Kehewà 16:10 - Udél Dwata: Gna Kesfasad ne Lomi Kesfasad

¹⁰ Tahu se, gotu sentifun Aron lu yóm kdê le. Bè yóm igoen tolo mudél ebélê le, gotu le temngel ebè yóm benwu laen hol wen tauhen ne tódô henmung ton le yóm tey layag Dwata mung bè yóm lobun tódô sminang.

Kehewà 16:10 Referans Kwoze

Kehewà 16:7

Hlafus haya ton ye yóm tey layag Dwata tódô sminang. Deng gotu gungolen ne yóm ktalaw ye ebéléen. Bè ktahuhen, du yóm gónó ye e tmalaw abay se olo me tau mò du yóm gel hloloen kum yó dum kum.”

Lista 16:42

Bè yóm deng kestifun yó kem tau msel kul le Musis ne Aron yó, gotu le beklil smolu ebè yóm Gónô Dwata ne tódô ton le yóm lobun lememek etahen, mung du yóm tey slinang Dwata.

Lista 16:19

Omin Kura semtifun yó kem dumu tau Israél gel lemolò du ne mdà le bè bak dól yóm Gónô Dwata se kul. Tódô mekto sut bélê le yóm tey layag sminang lemwót gu bè Dwata

Matyu 17:5

Yóm igò Pitér tolo mudél, tódô lememek eta le yóm tey lobun sminang bukay, tódô gungol le yóm mudél gu lemen, monen, “Ni se hol dou Ngà, gónón nô nawahu. Tey kligalu béléen. Hol gel hnungol ye.”

Lista 14:10

Okóm yó kem tau, mom tô hnatay sentudà le lu botu le Juswa ne Kalib okóm tódô kendel ton le se yóm tey layag Dwata alì sminang ta yóm Gónóen.

Kehewà 16:11

Yó udél Dwata ebè Musis, monen,

Kehewà 24:16

Mnaul elaan ta tfusù yóm bulul yó yóm tey layag Dwata tódô sminang. Bè kton yó kem tau Israél du yóm layag yó lómón kmoen lómón yóm ofi lemtom nô ta tfusù bulul. Botong nem kdawen tendo lemobun ta yóm bulul yó ne bè yóm ghituhen kdaw tnaba Dwata Musis gu lem yóm lobun yó.