Kehewà 16:3 - Udél Dwata: Gna Kesfasad ne Lomi Kesfasad

³ yó mon le mò kul, “Mom hyu he ke tódô tehe hnatay Dwata mi ditu bè Idyip. Tey gengón ken me ditu. Okóm kuy, deng mom nwit ye mi ebè nim benwu laen hol wen tauhen nii anì gotu me matay lemnus bè ni.”

Kehewà 16:3 Referans Kwoze

Kehewà 17:3

Okóm yó kem tau tey kleeng le, tódô henlós le tendo mò du yóm tmalaw ebè Musis. Yó mon le, “Moen de ke tehe nwitem mi gu bè Idyip? Ilóem tô hnatayem mi ne yó kem ngà me ne yó kem ógóf me bè kleeng?”

Dwata 28:67

Angat sónmoen tendo slang katay ye bè kdê yó kem sidek gel ton ye. Lemwót bè yó kem dê gel knikò ye, ke hlafus kóyô ye ke géhél kifu ne ke kifu kóyô ye ke géhél mwas.

Jirimaya 2:6

Balù udì se ke tô mon le, ‘Nô se yóm Dwata tehe mit tekuy hewà gu bè Idyip ne laen kô dù hemen tekuy? Nô se yóm tehe malak tekuy lem yóm benwu là hyu menwu du? Yó se yóm benwu balù udì ke wen mowil du tódô hono helek, hono sol ne tey sidek kkinien, benwu gónó matay. Balù sotu ke wen tau menwu lemen ne balù sotu tau ke wen mlan lemen.’

Lista 14:2

Tendo nsel le Musis ne Aron, mon le, “Mom hyu he ke tehe me matay ditu bè Idyip duhen ke bè nim benwu laen hol wen tauhen.

1 Kurin 4:8

Ilóem ofo kuy ke deng gsengel ne yóm kenhulung deng blay Dwata kuy. Ofo kuy kô ke laen dù gónó ye élél, ne ke deng ye baling tau hol geta? Okóm bélê me kum, là he. Tey hyu se ke tahu yóm kegeta ye yó anì gomong me bélê ye.

Juswa 7:7

Yó udél Juswa ebè Dwata, monen, “Ó Dwata, uu se yóm hol dandónen geta. Moen du ke nwitem mi mifal yóm Él Jurdan? Ilóem tô blayem mi elem hólól yó kem tau Amurayt kô? Tô gotu genlaem mi kô? Yake tehe me tódô henek menwu ditu ne fatu Él Jurdan.

2 Kurin 11:1

Hyu nawahu ke là tmakas ye hmungol du nim tulónu kuy ni, baluen ke lómón tóe kudél tau nungel. Okóm na ye na hol henbala kut dé.

Kul Nmò 26:29

Bud mon Pol se, “Kihu ke kendeli hemtahu ni, duhen ke nan legen he, hol hnihu uu bè Dwata, Sér, senged se ni kem dumu tau hmungol do ni, anì mkél ye béléu bè yóm dou kehtahu bè Jisas, syan ke là gbunù ye du ni dum kfét le dou kdina ni.”

Job 3:20

Moen du ke mowil yó kem tau alì sidek kliteg le? Ne yó kem tau alì sidek kegnóm le bè klowil le, moen du ke mowil le?

Job 3:10

abay se là tehe hensengen du yóm tehe ksut blutut yê. Là hensengen du yóm ksutu igoen tey sidek yóm gónóhu e kól.

Job 3:1

Kogolen bè yó, tódô hebkó mudél Job henmulaen yóm kdaw tehe ksuten.

2 Samwél 18:33

Tódô gleket bè yóm tau hol geta yóm ksidek kegnómen du, tódô mógów elem yóm dfél nô ta yóm bak tikeb yóm syudad, ne hebtuen dlumuhen. Yó udélen, monen, “Ngau Absalum, Absalum, Absalum. Yake ou dé matay, béen uu Absalum, ngau.”

Dwata 8:3

Sotu tehe tilówen kuy, hbitilen yu ominen yó wen mana blayen kuy mò ken ye, yóm ken là deng hnikót ton ye du dalang se yó kem tehe fù ye. Yó gónón mò du yóm yó mò gónó ye temngón du là olon du bè ken gónón mowil tau, okóm mowil le bè kdéen yóm udél Dwata.

Lista 16:41

Timbow hayahen bè yó, bud nsel le le Musis ne Aron yó kem tau Israél, mon le, “Deng wen hnatay ye bè yó kem tau Dwata.”

Lista 16:13

Là kóyówen béléem he kô yóm tehe kwitem kum hewà gu bè Idyip, gu bè yóm benwu tilob tonoken, anì nam e gotu hnatay mi bè nim benwu laen hol wen tauhen ni? Ne ni, kóyóem he kô ke bud henbalingem mi mò hesekem?

Lista 11:15

Ke seflós lómón ni tô hmoem do hol henkoduhu béléem, tódô hnatayem o ni ne anì là bud gnómu du yóm alì ksidek keblat yóm hbóem do.”

Kehewà 5:21

Yó mon le mò ke Musis ne Aron, mon le, “Deng ton Dwata yóm nmò ye ne angat tnafaken yu bè yóm nmò ye ni. Lemwót bélê ye gónó Faro mutó nawa kum ne yó kem genlalen. Yu henged mni du yóm khatay le kum.”

Kehewà 2:23

Deng hilu halayen miwes bè yó, matay yóm tau hol geta bè Idyip, okóm sana tolo tey keglayam le he yó kem tau Israél lan le alì hmesek kul. Tey ktaba le ebè Dwata, kóyô le ke wen tmóbóng kul. Yóm ktaba le yó, gefet ditu bè Dwata.

Lista 14:3

Moen du ke nwit Dwata mi etu bè benwu Kanan? Angat me matay ditu bè gida ne yó kem yehen me ne kem ngà tekuy gotu negef le lu. Mom hyu ne ke gotu me bud mulék ebè Idyip.”

Kem Lingón 78:19

Yó udél le eta Dwata, mon le, “Là kô gbek Dwata bemlay tekuy ken bè nim benwu là hyu menwu du ni.

Kem Lingón 78:25

Ken le yóm kul gel ken yó kem hógów Dwata nô bè longit, ngang le mken efet le bsow.

Jirimaya 42:14

Ne ke alì duil ye se mógów ebè Idyip, abay se hendem ye laen dù bud gmida kuy ditu ne là bud ye bitil ne laen dù bud hennilam ye.

Kehewà 14:11

Yó mon le mò ke Musis, “Ni kô gónóm mit kum ebè nim benwu laen hol wen tauhen anì bè ni gónó me matay abay se laen dù gónó me lebeng bè Idyip? Hnénégem dé yóm nmoem bélê me bè yóm deng kwitem kum hewà gu bè Idyip.

Lista 11:20

Okóm sbulón le mutón du, ngangen efet tembul iwol le ne laen bud óyô le du. Yó gónóhu mò du nim ni abay se deng kenbê le ou, yóm sana kul Dwata hol gónó mogot, yóm tendo gel mung kul. Lel le msel do bè yóm ktebel le yóm benwu Idyip.”

Lista 21:5

ne wen udél le eta Dwata ne eta Musis. “Moen du ke tehe nwitem mi hewà gu bè Idyip anì matay me bè nim benwu laen hol wen tauhen ni, benwu laen dù kenen ne laen dù élen? Là bud gehlo me du ne nim ken mana là mnóm ni.”

Kem Lingón 107:5

Tey sidek kbitil le, tey sidek kleeng le efet laen dù bud gónón e mefet nawa le.