Kehewà 16:21 - Udél Dwata: Gna Kesfasad ne Lomi Kesfasad

²¹ Ket hlafus, sotu kun ma sfeng kun. Ne ke deng kinì kdaw gotu mnò yó kem dù tebel bè tonok.

Kehewà 16:21 Referans Kwoze

2 Kurin 6:2

Hnungol ye yóm tehe mon Dwata, yóm monen, “Bè yóm deng kehto yóm buteng tehe fétu mò tmóbóng kuy, deng tódô gungolu se yóm taba ye do. Bè kehto yóm butengu lemwà kuy, deng tódô tnóbóngu yu.” Ngem, deng duhen ni se yóm kdaw tô któbóng Dwata kuy. Ne deng duhen ni se yóm kdawen tô lemwà kuy.

Kun Snulat Jan 12:35

Bnalà Jisas lu, bede hningónen, monen, “Là buden legen ne knóen lem blóng ye yóm layag. Tnana ye hloni edu, kô gafiten yu kifu. Yóm tau mógów lem kifu, là kô tonen du gónón e solu.

Matyu 6:33

Ni dé hol nmò ye. Hol hogot ye ke Dwata klowil ye, ne hol nmò ye yóm gel hmoen kuy. Ke yó se nmò ye, Dwata he angat bemlay du kuy yó kem kdê wen mu ye du.

Kehedem Tau Tmolok 12:1

Duhen yó, hol hentulónem nawa yóm Dwata tehe mifil kóm yóm igoem tolo lomi tau. Hol nadatem gu laanem là deng tuha. Abay se ke dengi tuha laen kô dù bud kligalem bè klowilem.

Kehedem Tau Tmolok 9:10

Nô kihu nmoem, hol hotuhem gelem mò du. Abay se kesoki kól bè benwu yó kem tau matay, laen kô dù bud nmoem, ne laen se kô dù bud natulem, ne laen se kô dù bud ketngónem, ne laen se kô dù bud khulungem hedem.

Kehewà 16:20

Okóm wen se bélê le là dog nimón le ke Musis, mom wen henyu le du. Tikóng hlafus haya tódô hono kuled yóm deng henyu le yó, deng mom moo bolok. Ne tey kebut Musis kul.

Kehewà 16:22

Timbow bè gnemen kdaw wen nwa le geblà bè lewu kdaw, ket lewu tukung bong bè ket tau. Kdê yó kem tuha malak yó kem tau Israél mógów ebè Musis ne tulón le du nim ni.