingón 83:7

ne kem tau Gibalayt, ne kem tau Amunayt, ne kem tau Amalikayt, ne kem tau lemwót bè Flistya ne Tayal.

Tekang Kbuten 36:16

ne tbong Kura ne tbong Gatam ne tbong Amélék. Yó kem tbong nô bè benwu Idom yó, hono le semfu gu bè Ilifas yóm ngà Iso logi bè Ada.

Kehewà 17:1

Tódô kdê yó kem tau Israél gotu tnagak le yóm benwu laen hol wen tauhen boluyen Sin. Ngang le mógów efet tey dê benwu lan le, tódô lolò le yóm hlan Dwata kul. Bè yóm kógów le yó na le kmamfù bè Rifidim, okóm bè yóm benwu yó laen dù él mò ninum bè yó.

1 Samwél 27:8

Yó nmò Dabid ne yó kem sendaluen, tendo nundug le yó kem tau Gisurayt ne tau Girsayt ne tau Amalikayt, kem tau sana menwu moni bè Sur efet kól etu ebè Idyip.

Tekang Kbuten 14:7

Omin le bud semfulék ebè Kadis, yóm benwu bnoluy le Inmispat. Gotu gwa le klamang tonok yó kem tau Amalikayt, ne deng le bud matù bè yó kem tau Amurayt nô bè Hasasun Tamar.

Lista 13:29

Bè fi leged bè yóm benwu yó, wen yó kem tau Amalikayt nô du. Bè yó kem bululen, yó menwu du yó kem tau Hitayt ne yó kem tau Jibusayt ne yó kem tau Amurayt. Lemwót kul yó kem tau Kanan, nô le bè kilil mohin Miditiranyan ne hilol él Jurdan.”

Kmukum 6:3

Ket kmò le hulu yó kem tau Israél kulel gel kundug le kul yó kem tau Midyan, mung kul yó kem tau Amélék ne yó kem dumu tau gel nô bè yóm benwu laen hol wen tauhen fi dmata kdaw Él Jurdan.

1 Samwél 14:48

Tey gel khotuhen gelen bè yóm gel kwiten sgida, botong là kô le gemmò yó kem tau Amalikayt. Sal gel lenwaen yó kem tau Israél bè yó kem tau tehe gel mundug kul.