Kehewà 16:31 - Udél Dwata: Gna Kesfasad ne Lomi Kesfasad

³¹ Yó boluy kem tau Israél du yóm ken yó, mana. Lómó kmoen lómón yóm ngà lem hulu bukay, lómó knómen lómón yóm mambang lufi wen tneben.

Kehewà 16:31 Referans Kwoze

Kehewà 16:15

Bè yóm kton le du yó kem tau Israél, là kô tngón le du ke tedu yóm yó ne gotu le ssólók, mon le, “Tedum ni?” Mon Musis se mò kul, “Ni se yóm ken blay Dwata kuy mò ken ye.

Kehewà 16:14

Tikóng mnò yóm amù yó tódô wen ton le lómón ke bulók kulón bede lufi, tódô nô talak yóm tonok bè yóm benwu laen hol wen tauhen yó.

Kehewà 16:30

Tahu se, là kô le mò nmò yó kem tau bè yóm ghituhen kdaw.

Kehewà 16:32

Yó mon Musis mò kul, “Yó hlolò Dwata tekuy, hyu ke wen sotu tukung bong nim mana ni henyu tekuy mò angat ton yó kem kut lugod anì ton le yóm ken blay Dwata tekuy, yóm ken tekuy bè yóm benwu laen hol wen tauhen bè yóm kehewaen kut gu bè Idyip.”

Dwata 8:3

Sotu tehe tilówen kuy, hbitilen yu ominen yó wen mana blayen kuy mò ken ye, yóm ken là deng hnikót ton ye du dalang se yó kem tehe fù ye. Yó gónón mò du yóm yó mò gónó ye temngón du là olon du bè ken gónón mowil tau, okóm mowil le bè kdéen yóm udél Dwata.

Dwata 8:16

Bè yóm knô ye lem yóm benwu laen hol wen tauhen yó, wen mana blayen kuy mò ken ye, yóm ken là deng kul hnikót ton du yó kem tehe fù ye. Gel wen yóm tilów mgel hwit Dwata ebélê ye mò gónón tmilów kuy ne mò kuy kehyu.