Kehewà 16:1 - Udél Dwata: Gna Kesfasad ne Lomi Kesfasad

¹ Omin le bud lemwót bè yó bè Ilim yó kem tau Israél. Bè yóm gesfoloen limu kdaw bè yóm gewuhen bulón kogol yóm kehewà le gu bè Idyip, gefet le bè yóm benwu laen hol wen tauhen boluyen Sin. Yóm benwu yó nô bè gónón sóól Ilim ne Sinay.

Kehewà 16:1 Referans Kwoze

Kehewà 17:1

Tódô kdê yó kem tau Israél gotu tnagak le yóm benwu laen hol wen tauhen boluyen Sin. Ngang le mógów efet tey dê benwu lan le, tódô lolò le yóm hlan Dwata kul. Bè yóm kógów le yó na le kmamfù bè Rifidim, okóm bè yóm benwu yó laen dù él mò ninum bè yó.

Kehewà 15:27

Ngang le mógów yó kem tau Israél efet le kól bè Ilim. Bè yóm benwu yó, wen sfolò lewu sfut él nô du ne hitu folò but lefò mdà bè yó snéen. Ne bè yó gónó le na bud kmamfù moni bè yóm él yó.

Kehewà 12:6

Duhen yó, lemwót bè yóm gesfoloen kdaw bè nim bulón ni efet kól bè gesfoloen fat kdaw, hol hentilob ye semgyok du yóm ubiha deng nélék ye. Ke sok deng sdef kdaw bè yóm gesfoloen kdaw yó, tódô kdê yó kem tau Israél gotu hmatay yóm ubiha deng nélék le.

Kehewà 19:1

Bud tnagak yó kem tau Israél yóm benwu Rifidim. Bè yóm tanay kdaw bè yóm getluhen bulón kogol yóm kehewà le gu bè Idyip, bud le kól bè yóm benwu laen hol wen tauhen boluyen Sinay. Bè yó gónó le na bud kmamfù bè but yóm Bulul Sinay.