Kehewà 17:11 - Udél Dwata: Gna Kesfasad ne Lomi Kesfasad

¹¹ Yóm igò Musis hdà du eta sigelen mung du kogoten du yóm tugeden botong le gemmò yó kem tau Israél. Okóm ke hloyolen elaan sigelen fen gemmò yó kem tau Amélék.

Kehewà 17:11 Referans Kwoze

1 Timuti 2:8

Sok ye gel stifun bè simbahan, kóyóu ke logi yóm fen mni, syan ke logi deng hogoten ke Dwata klowilen, ne laen dù tlek lenbuten, ne laen dù gónón seglius bè kem dumuhen.

Sulat Jim 5:16

Yó gónóm mon, hol ye gel seflifót, ne hol ye gel stóbóng mni bè Dwata yóm kdê ye anì kó Dwata bélê ye ke wen tenduk ye. Yóm tau hyu kmoen, tey mtud yóm knihen bè Dwata.

Kem Lingón 56:9

Bè yóm kdawu htóbóng béléem, Dwata, gotu le beklil mulék yó kem hohonu. Bè yó se gónóhu temngón du deng nfi Dwata ou.

Kun Snulat Luk 18:1

Bud wen hlingón tulón Jisas yó kem gel lemolò du mò gónó le dmalang yóm là ktakas le mni bè Dwata anì là kendelen gel hlóng sidek kegnóm le du.

Kehewà 17:10

Tahu se, nmò Juswa yóm deng mon Musis mò du. Hayahen bè yó lemwót nan e mit sfatay bè yó kem tau Amélék. Lemwót kul le Musis ne Aron ne Hur mneged le eta tfusù yóm bulul.

Kehewà 17:12

Timbow deng des sigel Musis ma le béléen botu le Aron ne Hur mò gónón myón ne mdà le klohoken, sotu bè kwananen ne sotu bè iwóngen sensogot le eta sigelen efet sdef kdaw.

Kem Lingón 44:6

Là kô snaligu du bohohu. Là kô snaligu du sudengu ke mò lemwà dou.