Kehewà 17:12 - Udél Dwata: Gna Kesfasad ne Lomi Kesfasad

¹² Timbow deng des sigel Musis ma le béléen botu le Aron ne Hur mò gónón myón ne mdà le klohoken, sotu bè kwananen ne sotu bè iwóngen sensogot le eta sigelen efet sdef kdaw.

Kehewà 17:12 Referans Kwoze

Isaya 35:3

Hol ten-gel ye yó kem sigel deng sidek kliteg le ne yó kem bukol deng kenkel là bud le mgel.

Flipay 1:19

abay se tngónu angate gewà lan ye gel mutóm do bè kni ye, ne lan yóm Tulus Jisas Krays gel tmóbóng dou.

Hibru 12:12

Duhen yó, baluen ke là bud ye gel tô gbala, duhen ke mahil megdódól nawa ye, bê ye abay htakas sen, hol hgel ye nawa ye dé.

1 Tisalunika 5:25

Ó kem dumu me setwoli, hol gel tendo utóm ye mi snéen bè Dwata.

Ifisus 6:18

Bè kdê ni kem ni koni, hol hmung ye du yóm gel kni ye bè Dwata, tódô henlel ye htóbóng béléen. Balù kihu sut bélê ye, hol ye gel mni bè Dwata, halak ye bè Tulusen. Yó gónóm mon, bê ye hlingay, ne hol bê ye abay htakas. Bè yóm gel kni ye, gel homong ye yóm kdéen tau Dwata.

2 Kurin 1:11

Tey mgel nawa me, abay se deng eles tngón me angat bud lenwaen mi he lemwót bè yóm gel kutóm ye kum bè yóm gel kni ye bè Dwata. Duhen yó, angat bnalà Dwata yóm tey kni ye bélê me yó, ne angat tey któbóngen kum. Ke ni se nmò Dwata, tey wen bélê ye gbót dmóyón du bè yóm któbóngen kum yó.

Sulat Jim 1:6

Syan ke hol hentahuhem yóm kbalà Dwata du yóm hnihem yó, béem abay hegewu nawam. Ke gel megewu nawahen yóm tau, hol lómón yóm lewók mohin, tódô gel gmung glulid bè lenos.

Kem Lingón 35:3

Kayangem eta buyusem ne sbatem mò hemseng lan yó kem hohonu. Hfungolem dou dé yóm udélem, yóm monem, “Ou yóm lemwà kóm.”

Kulasi 4:2

Bê ye htakas mni bè Dwata, ne bê ye se abay tódô gel hlingay. Hol hmung ye yóm gel kdóyón ye du.

Kehewà 17:11

Yóm igò Musis hdà du eta sigelen mung du kogoten du yóm tugeden botong le gemmò yó kem tau Israél. Okóm ke hloyolen elaan sigelen fen gemmò yó kem tau Amélék.

Kehewà 17:13

Lemwót bè nim nmò le ni, yó gónó Juswa gotu gemlà yó kem tau Amélék.

Kehewà 24:14

Gu laan le là deng lemwót, yó mon Musis bè yó kem tuha malak, “Nangat ye mi bè ni bè kamfù efet me bud kól. Tebel bélê ye bè ni Aron ne Hur. Ke wen gónó le là segtud yó kem tau mógów le ebélê le.”