Kehewà 16:12 - Udél Dwata: Gna Kesfasad ne Lomi Kesfasad

¹² “Deng gungolu yóm alì ktalaw yó kem tau Israél. Tulónem kul bè nim móyón kkifuhen ni kdeng wen utón mò utón le. Ne hlafus haya wen mò ken le balù nô kbong kul kóyô. Bè nim nmou bélê le ni gónó le temngón du ou se yóm sana kul Dwata hol gónó mogot.”

Kehewà 16:12 Referans Kwoze

Juwél 3:17

Yó bud udél Dwata, monen, “Bè yóm kdaw yó angat tngón ye ou se yóm sana kuy Dwata hol gónó mogot. Nóe bè Sayun yóm bulul deng htólóngu mò dou. Angat tey mólós yóm Jirusalim ne là kô bud gundug le du yó kem sendalù lemwót bè tólóng benwu.

Kehewà 6:7

Nmou yu mò hol dou tau ne ou se hol kuy Dwata. Angat tngón ye ou yóm sana kuy Dwata hol gónó mogot bè yóm angat kehewau kuy bè Idyip, yóm benwu gónó ye ghesek.

Sikaraya 13:9

Yóm dù mowil yó, angat lómó kmou kul lómón yóm tau tmógó tahu blówón ne blówón bukay bè ofi, gotu kóhen ke wen boolen. Omin le yó tmaba bè boluyu ne angat bnalau lu, monu, ‘Lu se yó kem dou tau’ ne yó mon le se kul, ‘Dwata se yóm sana kum Dwata hol gónó mogot.’ ”

Isikél 34:30

Yóm nmou bélê le ni, bè ni gónó le temngón du ou se yóm sana kul Dwata hol gónó mogot yóm tendo nô bélê le. Ne tngón le se kul yó kem tau Israél ou se mfun kul, udél yóm sana Dwata hol dandónen geta.

Jirimaya 31:24

Gotu le bud hligal nô bè Juda yó kem tauhen, yó kem tau mò hulu ne yó kem tau semgyok ógóf ne yó kem tau nô bè syudaden.

Kehewà 7:17

Duhen ni, wen bud udél Dwata ebéléem. Mlan bè nim nmoen ni gónóm temngón du, du se yóm sana Dwata hol gónó mogot. Ngem, fesu bè él nim tugedu nii anì tódô baling litô nim él ni.

Kehewà 4:5

Bud mon Dwata mò ke Musis, “Nmoem nim ni lem blóng yó kem tau Israél mò gónó le hemtahu du yóm deng kehegfanen béléem yóm sana kul Dwata hol gónó mogot yó kem tehe fù le Abraham ne Isak ne Jakub.”

Kehewà 12:6

Duhen yó, lemwót bè yóm gesfoloen kdaw bè nim bulón ni efet kól bè gesfoloen fat kdaw, hol hentilob ye semgyok du yóm ubiha deng nélék ye. Ke sok deng sdef kdaw bè yóm gesfoloen kdaw yó, tódô kdê yó kem tau Israél gotu hmatay yóm ubiha deng nélék le.

Kehewà 16:11

Yó udél Dwata ebè Musis, monen,

Lista 14:27

“Deng tódô senflós le tendo msel do ni kem tau gel mò sidek ni. Denge tmakas hmungol du yóm tendo ksel le do yó.

Kem Lingón 105:40

Bè yóm igò le mógów, mni le utón bè Dwata. Tahu se, wen holò lembang hwit Dwata ebélê le. Wen mana hebtangen ebélê le gu bè longit mò ken hegsengel nawa le.

Lista 11:4

Bè yóm kehewà le gu bè Idyip yó kem tau Israél, wen kem tólóng tau mung kul. Tey sidek kélék lihol le. Ne balù yó kem tau Israél gbót le tmalaw se kul, yó mon le, “Yake wen utón tekuy dé ni.