Kehewà 16:15 - Udél Dwata: Gna Kesfasad ne Lomi Kesfasad

¹⁵ Bè yóm kton le du yó kem tau Israél, là kô tngón le du ke tedu yóm yó ne gotu le ssólók, mon le, “Tedum ni?” Mon Musis se mò kul, “Ni se yóm ken blay Dwata kuy mò ken ye.

Kehewà 16:15 Referans Kwoze

Kehewà 16:4

Omin Dwata mon du mò ke Musis, “Wen ken hkulónu gu bè longit mò ken yóm kdê ye. Lemwót yó kem tau, ket kdaw le hewà na le e ma mò ken le bede olon sfeng bè sendaw yóm gel nwa le. Bè nim hlolou kul ni gónóhu tmilów kul ke glolò le yóm hlolou kul.

Kun Snulat Jan 6:58

Duhen ni, yóm ken tulónu kuy ni, ni se yóm ken lemwót gu bè longit. Bede là mkélen bè yóm ken tehe gel ken yó kem fù tekuy ekni. Balù yóm kken le du, senged gotu katay le snéen. Okóm yó se tau mken yóm ken monu ni, angat gutahen yóm klowil laen dù sónen.”

Kehewà 16:31

Yó boluy kem tau Israél du yóm ken yó, mana. Lómó kmoen lómón yóm ngà lem hulu bukay, lómó knómen lómón yóm mambang lufi wen tneben.

Dwata 8:3

Sotu tehe tilówen kuy, hbitilen yu ominen yó wen mana blayen kuy mò ken ye, yóm ken là deng hnikót ton ye du dalang se yó kem tehe fù ye. Yó gónón mò du yóm yó mò gónó ye temngón du là olon du bè ken gónón mowil tau, okóm mowil le bè kdéen yóm udél Dwata.

1 Kurin 10:3

Ne gotu le se gbót mken du yóm ken blay Dwata kul, ne ninum le se yóm él blayen kul. Gotu le se minum du yóm él hsut Dwata gu lem botu.

Nihimaya 9:20

Tey hyu yóm gel tolokem kul mlan bè Tulusem. Là kô tenflokem du yóm mana gel hkenem kul dalang se yóm él gel hinumem kul.

Nihimaya 9:15

Bè yóm tehe kbitil le, wen ken blayem kul gu bè longit ne bè yóm tehe kleeng le tódô wen él hesutem gu lem botu. Deng tehe hógówem lu anì nwa le yóm tonok deng fasadem kul.

Juswa 5:12

Bè yóm kdaw yó laen dù bud mana btang ebélê le ne là se bud ton le du ne yóm mana yó. Tódô lenwóten bè yóm kdaw yó, són ken le yó kem hulu tmowok bè Kanan.

Kun Snulat Jan 6:49

Yó kem tehe fù tekuy ekni bè yóm tehe knô le bè yóm benwu laen dù tauhen, gotu gken le se yóm ken boluyen mana, okóm senged nóm, gotu katay le.

Dwata 8:16

Bè yóm knô ye lem yóm benwu laen hol wen tauhen yó, wen mana blayen kuy mò ken ye, yóm ken là deng kul hnikót ton du yó kem tehe fù ye. Gel wen yóm tilów mgel hwit Dwata ebélê ye mò gónón tmilów kuy ne mò kuy kehyu.

Lista 21:5

ne wen udél le eta Dwata ne eta Musis. “Moen du ke tehe nwitem mi hewà gu bè Idyip anì matay me bè nim benwu laen hol wen tauhen ni, benwu laen dù kenen ne laen dù élen? Là bud gehlo me du ne nim ken mana là mnóm ni.”

Kehewà 16:33

Duhen yó, mon Musis se mò ke Aron, “Mebeli ngà lebwón, hensuem sotu tukung mana lemen ne hol henyuhem mò angat ton yó kem lugod tekuy.”

Deng Hegfan 2:17

Duhen yó, yóm tau wen klinguhen, hol hnungolen dé yóm tulón yóm Tulus Dwata bè yó kem tau bè ket simbahan. Yó kem tau gel matù bè yóm sidek gel sut, angat hkenu kul yóm ken là ton mata du mò hekgis kul. Ne angat benlayu lu ket kul sotu yóm botu bukay wen lomi boluy nô du. Laen dù dumu tau temngón du yóm boluy yó, tek són yóm tau gmuta du.”

Hibru 9:4

Wen lemisa lenafin blówón nô lemen mò gónó le gel mtem ebè Dwata yóm alì minggel boohen boluyen insinsu. Ne wen slungan bong lenafin blówón nô lemen snéen. Yó boluy le du, slungan gónón nô yóm fasad Dwata. Wen sotu sobuy blówón nô lemen gónó le hemyu du yóm tehe ken le ekni boluyen mana. Ne sotu bud nô lemen, yóm tehe tuged Aron, yóm tuged tehe tódô dmoun. Ne bud nô lemen snéen yóm lewu botu kufil gónó Dwata tehe smulat du yó kem hlauhen kul.

Kun Snulat Luk 12:30

Ni se gel tnafa nawa yó kem tau là deng temngón ke Dwata. Okóm yóm Mà tekuy bè longit, deng eles tngónen yóm kwen mu ye du ni kem ni.

Kem Udél Hlalak Tehe Selumun 9:5

“Géhél ye e dini na ye e ken yóm dou ken na ye e ninum yóm dou ninum deng wen bolen.

Kem Lingón 78:24

hkulónen mana mò ken le. Wen ken blayen kul gu bè longit.

Kem Lingón 105:40

Bè yóm igò le mógów, mni le utón bè Dwata. Tahu se, wen holò lembang hwit Dwata ebélê le. Wen mana hebtangen ebélê le gu bè longit mò ken hegsengel nawa le.