Kehewà 16:4 - Udél Dwata: Gna Kesfasad ne Lomi Kesfasad

⁴ Omin Dwata mon du mò ke Musis, “Wen ken hkulónu gu bè longit mò ken yóm kdê ye. Lemwót yó kem tau, ket kdaw le hewà na le e ma mò ken le bede olon sfeng bè sendaw yóm gel nwa le. Bè nim hlolou kul ni gónóhu tmilów kul ke glolò le yóm hlolou kul.

Kehewà 16:4 Referans Kwoze

1 Kurin 10:3

Ne gotu le se gbót mken du yóm ken blay Dwata kul, ne ninum le se yóm él blayen kul. Gotu le se minum du yóm él hsut Dwata gu lem botu.

Kem Lingón 105:40

Bè yóm igò le mógów, mni le utón bè Dwata. Tahu se, wen holò lembang hwit Dwata ebélê le. Wen mana hebtangen ebélê le gu bè longit mò ken hegsengel nawa le.

Dwata 8:2

Hol hentulón ye nawa yóm kmò kwit Dwata kuy bè yóm tey nógów mayuk lem yóm benwu laen hol wen tauhen lem yóm fat folò halay. Gel henwit Dwata yu tilów mgel mò gónón temngón du yóm hol nô bè nawa ye ke nimón ye yó kem kun hlau kuy duhen ke là.

Kehewà 15:25

Tódô hotu Musis nawahen mni bè Dwata. Kogol yóm knihen, wen ngà koyu hton Dwata du, htudaen du elem yóm él ne baling hyu minum du yóm él yó. Bè yóm benwu Mara yó, wen hlolò Dwata kul yó kem tau Israél mò gónón tmilów kul.

Nihimaya 9:15

Bè yóm tehe kbitil le, wen ken blayem kul gu bè longit ne bè yóm tehe kleeng le tódô wen él hesutem gu lem botu. Deng tehe hógówem lu anì nwa le yóm tonok deng fasadem kul.

Dwata 8:16

Bè yóm knô ye lem yóm benwu laen hol wen tauhen yó, wen mana blayen kuy mò ken ye, yóm ken là deng kul hnikót ton du yó kem tehe fù ye. Gel wen yóm tilów mgel hwit Dwata ebélê ye mò gónón tmilów kuy ne mò kuy kehyu.

Matyu 6:11

Benlayem mi sfeng ken me ket haya.

Kem Udél Hlalak Tehe Selumun 30:8

Tanayen, hol tnóbóngem o anì là gemmoe kéng ne gewuhen, béem hdengen o ne béem hélél se o, olom bemlay do yóm mò gel sfeng kenu.

Juswa 24:15

Ke là móyô ye lemolò du, hol eles nélék ye kemdaw ni ke dwata du de yóm lolò ye, yó kem kul dwata kéng tehe gel tnaba yó kem tehe fù ye nô sentu Él Yufratis, duhen ke yó kem dwata kul gel tnaba yó kem tau Amurayt yóm tehe fun yóm tonok gónó ye nô ni. Bong béléu dou ne yó kem fes lówóhu, tódô henlós me lemolò ke Dwata yóm sana Dwata hol gónó mogot.”

Kun Snulat Luk 11:3

Benlayem mi sfeng ken me ket haya.

Kehewà 16:15

Bè yóm kton le du yó kem tau Israél, là kô tngón le du ke tedu yóm yó ne gotu le ssólók, mon le, “Tedum ni?” Mon Musis se mò kul, “Ni se yóm ken blay Dwata kuy mò ken ye.

Kem Lingón 78:23

Balù yó he, dóken longit anì hnas,

Nihimaya 9:20

Tey hyu yóm gel tolokem kul mlan bè Tulusem. Là kô tenflokem du yóm mana gel hkenem kul dalang se yóm él gel hinumem kul.