Kehewà 16:6 - Udél Dwata: Gna Kesfasad ne Lomi Kesfasad

⁶ Tahu se, tulón Musis ne Aron bè yó kem tau Israél nim ni, mon le mò kul, “Bè nim móyón kkifuhen ni, tódô tngón ye yóm sana kuy Dwata hol gónó mogot, yóm deng hewà kuy gu bè Idyip.

Kehewà 16:6 Referans Kwoze

Kehewà 6:7

Nmou yu mò hol dou tau ne ou se hol kuy Dwata. Angat tngón ye ou yóm sana kuy Dwata hol gónó mogot bè yóm angat kehewau kuy bè Idyip, yóm benwu gónó ye ghesek.

Lista 16:30

Okóm ke wen nmò Dwata yóm là deng sulék gungol tau du ne ke tódô setngag yóm tonok ne ke gotu le geblos elemen ni kem tau ni, gomong kem kimu le, geblos le elemen igò le tolo mowil ebè benwu yó kem tau deng matay, bè yó gónó ye temngón du natù le Dwata ni kem tau ni.”

Lista 16:28

Yó mon Musis mò yó kem tau, “Ni wen mò gónó ye temngón du yóm deng kdók Dwata do mò fen mò du yóm kun kóyô lem blóng ye ne là kóen lemwót bè yóm dou kóyô.

Kem Lingón 77:20

Tehe nalakem yó kem kóm tau bè yóm lan yó, hol lómón kalakem kul ubiha, bede hlanem bè le Musis lewu le Aron.

Kehewà 32:11

Okóm tey kehkodu Musis bè Dwata yóm hol gónón mogot, monen mò du, “Ó Dwata, moen du ke alì gedlug kebutem kul yó kem tauhem deng hewaem gu bè Idyip? Yóm kegewà le yó mlan bè yóm alì kegbekem ne tey kgisem.

Kehewà 32:7

Ne ditu ta yóm bulul bud mudél ebè Musis Dwata, monen, “Géhéli mosol, Musis, abay se yó kem tau nalakem gu bè Idyip, deng le gemsalà ne deng kenbê le o.

Kehewà 32:1

Timbow ton yó kem tau Israél yóm là géhél kosol Musis gu ta yóm bulul gotu le stifun klohok Aron, mon le mò du, “Là kô tngón me du ke tedu gefet bè Musis yóm tau mit tekuy hewà gu bè Idyip. Yó hyu ke moi bélê me yó kem dwata lennged mò malak tekuy.”

Kehewà 16:8

Omin Musis bud mon du mò kul, “Dwata se bemlay kuy utón bè yóm móyón kkifuhen ni kdeng ne hlafus haya wen mò ken ye balù nô kbongen yóm kuy nóyô abay se deng gungolen yóm alì ktalaw ye ebéléen. Bè yóm gel ktalaw ye bélê me, kaem bè Dwata se yóm gónó ye e tmalaw.”

Kehewà 16:3

yó mon le mò kul, “Mom hyu he ke tódô tehe hnatay Dwata mi ditu bè Idyip. Tey gengón ken me ditu. Okóm kuy, deng mom nwit ye mi ebè nim benwu laen hol wen tauhen nii anì gotu me matay lemnus bè ni.”

Kehewà 6:6

Duhen ni, tulónem yó kem tau Israél, nim udélu ebélê le ni, ‘Ou se yóm sana Dwata hol gónó mogot. Lenwau yu lem tdok yó kem tau Idyip. Hewau yu bè yóm gónó ye alì ghesek. Angat tayalu eta sigelu mò tmafak yó kem tau Idyip, okóm fen hewau yu yó dum kuy.

Kem Lingón 81:11

Okóm là, là kô dog hnungol le dou yó kem dou tau. Là kô dog kenmón le dou yó kem tau Israél.