Kehewà 17:2 - Udél Dwata: Gna Kesfasad ne Lomi Kesfasad

² Gotu le tmalaw ebè Musis yó kem tau, mon le mò du, “Hol benlayem mi él mò ninum me.” Mon Musis se mò kul, “Moen de ke sónmò ye tmalaw? Moen de ke mom tô tnilów ye Dwata?”

Kehewà 17:2 Referans Kwoze

1 Kurin 10:9

Ne sotuhen, hol bê te abay tnilów yóm gónó tekuy mogot. Wen se bélê le tehe mò du ekni, ne gotu le matay lan ulal mékét kul.

Kem Lingón 78:41

Ket kiwól le tendo tmilów ke Dwata, ket kiwól le tendo heblat nawa yóm Dwata laen dù belenen bè Israél.

Kem Lingón 78:18

Tnilów le Dwata bè yóm kni le yóm ken nóyô le.

Dwata 6:16

Hol béen abay wen bélê ye tô tmilów ke Dwata lómón yóm tehe nmò ye bè benwu Masa.

Hibru 3:9

Yó mon Dwata, botong fat folò halayen kegen le mton du yóm gel któbóngu kul, ewenem sana ktilów le do.

Isaya 7:12

Yó udél Ahas, monen, “Bée dou. Là kóe móyô tmilów ke Dwata.”

Matyu 4:7

Bnalà Jisas se, monen, “Tahu se yóm monem yó, okóm wen sotu bud monen bè Sulat Dwata, monen, ‘Béem tnilów Dwata, yóm gónóhem mogot.’ ”

Kem Lingón 95:9

Bè yó tehe gónó le tmilów dou, igò le deng hónô mton du yó kem gel nmou lem blóng le.

Lista 21:5

ne wen udél le eta Dwata ne eta Musis. “Moen du ke tehe nwitem mi hewà gu bè Idyip anì matay me bè nim benwu laen hol wen tauhen ni, benwu laen dù kenen ne laen dù élen? Là bud gehlo me du ne nim ken mana là mnóm ni.”

Kul Nmò 15:10

Duhen yó, moen de ke tô tilów ye Dwata bè yóm blat tô hbô ye kul ni? Yóm tô hlolò ye kul, balù yó kem tehe fù tekuy ekni, là kô gbek le lemolò du kul, sélét mom tekuy ne.

Kul Nmò 5:9

Ne omin Pitér bud mon du ebéléen, monen, “Tey, mò ye mom semtilów temdek du du yóm Tulus Dwata? Yó dé lu yó kem tau lembeng ke tuha logihem koni, ne ni uu bud tmufì du.”

Kun Snulat Luk 4:12

Ne yó bud balà Jisas ke Seitan, monen mò du, “Tahu se, okóm bud wen sotu monen bè Sulat Dwata, yó monen, ‘Béem tnilów Dwata yóm gónóhem mogot.’ ”

Malakay 3:15

Bè kton tekuy du, hligal le kul yó kem tau heklabak. Tilob klowil le yó kem tau gel mò sidek ne baluen ke là nimón le ke Dwata, là kô gel tnafak Dwata kul.’ Ni se yóm udél ye sidek ebéléu,” mon Dwata.

Kem Lingón 106:14

Okóm ditu bè yóm benwu laen hol wen tauhen, bud tnilów le Dwata lan le alì tmalaw mni ken.

Kem Lingón 78:56

Baluen ke lómón yó deng nmoen bélê le, sana ktilów le du he yóm Dwata Hol Dandónen Geta. Sana là kimón le du, là móyô le mimón du yó kem hloloen kul.

Lista 14:22

Bud tahu snéen nim monu ni, balù sotu bè ni kem tau là mimón ni ke gehlós edu tum benwu deng fasadu kul. Igò le deng hónô mton du yóm tey keslinangu bè yóm knóu lem blóng le ne deng hónô ton le snéen yó kem hentaw ton tehe nmou bè Idyip dalang se bè ni bè nim benwu laen hol wen tauhen. Okóm deng mom sónmò le tendo gel htakas do ne là kô nimón le do.

Kehewà 17:7

Yó hlós boluy le du yóm benwu yó Masa ne Miriba abay se sónmò le tmalaw yó kem tau ne tnilów le Dwata yóm kmon le du, “Nô bélê tekuy Dwata kô ni, duhen ke là?”

Kun Snulat Luk 15:12

Monen mò ke maen yóm twoli, ‘Ó Mà, blayem béléu ne yóm dou ólól bè yó kem kimuhem.’ Tahu se, nólól mà le yó kem kimuhen.

Kehewà 15:24

Yó udél le tmalaw ebè Musis yó kem tau, mon le, “Tedum tô ninum tekuy du?”

1 Samwél 8:6

Okóm là kóen hligal Samwél bè nim hni le ni, yó nmoen mni bè Dwata.

Lista 14:2

Tendo nsel le Musis ne Aron, mon le, “Mom hyu he ke tehe me matay ditu bè Idyip duhen ke bè nim benwu laen hol wen tauhen.

Kehewà 5:21

Yó mon le mò ke Musis ne Aron, mon le, “Deng ton Dwata yóm nmò ye ne angat tnafaken yu bè yóm nmò ye ni. Lemwót bélê ye gónó Faro mutó nawa kum ne yó kem genlalen. Yu henged mni du yóm khatay le kum.”

Kehewà 16:8

Omin Musis bud mon du mò kul, “Dwata se bemlay kuy utón bè yóm móyón kkifuhen ni kdeng ne hlafus haya wen mò ken ye balù nô kbongen yóm kuy nóyô abay se deng gungolen yóm alì ktalaw ye ebéléen. Bè yóm gel ktalaw ye bélê me, kaem bè Dwata se yóm gónó ye e tmalaw.”

Kem Lingón 95:8

“Hol bê ye hgel kulu ye. Bê ye hkél bè kgel kulu yó kem tehe fù ye ekni bè yóm tehe knô le bè yóm benwu Miriba. Ne senged snéen yóm tehe knô le bè Masa, bè yóm benwu laen hol wen tauhen.

Kem Lingón 106:13

Okóm là legenen bè yó, sana bud klifót le yóm deng nmoen, ne là kô hangat le du yóm hlauhen kul.

Dwata 9:22

Sotuhen, bè yóm tehe knô ye bè Tabira ne bè Masa ne bè Kibrut-hataba, bud tey kehebut ye ke Dwata.