Kehewà 17:6 - Udél Dwata: Gna Kesfasad ne Lomi Kesfasad

⁶ Gnahe bélê ye ditu bè Bulul Sinay, tódóe mdà bè yó te botu. Nfesem yóm botu yó, tódô wen él msut gu du mò ninum yó kem tau.” Tahu se, nmò Musis nim ni bè solu yó kem tau gel malak yó kem tau Israél.

Kehewà 17:6 Referans Kwoze

1 Kurin 10:4

Yóm botu yó, hnigaden Krays, ne là se kóen skó yóm tendo kmungen kul bè yóm tehe kógów le yó.

Nihimaya 9:15

Bè yóm tehe kbitil le, wen ken blayem kul gu bè longit ne bè yóm tehe kleeng le tódô wen él hesutem gu lem botu. Deng tehe hógówem lu anì nwa le yóm tonok deng fasadem kul.

Dwata 8:15

Bê ye abay klifót yóm tehe kalaken kuy lem yóm tey benwu alì knikò là hyu menwu du, benwu gónón nô yó kem ulal alì malas ne kem syufón. Bè yóm tonok mékéng laen dù élen yó, tódô wen él hesuten bélê ye bè yó gu lem yóm tey botu.

Kem Lingón 105:41

Sotu kdaw bè yó, tódô hesuten gu lem yóm botu bong yóm tey él mlel mò ninum le, tódô hlelen elem yóm benwu là hyu menwu du.

Kun Snulat Jan 4:10

Ne bnalà Jisas se yóm libun yó koni, monen, “Ke deng tngónem yóm tô blay Dwata kóm, ne ke tngónem yóm tau mni él béléem, dengi bud semwì mni él béléen ne anì benlayen uu yóm él hlowil tau.”

Kem Lingón 114:8

Yóm botu, gbek Dwata hembaling du busung él. Tahu se, wen él semfut gu bè yóm tey botu bong.

Kem Lingón 46:4

Ditu bè syudad Dwata, wen él mlel lemen, gel mit kligal lem yóm kun benwu. Bè yó se gónón nô yóm kun Gónô Dwata yóm Dwata hol dandónen geta bè kdéen.

Kem Lingón 78:20

Tahu se gbeken heskang botu anì wen él semfut gu lemen, okóm là kô gbeken du bemlay ken ne utón bè yó kem kun tau.”

Deng Hegfan 22:17

Yó udél yóm Tulus Dwata dalang se yóm libun yehen yóm Ngà Ubiha, mon le, “Géhél ye ne.” Ne yó kem tau mungol du, yake bud mon le kul, “Géhél ye ne.” Géhél le edini ne yó kem tau meeng na le e minum bè yóm él hlowil tau, yóm él là kô feng benli du. Yóm tau móyô, géhél minum ne.

Kun Snulat Jan 4:14

Okóm yóm tau minum yóm él dou blay, là kóen na a bud meeng. Yóm él blayu yó, baling sfut él mò gónó gmuta yóm klowil laen dù sónen.”

Isaya 48:21

Bè yóm tehe kalak Dwata yó kem tauhen ekni, mlan le bè yóm tey benwu kinì alì sidek kékéng tonoken. Ewenem là kô le glayam mlan bè kleeng le. Tódô hesut Dwata gu lem botu yóm mò él le. Tódô heskangen yóm tey botu bong, tódô hesut gu lemen se yóm tey él.

Kehewà 16:10

Tahu se, gotu sentifun Aron lu yóm kdê le. Bè yóm igoen tolo mudél ebélê le, gotu le temngel ebè yóm benwu laen hol wen tauhen ne tódô henmung ton le yóm tey layag Dwata mung bè yóm lobun tódô sminang.

Kehewà 14:16

Yó nmoem, tayalem eta mohin tugedem ne tódô meskó yóm él yó ne gbek yó kem tau Israél tódô mifal du yóm mohin yó, tódô le mlan lemen bè gónón mékéng tonok.

Lista 20:8

“Nwahem yóm tuged nô bè solu yóm Slungan Fasad ne gotu sentifun ye yóm kdéen tau lewu ye Aron. Bè yó bè solu le, tódói mudél ebè yóm botu nô bè yó ne angat wen él tódô semfut gu lemen. Bè nim nmoem ni, wen tey él gu lem yóm botu mò ninum yó kem tau ne yó kem ógóf le.”

Dwata 1:2

Ke tnonokem lemwót bè Bulul Sinay kól bè yóm benwu boluyen Kadis Barniya lanem bè yó kem bulul lemnek bè Idom, olon sfolò sotu kdaw kegenem tmonok du.

Kem Lingón 74:15

Uu se hesfut él ne hlel yó kem él mlel, ne bud uu se hekti yóm él mlel tehe là ktihen.

Kem Lingón 78:18

Tnilów le Dwata bè yóm kni le yóm ken nóyô le.

Kem Lingón 81:7

Bè yóm kwen gfà ye, gel tnaba ye ou, ne deng lenwau se yu. Bnalau yu gu lem yóm lobun gónón lemwót leték. Deng tnilówu kehtahu ye ditu bè benwu Miriba bè yóm alì ktalaw ye lanen laen dù él.