Kehewà 17:10 - Udél Dwata: Gna Kesfasad ne Lomi Kesfasad

¹⁰ Tahu se, nmò Juswa yóm deng mon Musis mò du. Hayahen bè yó lemwót nan e mit sfatay bè yó kem tau Amélék. Lemwót kul le Musis ne Aron ne Hur mneged le eta tfusù yóm bulul.

Kehewà 17:10 Referans Kwoze

Kehewà 24:14

Gu laan le là deng lemwót, yó mon Musis bè yó kem tuha malak, “Nangat ye mi bè ni bè kamfù efet me bud kól. Tebel bélê ye bè ni Aron ne Hur. Ke wen gónó le là segtud yó kem tau mógów le ebélê le.”

Kehewà 31:2

“Deng néléku Bisalil yóm ngà Uri, yóm Uri témê Hur tau lemwót bè ból Juda.

Kehewà 17:12

Timbow deng des sigel Musis ma le béléen botu le Aron ne Hur mò gónón myón ne mdà le klohoken, sotu bè kwananen ne sotu bè iwóngen sensogot le eta sigelen efet sdef kdaw.

Kun Snulat Jan 15:14

Weu yu ke nimón ye yóm hlauhu kuy.

Kun Snulat Jan 2:5

Omin Yê Jisas lemwót, stulón bè yó kem tau smagid ken, monen, “Kihu hmò Jisas kuy, tódô nimón ye.”

Matyu 28:20

Ne yóm kdê deng hlauhu kuy, hol tolok ye kul anì hol nimón le se kul. Ne laen kô mtukul sónen yóm knóu bélê ye efet kól bè yóm hol són kdaw.”

Kehewà 17:11

Yóm igò Musis hdà du eta sigelen mung du kogoten du yóm tugeden botong le gemmò yó kem tau Israél. Okóm ke hloyolen elaan sigelen fen gemmò yó kem tau Amélék.