Kehewà 16:35 - Udél Dwata: Gna Kesfasad ne Lomi Kesfasad

³⁵ Botong fat folò halay kegen le mken mana yó kem tau Israél efet le kól bè Kanan, yóm benwu hlós gónó le henek nô.

Kehewà 16:35 Referans Kwoze

Juswa 5:12

Bè yóm kdaw yó laen dù bud mana btang ebélê le ne là se bud ton le du ne yóm mana yó. Tódô lenwóten bè yóm kdaw yó, són ken le yó kem hulu tmowok bè Kanan.

Dwata 1:8

Yóm kdê benwu monu ni, ni se yóm tonok deng tehe fasadu yó kem tehe fù ye le Abraham ne Isak ne Jakub ne bè kdê yó kem semfu gu bélê le. Mógów ye etu ne henek ye tahen.’ ” Là gomongen bè nili yóm tsaptér 1:9 efet kól bè tsaptér 3:29. Yó tulónen bè ni kem tsaptér ni yóm ktutul Musis du bè yó kem tau Israél yóm tehe kewót le gu bè Idyip. Ke móyô ye semfala du bè Tboli yóm tulónen, gbek ye semfala du bè ni kem bok nii abay se senged yóm tulón le. Kehewà 18 Kélék le yó kem tau kmukum bélê le Lista Israél 11 Knô le lem yóm benwu laen hol wen tauhen Lista Israél 13 Yó kem tau na a hemkana bè Kanan Lista Israél 14 Ksonol le ke Dwata yó kem tau Israél Lista Israél 20 Là kehlus Dwata ke Musis hlós ebè Kanan Lista Israél 21 Kegmò le bè le Sihun ne Ug Lista Israél 32 Yó kem tau Israél fen menwu fi dmata kdaw Él Jurdan

Nihimaya 9:15

Bè yóm tehe kbitil le, wen ken blayem kul gu bè longit ne bè yóm tehe kleeng le tódô wen él hesutem gu lem botu. Deng tehe hógówem lu anì nwa le yóm tonok deng fasadem kul.

Kul Nmò 7:36

Tahu se, Musis yóm malak kul gu bè Idyip. Tey dê hentaw ton nmoen bè Idyip, dalang se bè yóm kifal le yóm Mohin Hulô efet yóm fat folò halay le tódô hlumbù bè yóm benwu laen dù tau menwu du.

1 Kurin 10:3

Ne gotu le se gbót mken du yóm ken blay Dwata kul, ne ninum le se yóm él blayen kul. Gotu le se minum du yóm él hsut Dwata gu lem botu.

Lista 32:13

Okóm yó kem dumu tau Israél, tey sidek kebut Dwata kul. Yó gónón htabag kul lem yóm benwu laen hol wen tauhen glem yóm fat folò halayen efet le gotu matay yó kem tau hefebut du bè yóm kdaw yó.

Dwata 8:4

Lem yóm fat folò halay ye mógów, yóm nes ye là kóen na a bolok ne là se kóen na a lembóg ti ye.