Kehewà 16:23 - Udél Dwata: Gna Kesfasad ne Lomi Kesfasad

²³ Yó mon Musis mò kul, “Yó hloloen kuy yóm sana Dwata hol gónó mogot, haya yóm Kdaw Kehegnô hol hetfing ye ebéléen yóm kdaw yó. Eles tnétê ye kemdaw ni yóm kuy nóyô tnétê ne eles tnógó ye ni yóm kuy nóyô tnógó. Ke wen dù tebel, hol henyu ye mò ken ye haya.”

Kehewà 16:23 Referans Kwoze

Hlolò 23:3

Yó htulón Dwata ke Musis, monen, “Wen nem kdaw ye mò nmò, okóm hol bê ye abay klifót yóm ghituhen kdaw, yó se yóm kdaw ye hegnô. Bè yóm kdaw yó, béen abay wen bélê ye mò nmò bede hol ye stifun tmaba ebè Dwata. Balù kihu gónó ye nô sana ke Dwata du funen yóm ghituhen kdaw yó ne hol nadat ye.

Kehewà 31:15

Wen nem kdaw ye bè ket fedyan mò du yóm kuy nmò, okóm yóm ghituhen kdaw hol kdaw ye hegnô abay se yó se yóm dou kdaw. Ke wen tau mò nmò bè yóm kdaw yó, tódô hnatay kmò du.

Kun Snulat Luk 23:56

Omin le yó mulék, hentifes le yóm alì minggel boohen angat sù le bè lówóhen, duhen yó kem dê kay doun ne hboo. Okóm laen dù nmò le bè yóm Kdaw Kehegnô, ulit le bè yóm kul hlau.

Deng Hegfan 1:10

Bè yóm sotu Akad, tódô sut béléu yóm Tulus Dwata, ne tódô gungolu se yóm tey mudél te kwangu, hol lómón ke uni féw bong.

Lista 11:8

Tódô hgasà gu hmilol yóm kamfù le ke kifu mung bè amù. Ke sok hlafus, gotu le hewà yó kem tau na le e mulut. Yó kmò le du, wen se gnaling le ne wen se ndek le efet baling arina, omin le hkodok du ne nmò le mambang lufi. Lómó kmò nómen yóm mambang wen hnolo uliben.

Kehewà 16:19

Yó mon Musis mò kul, “Hol béen wen bélê ye hemyu ke mò kenen haya.”

Dwata 5:12

Hol hetfing ye yóm Kdaw Kehegnô ne hol béen abay wen nulé ye bè yó kem dou hlolò kuy bè yóm kdaw yó. Ou se yóm sana kuy Dwata hol gónó mogot fen hlolò du kuy nim ni.

Nihimaya 9:13

Ditu bè Bulul Sinay gónóm tehe mnaul ebélê le lemwót gu bè longit ne bè yó gónóm mudél ebélê le. Wen tey hlau tedeng blayem kul ne wen tey hyu hloloem kul.

Nihimaya 9:14

Deng hetfingem bélê le yóm sotu kdaw mò kdaw le hegnô. Ne wen dumu hlauhem kul hlanem bè Musis yóm tau tóbóng lówóhem.

Jirimaya 17:22

Bê ye abay mò nmò bè yóm kdaw yó, yó se kun kdaw Dwata. Deng tehe hlolou yó kem tehe fù ye ekni nim hlau ni,

Lista 11:7

Nim mana mon le ni, hol skél bè yóm lem hulu alì lemnek malù bukay mélél.