Kehewà 17:7 - Udél Dwata: Gna Kesfasad ne Lomi Kesfasad

⁷ Yó hlós boluy le du yóm benwu yó Masa ne Miriba abay se sónmò le tmalaw yó kem tau ne tnilów le Dwata yóm kmon le du, “Nô bélê tekuy Dwata kô ni, duhen ke là?”

Kehewà 17:7 Referans Kwoze

Kem Lingón 81:7

Bè yóm kwen gfà ye, gel tnaba ye ou, ne deng lenwau se yu. Bnalau yu gu lem yóm lobun gónón lemwót leték. Deng tnilówu kehtahu ye ditu bè benwu Miriba bè yóm alì ktalaw ye lanen laen dù él.

Kem Lingón 95:8

“Hol bê ye hgel kulu ye. Bê ye hkél bè kgel kulu yó kem tehe fù ye ekni bè yóm tehe knô le bè yóm benwu Miriba. Ne senged snéen yóm tehe knô le bè Masa, bè yóm benwu laen hol wen tauhen.

Lista 20:13

Nim ksel kem tau Israél ke Dwata ni, nô le bè yóm benwu boluyen Miriba yóm benwu gónó Dwata hegfan du bélê le yóm klaen dù belenen.

Dwata 9:22

Sotuhen, bè yóm tehe knô ye bè Tabira ne bè Masa ne bè Kibrut-hataba, bud tey kehebut ye ke Dwata.

Kehewà 17:2

Gotu le tmalaw ebè Musis yó kem tau, mon le mò du, “Hol benlayem mi él mò ninum me.” Mon Musis se mò kul, “Moen de ke sónmò ye tmalaw? Moen de ke mom tô tnilów ye Dwata?”

Lista 20:24

“Là kóen gefet edu kun ke Aron yóm benwu deng tehe fasadu yó kem tau Israél. Bang kukol towoken ne kun abay se yóm lewu ye, là kô dog nmò ye du yóm hlolou kuy bè yóm knô ye bè Miriba.

Kun Snulat Jan 1:14

Yóm Udél yó koni, deng baling tau, ne mnô bélê tekuy. Laen kô dù sónen yóm klinggel nawahen ebè tau, ne hono tahu yóm gel tulónen kul. Deng hyu na me ton se yóm kegeta deng blay Maen du, yóm kegeta hol knóón bè yóm Ngaen tek sotu.

Mika 3:11

Yu kem tau gel malak, là kô ye kmukum ke là wen mò wa nawa ye. Yu kem tau gel blóng ebè Dwata, là kô ye tmolok udél Dwata ke là wen bayad le kuy. Yu kem tugod Dwata, laen dù tulón ye ke là bnayad le kuy, igò ye sem gel mon du són bè Dwata yóm gónó ye smalig. Gel mon ye, “Kaem nô bélê tekuy Dwata. Laen dù sidek sut bélê tekuy.”

Isaya 12:6

Yu kem tau menwu bè Sayun hol ye mensag dé, hol ye lemingón yakà teyen geta yóm Dwata yó kem tau Israél. Hol du se yóm Dwata laen kô dù belenen ne tódô henek nô lem blóng yó kem tauhen.” Là gomongen bè nili yóm tsaptér 13. Bè yóm tsapter ni htulón Dwata ke Isaya bè yó kem tau yóm angat kegbaen yóm benwu Babilun. Nélék Dwata yó kem tau Mid mò hemdeng gembà du. Laen dù kô kodu le ni kem tau ni. Monen bè bérs 19-22, “Babilun yóm benwu alì heklóón senta yó kem dumu benwu, angat gebà lómón yóm tehe benwu Sodom ne Gomora ne là buden gebtik. Balù hilu bud lugod sut, okóm yóm benwu Babilun laen kô dù tau bud menwu du. Balù yó kem tau menwu mógów là kô le móyô kmamfù du. Ne yó kem tau mentey ubiha là móyô le nô bè yó kifu. Yó kem ógóf lem bnes temles nô bè yóm syudad gbà yó. Deng eles lenidan ne yóm kdaw Babilun. Deng móyón kól ne yóm udas kegbaen.”

Dwata 31:17

Bè yóm kmò le du yóm yó angat lenbutu lu. Tódô bayau lu ne tódô le meglà, ne tey dê glumfak sidek sut bélê le. Omin le yó he hetngón, yó gónó le gmumfak du nim ni abay se là bude nô bélê le, yóm sana kul Dwata.

Kehewà 34:9

Yó monen, “Ó Dwata, ke tahu hyu se nawam ebéléu hkoduhe béléem, holi mung kum. Tey mgel kulu le ni kem tau mung do ni, okóm hol hnifótem mi bè kdê yó kem salà nmò me ne hol henmóyóem mi mò kóm tau.”

Lista 14:22

Bud tahu snéen nim monu ni, balù sotu bè ni kem tau là mimón ni ke gehlós edu tum benwu deng fasadu kul. Igò le deng hónô mton du yóm tey keslinangu bè yóm knóu lem blóng le ne deng hónô ton le snéen yó kem hentaw ton tehe nmou bè Idyip dalang se bè ni bè nim benwu laen hol wen tauhen. Okóm deng mom sónmò le tendo gel htakas do ne là kô nimón le do.

Lista 27:14

abay se là nimón ye du yóm lewu ye yóm hlolou kuy bè yóm knô ye bè benwu laen hol wen tauhen boluyen Dsin. Bè yóm tehe ktalaw le ebéléu yó kem tau Israél ditu bè Miriba, là kô dog hdilô ye du lem blóng le yóm klaen dù belenu.” (Yóm Miriba yó, boluy yóm sfut él bè benwu Kadis nô bè yóm benwu laen hol wen tauhen boluyen Dsin.)

Dwata 6:16

Hol béen abay wen bélê ye tô tmilów ke Dwata lómón yóm tehe nmò ye bè benwu Masa.

Dwata 33:8

Yó udél Musis gbak ebè yó kem sfu Libay, monen, “Ó Dwata, deng gel hegfanem yóm kóm kóyô bè yó kem sfu Libay mlan bè yóm atù boluyen Urim ne Tumim. Lu se yó kem tóbóng lówóhem là monol nawa le ebéléem. Deng tehe tnilówem lu ditu bè Masa ne bud tonem se yóm tey kgulit le ditu bè yó kem él bè Miriba.

Kem Lingón 78:18

Tnilów le Dwata bè yóm kni le yóm ken nóyô le.

Kem Lingón 81:8

Ó kem dou tau, hnungol ye ou, hol hnungol ye ou nim igou hetgama kuy. Ó kem tau Israél, yake hol ye hmungol dé.

Kem Lingón 106:32

Senged se ditu bè Él Miriba, tey bud hebut le Dwata, gónón wen gfà Musis lemwót bélê le.