Kehewà 15:6 - Udél Dwata: Gna Kesfasad ne Lomi Kesfasad

⁶ Yóm sigel kwananem, Dwata, tey knikò yóm kgisen, gotu genlaen yó kem hohonem.

Kehewà 15:6 Referans Kwoze

Kem Lingón 60:5

Hol lenwaem mi mlan bè yóm sigel kwananem, ne lenwaem yó kem kóm tau kenbong nawa.

Kem Lingón 2:9

Ke wen kembê du yóm kogotem kul, gotu genlaem lu. Yó kmò keglaem kul, lómón ke bnogulem bala tók yóm kuleng tonok, gotu lemusok.’ ” Yó se udél Dwata ebè yóm tau tehe néléken mò mogot benwu.

Matyu 6:13

Béem bayà mi ebè yóm tilów mgel, bede hol kenlungem mi bè Seitan.’

Isaya 52:10

Angat hlan Dwata bè kfasangen yóm kehewaen yó kem tauhen. Angat kdéen benwu bè klamangen, gotu mton du.

Kem Lingón 98:1

Semngal tekuy ebè Dwata yóm lomi sngal, yakà deng nmoen du yó kem tey hentaw ton. Mlan bè kfasangen ne kólósen yóm kgemoen bè yó kem hohonen.

Kem Lingón 77:10

Ne yó hendemu, “Ni deng tngónu. Gehedemu ne yó kem tehe halay alì kekgis yóm sigel kwanan Dwata, sigel kwanan yóm Dwata Hol Dandónen Geta.”

Kem Lingón 74:11

Moen de ke nafasem yóm henmù kwananem? Hewaem ne anì genlaem lu.

Kem Lingón 44:3

Ke mlan bè sudeng yó kem fù me, là kô guta le du yóm tonok yó. Yóm kegmò le, là lemwóten bè kekgis le, okóm mlan bè yóm tey kegbekem. Yó gónó le gemmò, hol lemwót bè yóm kbong nawahem kul ne bè yóm kehyu nawahem ebélê le.

Kem Lingón 17:7

Hol hegfanem béléu yóm là konol yóm kbong nawam dou. Mlan bè kgisem yóm kehewaem yó kem tau mlo ebéléem bè yóm klóy le gu bè yó kem hohon le.

Kehewà 15:11

Uu se yóm sana kum Dwata hol gónó mogot, dwata du de tô semnged kóm? Tau du de tô mkél kóm bè yóm tey klinggelen yóm kmoem, yóm klaen kô dù belenem? Tau du de tô gembek mò kul yó kem hentaw ton ne yó kem tey deng genbek nmoem?

Isaya 30:14

Gotu lemusok lómón klusok yóm kuleng tonok. Laen kô dù tonem ke kóyów mò bud gónó hemsù bala ofi duhen ke mò sakub él.”

Kehewà 3:20

Okóm lemwót bè kfasangu angat tnafaku Idyip mlan bè yó kem alì dê knikò nmou lem blóng le. Ominen yó he hewót kuy Faro.

Kehewà 6:1

Omin Dwata mon du mò ke Musis, “Ni hol hnénégem yóm angat nmou bè Faro yó. Angat gnagahu anì hewaen lu yó kem dou tau. Bè ktahuhen, angat hdóhen lu bè yó bè kun benwu.”

Kehewà 15:12

Olo bè kehdaem sigel kwananem gónó tonok hemlo yó kem hohon me.

Kehewà 15:16

Gefet bélê le yóm tey sidek klikò le. Ton le yóm tey kgisem, Dwata. Lemwót bè klikò le yó gónón laen dù gmò le efet niwes le lu yó kem kóm tau, yó kem tau deng lenwaem bè yóm gónó le ghesek.

Kehewà 18:8

Gotu tulón Musis ke tuónen yóm kdê deng nmò Dwata bè Faro ne bè yó kem tau Idyip bè yóm kehewaen yó kem tau Israél. Bud tulónen du snéen yóm alì kwen mgel sut bè yó kem tau Israél bè yóm igò le mógów ne yóm bud kmò kehewà Dwata kul gu lemen yóm mgel yó.

1 Samwél 2:10

Yó kem hmohon ke Dwata angat le gotu meglà. Angat wen leték hwiten ebélê le lemwót gu bè longit. Dwata se angat kmukum du yóm kdéen tau bè klamang benwu. Angat hekgisen yóm kun tau hol geta ne hegmoen yóm kun deng nélék.”

Kem Lingón 24:8

Tau du se yóm hol dandónen geta yó? Du se yóm Dwata hol gónó mogot, yóm hol kemgis, yóm hol gembek, yóm tendo gel gemmò bè yó kem hohonen.

Kem Lingón 44:4

Uu se yóm Hol Geta, ne uu se dou Dwata. Deng oluhem eta me kem sfu Jakub yóm kegmò me.

Kem Lingón 89:14

Yó hol hembegel du yóm kogotem tau, duhen yóm tey ktedeng kmoem ne yóm tey ktedeng kogotem kukum. Tendo gfan bè kdê nmoem yóm kbong nawahem kum ne yóm là konol nawahem ebélê me.

Isaya 63:12

Nô se yóm Dwata alì mfasang, yóm alì dê tehe nmoen hlanen bè Musis? Botong gbeken semkó yóm mohin, hnayahen lan yó kem tauhen ditu tlem él. Yóm nmoen yó, htótólen boluyen ne laen dù sónen yóm któtólen yó. Nô se kun du yóm kmoen ni?” Bè yóm tehe kalak Dwata kul là kô le tlokob. Tey mbegel kdà le, hol lómón kdà yó kem kudà tabag.