Kehewà 16:2 - Udél Dwata: Gna Kesfasad ne Lomi Kesfasad

² Bè yó bè yóm benwu laen hol wen tauhen gotu le tmalaw ebè le Musis ne Aron yó kem tau,

Kehewà 16:2 Referans Kwoze

1 Kurin 10:10

Ne hol bê tekuy abay gel semlón. Wen se bélê le gel mò du nim ni. Botong wen hógów Dwata gu bè longit mit hatay elem blóng le, ne gotu le matay yó kem tau semlón yó.

Kehewà 15:24

Yó udél le tmalaw ebè Musis yó kem tau, mon le, “Tedum tô ninum tekuy du?”

Kem Lingón 106:25

Deng le mom tmalaw lem yó kem tolda le, ne là kô dog nimón le ke Dwata.

Kem Lingón 106:7

Bè yóm tehe knô le bè Idyip yó kem tehe fù me, là hol kenmón le du yó kem hentaw ton gel nmò Dwata, là hol hendem le du yó kem tey dê nmoen gónón hegfan du yóm kbong nawahen kul. Ditu bè Mohin Hulô, deng mom natù le.

Kem Lingón 106:13

Okóm là legenen bè yó, sana bud klifót le yóm deng nmoen, ne là kô hangat le du yóm hlauhen kul.

Kehewà 14:11

Yó mon le mò ke Musis, “Ni kô gónóm mit kum ebè nim benwu laen hol wen tauhen anì bè ni gónó me matay abay se laen dù gónó me lebeng bè Idyip? Hnénégem dé yóm nmoem bélê me bè yóm deng kwitem kum hewà gu bè Idyip.

Tekang Kbuten 19:4

Gu laan le là deng lemwót tungô, deng sana snibut le gónô Lat yó kem logi bè yó bè Sodom. Tódô kdéen kem logi lomi lemnok kkólen bè yó kem tuha, gotu le lemibut bè yó.

Kehewà 5:21

Yó mon le mò ke Musis ne Aron, mon le, “Deng ton Dwata yóm nmò ye ne angat tnafaken yu bè yóm nmò ye ni. Lemwót bélê ye gónó Faro mutó nawa kum ne yó kem genlalen. Yu henged mni du yóm khatay le kum.”

Kehewà 17:3

Okóm yó kem tau tey kleeng le, tódô henlós le tendo mò du yóm tmalaw ebè Musis. Yó mon le, “Moen de ke tehe nwitem mi gu bè Idyip? Ilóem tô hnatayem mi ne yó kem ngà me ne yó kem ógóf me bè kleeng?”

Lista 14:22

Bud tahu snéen nim monu ni, balù sotu bè ni kem tau là mimón ni ke gehlós edu tum benwu deng fasadu kul. Igò le deng hónô mton du yóm tey keslinangu bè yóm knóu lem blóng le ne deng hónô ton le snéen yó kem hentaw ton tehe nmou bè Idyip dalang se bè ni bè nim benwu laen hol wen tauhen. Okóm deng mom sónmò le tendo gel htakas do ne là kô nimón le do.