Kehewà 16:32 - Udél Dwata: Gna Kesfasad ne Lomi Kesfasad

³² Yó mon Musis mò kul, “Yó hlolò Dwata tekuy, hyu ke wen sotu tukung bong nim mana ni henyu tekuy mò angat ton yó kem kut lugod anì ton le yóm ken blay Dwata tekuy, yóm ken tekuy bè yóm benwu laen hol wen tauhen bè yóm kehewaen kut gu bè Idyip.”

Kehewà 16:32 Referans Kwoze

Kem Lingón 105:5

Yu kem tau semfu gu bè Abraham yóm tau tehe kun tóbóng lówó Dwata, ne yu kem tau semfu gu bè Jakub yóm tau tehe kun nélék Dwata, hentulón ye nawa yó kem hyu tehe nmò Dwata, yó kem hentaw ton gel nmoen bélê le. Dalang se yóm tehe gel kkukumen yó kem hohon le.

Kun Snulat Luk 22:19

Ominen bud ma yóm mambang, ne nan bud dóyón Dwata, ominen yó kembéng du, ne blayen kul, monen mò kul, “Nim mambang kenbéngu bélê ye ni, ni se dou lówó angat gamà bélê ye. Ken ye mò gónó ye hemtulón dou nawa.”

Hibru 2:1

Ke lómónen yó kegetahen yóm gónó tekuy mogot, hol sù tekuy bè nawa tekuy sen yóm ktahuhen deng gungol tekuy anì là snonol tekuy du.

Hibru 9:4

Wen lemisa lenafin blówón nô lemen mò gónó le gel mtem ebè Dwata yóm alì minggel boohen boluyen insinsu. Ne wen slungan bong lenafin blówón nô lemen snéen. Yó boluy le du, slungan gónón nô yóm fasad Dwata. Wen sotu sobuy blówón nô lemen gónó le hemyu du yóm tehe ken le ekni boluyen mana. Ne sotu bud nô lemen, yóm tehe tuged Aron, yóm tuged tehe tódô dmoun. Ne bud nô lemen snéen yóm lewu botu kufil gónó Dwata tehe smulat du yó kem hlauhen kul.

Kehewà 16:16

Yó mon Dwata, ket kmuleng ma yóm wen mu le du, sotu tukung bong bè ket tau nô lem gónô.”

Kehewà 16:31

Yó boluy kem tau Israél du yóm ken yó, mana. Lómó kmoen lómón yóm ngà lem hulu bukay, lómó knómen lómón yóm mambang lufi wen tneben.

Kehewà 16:33

Duhen yó, mon Musis se mò ke Aron, “Mebeli ngà lebwón, hensuem sotu tukung mana lemen ne hol henyuhem mò angat ton yó kem lugod tekuy.”

Jirimaya 7:23

Okóm yó hol hlolou kul, monu mò kul, ‘Hol nimón ye ou anì ou se mò kuy Dwata ne yu se mò dou tau. Hol lolò ye yóm deng monu mò kuy anì hyu kógów klowil ye.’

Husiya 11:4

Nalaku Israél lanen mayuk nawahu du ne mung du yóm tey kbong nawahu du. Kóhu béléen yóm kegheseken ne lekohonge etahen yóm igou hemken du.