Kehewà 15:7 - Udél Dwata: Gna Kesfasad ne Lomi Kesfasad

⁷ Bè yóm tey kfasangem gónóm gemmò. Laen kô dù gmò le yó kem hohonem. Yóm kebutem, hol lómón yóm ofi mken lami.

Kehewà 15:7 Referans Kwoze

Malakay 4:1

Yó bud udél yóm Dwata laen dù là gbeken du, monen, “Ke sut yóm kdaw kkukumu tau, lómó kmou kul lómón ofi gotu himot kenen kdéen. Yó kem tau heklabak ne yó kem tau gel mò sidek, angat le gotu mlób bè ofi lómón klób lami. Gotu ken ofi lu lómón kken ofi yóm koyu, gotu gomong dolilen ne kem hangahen laen kô dù tebel du.

Isaya 37:29

Deng gefet béléu yóm alì kebutem do ne yóm alì keheklabakem. Ne ni wen nmou béléem. Hol lómón ke wen dulé kebengu bè ilungem ne nmou kakangem anì bud benklilu u mulék, hlanu u bè yóm lan tehe loloem bè yóm kógówem edini.”

Kem Lingón 148:13

Yake tódô kdê le gotu dmóyón du yóm boluy Dwata, yóm Dwata gónó tekuy mogot. Laen kô dù dumu boluy geta sentahen. Yóm kegetahen, hol geta senta tonok, ne hol geta senta longit.

Kem Lingón 83:13

Ó Dwata, lómón ke kfung nyuf lenos kmoem kul, ne lómón ke kafa halay nyuf lenos.

Dwata 33:26

Ó kem tau Israél, laen dù dumu dwata mkél bè yóm kuy Dwata. Bè yóm gel któbóngen kuy, tódô kendel lemwót gu ditu bè longit mung bè lobun.

Kul Nmò 9:4

Tódô gdouf bè tonok, sen-geng gungolen se yóm mudél, monen, “Ó Sol, Sole. Moen ni du ke sónmoem hmayam dou?”

Matyu 3:12

Hol lómón ke eles mit teef mò teefen yóm angat knusuhen. Ne gotu otunen eta fol yó kem usoken. Lemwót yóm kafahen tódô ntemen bè yóm ofi laen kô dù tul katayen.”

Sikaraya 14:8

Bè yóm kdaw yó, wen él hlowil mlel lemwót gu bè Jirusalim. Yóm sóól yóm él yó mlel ebè Mohin Héét ne yóm sóólen mlel ebè Mohin Miditiranyan. Tódô senflósen mlel, baluen ke bulónen kinì duhen ke bulónen tnaw.

Sikaraya 14:3

Ominen yó nmò Dwata, du mit sfatay bè tu kem benwu tu koni lómón yóm tehe kwiten sfatay teganay.

Sikaraya 2:8

Yó bud udél yóm hógów Dwata, monen, “Angat megdóyón bélê ye yóm Dwata laen dù là gbeken du, lemwót bè yóm khógówen do ebè tu kem benwu deng tehe megef kimu ye mò tmafak kul, abay se yóm tau deng hemsidek kuy, hol lómón ke deng hensideken yóm hol mebtes bè Dwata.

Mika 4:11

Tahu se, deng tey dê but tau stifun mundug kuy. Yó udél le, “Hol genbà tekuy Jirusalim. Hyu ke hol mata tekuy mton du yóm deng kegbaen.”

Jirimaya 10:6

Ó Dwata, laen kô dù semnged kóm. Laen kô dù là gbekem du ne tey mfasang yóm boluyem.

Isaya 37:38

Sotu kdaw bè yó, yóm igoen tolo tmaba bè gónô yóm kun dwata boluyen Nisrok, wen lewu ngaen logi sut béléen ne tódô bnonok le bè yó, tibó le du yóm kul sudeng. Omin le mlóy ebè yóm sotu benwu boluyen Ararat. Yó boluy le, Adramélék ne Sarisér. Wen sotu ngà Sinakirib boluyen Isarhadon bud temles du. Là gomongen bè nili yóm tsaptér 38. Yó tulónen, yóm kwen des Hisikaya yóm tau hol geta bè benwu Juda, gónón tô matay okóm mni bè Dwata anì mkó yóm desen. Ne tahu se, hkó Dwata yóm desen ne bud tennuen sfolò limu halay yóm klowilen. Yó bud fasad Dwata ke Hisikaya yóm kofinen yóm benwu Jirusalim bè yó kem tau Asirya. Bè bérs 8 wen ilô nmò Dwata bè Hisikaya, ilô yóm kdohò kmoen du nim ni, yó monen, “Hudulu sfolò bangen bè yóm tngel kdaw gónón gel temngel udas tehe Ahas yóm sotu tau geta.” Ne tahu se, tódô hudul sfolò bangen yóm olung bè yóm gónó le gel temngel udas yó. Yóm sfu nim tsaptér ni hónô lingón nmò Hisikaya gónón dmóyón ke Dwata bè yóm kehkóhen desen. Là gomongen bè nili yóm tsapter 39. Yó tulónen bè yó deng kungol yóm tau hol geta bè Babilun yóm kleed des Hisikaya yóm tau hol geta bè benwu Juda, yó gónón wen kem tau hógówen mò henwiten sulat ne basa. Tey kehduf Hisikaya kul yó kem tau yó, gotu toloken kul yóm kdê nô lem yóm gónón gel hemyu kimu legen alì mebtes, laen kô dù bnosen bélê le. Kdeng kewót yó kem tau mauy gu bè Babilun, lemwót Isaya yóm tugod Dwata, mógów ebè Hisikaya nan e nudél bè yóm deng nmoen. Mon Isaya mò du bè bérs 6, “Deng móyón kól yóm kdawen yóm kdê deng nfunem, yóm kdê kendengen deng sentifun kem tuhahem, angat gotu nwa le ebè Babilun. Laen dù bud tebel, mon Dwata.” Bè yóm deng kungol Hisikaya du nim ni, yó nô lem hendemen, “Anien he, senged sana kwen kenek nawa me ne laen dù hemen me bè yóm klawihu mowil.”

Isaya 37:36

Bè yóm kifu yó, wen sotu hógów Dwata gu bè longit ebè yóm kul kamfù yó kem sendalù Asirya. Botong lematu bud wolu folò limu libu sendalù Asirya hnatayen. Bè yóm deng kwasen tódô hgasà kem sendalù, deng le gotu matay.

Isaya 37:23

Deng tngónem kô kóm kun kegeta yóm hennéem yó? Ou se yóm là nadatem du yó, yóm Dwata yó kem tau Israél, yóm Dwata laen dù belenen.

Isaya 37:17

Hol hnungolem mi, Dwata, ne hol hnénégem yóm deng gefet bélê me ni. Hol hnungolem yóm alì kehnê Sinakirib kóm yóm tau hol geta bè Asirya. Tey kehnéen kóm igoen uu yóm kum Dwata là matayen.

Kem Lingón 68:33

Semngal ye ebè yóm Dwata wen snakayen gel mlan bè yóm longit là sekna. Ke mudél, hol lómón ke lemték gu bè longit.

Kem Lingón 59:13

Lemwót bè yóm tey kebutem kul, gotu sulék genlaem lu. Ominen yó he yóm kdéen tau bè klamangen benwu angat temngón du, Dwata se mogot du yó kem tau Israél.

Kehewà 9:16

Okóm là, naw hlowilu uu mò gónóm mton du yóm kfasangu anì yó, mból bè klamangen benwu yóm dou boluy.

Hibru 12:29

abay se yóm Dwata tekuy, ke wen tnafaken, hol lómón ke mken yóm tey ofi.

Kehewà 14:27

Tahu se, tayal Musis eta mohin sigelen. Timbow btù mata kdaw tódô mulék bè sana kun knelem yóm mohin yó. Lemwót yó kem tau Idyip, tey tô kehlóy le du yóm él yó, okóm mom tudà Dwata lu elemen.

Dwata 4:24

abay se yóm sana kuy Dwata hol gónó mogot, tey sidek kélés nawahen du ke tólóng dwata tnaba ye. Yóm kebuten hol lómón ke dilóf ofi, tódô himoten kdéen.

Kehewà 5:12

Tahu se, tódô lenngeb yó kem tau Israél yóm benwu Idyip na a mebel lami.