Kehewà 15:8 - Udél Dwata: Gna Kesfasad ne Lomi Kesfasad

⁸ Bè yóm kyufem eta yóm mohin, tódô segbusung yóm él, lómón kmoen lómón ke mdà beng. Bè yó bè yóm gónón alì nelem mohin tódô baling mgel yóm él.

Kehewà 15:8 Referans Kwoze

Job 4:9

Yó kmò Dwata kul yó kem tau yó, tek olohen myuf kul sana le gotu meglà. Tódô le gotu lana ke sut bélê le yóm kebut Dwata kul.

Kem Lingón 78:13

Senkóhen bè gónón sóól yóm mohin anì gotu le mlan lemen, ne tódô segbusung eta yóm él lómón ke mdà beng.

2 Tisalunika 2:8

Ne yó he kehegfanen yóm tau alì hulung mò sidek yó. Okóm bè yóm kkól yóm gónó tekuy mogot Jisas, angat tódô hnatayen mlan bè kyufen du. Tódô mekto meglà yóm tau yó lemwót bè yóm tey keslinang yóm gónó tekuy mogot.

Hbakuk 3:10

Ton le uu yó kem bulul, botong le gotu megsinsig. Ne tódô msut yóm tey dunuk. Ya tey lungkul yó kem dunuk, tódô setbulù eta yó kem tey lewók le.

Isaya 11:4

Tey tedeng kkukumen kul yó kem tau élél ne nfihen yó kem tau laen dù genbek le. Lemwót bè kun udél gónó le megtafak yó kem tau hemsidek kul ne gónó le matay yó kem tau sidek nmò le.

2 Samwél 22:16

Lemwót bè kudél Dwata, hesuten yóm tey kebuten, botong gfan sokol mohin, dalang se tud blóngón tonok.

Isaya 37:7

Angat wen udél heglileb Dwata du yóm tau hol geta bè Asirya yó, hlanen bè yó kem sentulón tau. Bè yóm angat kungolen du yóm udél yó, angat tódô bud mulék ebè kun benwu ne bè yó gónó Dwata hfatay du.”

Kehewà 14:29

Okóm kul yó kem tau Israél, deng le gotu mlan gu lem mohin bè gónón mékéng tonok, tódô sbusung sfatà kilil yóm tey él.

Juswa 3:13

Lemwót yó kem tau gel blóng ebè Dwata fen mit yóm Slungan Fasad yóm Slungan yóm sana Dwata hol gónó mogot mfun yóm klamangen, ke dà le lem él ti le tódô teflok lel yóm él yó ne tódô segbusung ditu fi leged.”

Kem Lingón 33:7

Ne yóm tey él mohin, deng gotu sentnuen, ne tey nelem gónón hemsù kul.

Hbakuk 3:15

Tódô gotu hsóyówem yó kem kudaem yóm mohin ne tódô gotu setbulù yóm tey él nelem.

Juswa 3:16

tódô teflok se lel yóm él yó ne tódô segbusung eta ditu fi leged yóm syudad boluyen Adam yóm syudad klohok Saritan. Bong yó dum lelen e mool ebè Mohin Héét, gotu kti ne gbek le mifal moni bè Jiriku yó kem tau Israél.