Kehewà 15:5 - Udél Dwata: Gna Kesfasad ne Lomi Kesfasad

⁵ Lemneb le lem yóm tey mohin nelem. Lemneb le etlaan kól ditu bè sokolen lómón ke botu kmò le.

Kehewà 15:5 Referans Kwoze

Nihimaya 9:11

Deng tehe tódô wen lan nmoem lem mohin mò lan yó kem tauhem ne deng nwitem lu lemen mlan le bè gónón mékéng tonok. Okóm yó kem tau kemtes kul, gotu henebem lu bè yóm tey mohin nelem. Gotu le lemneb, lómón kmò le lómón ke lemneb etlaan yóm botu bè yóm tey lewók mohin.

Kehewà 15:10

Okóm Dwata, tek olo bè kyufem kul gónó le gotu lemneb yó kem tau Idyip. Yóm keneb le bè yóm él alì sidek knelemen yó lómón tô keblat le bala tók.

Kehewà 14:28

Bud mulék yóm él, gotu le lemneb yó kem sendalù Idyip kemtes yó kem tau Israél elem mohin, balù yó kem klitun ne yó kem tau mit kul, gotu le lemneb. Balù sotu ke wen tebel bélê le.

Deng Hegfan 18:21

Ominen lemwót yóm sotu hógów Dwata alì kemgis, nwahen yóm botu kbongen yóm botu bong gónó le gel gmaling, ne tódô tudaen elem mohin, yó monen, “Hol lómón ni se yóm deng ktudà Dwata du yóm tey syudad Babilun yó. Là kô bud tonem du ne.

Matyu 18:6

Bud mudél Jisas, monen, “Ke yó nmò yóm sotu tau, ke lemwót béléen gónóhen là bud hemtahu béléu yóm sotu ngà, mom hyu bè yóm tau yó he ke tódô bot elem mohin gu laanen là deng wen ngà hebtangen, tléwéng bè liholen yóm botu bong gónó le gel gmaling mò heblaten etlaan.

Mika 7:19

Angat bud knoduhem mi. Tódô gotu lenuna ndaem yó kem salà me ne botem etu etlaan bè sokol mohin.

Juna 2:2

“Ó Dwata, yóm igoen tehe wen glumfaku, tmabahe ebéléem ne bnalaem o. Lenwótu bè yóm hol gónón nelem bè benwu yó kem tau deng matay gónóhu tehe mni tóbóng béléem ne gungolem se o.

Kehewà 15:16

Gefet bélê le yóm tey sidek klikò le. Ton le yóm tey kgisem, Dwata. Lemwót bè klikò le yó gónón laen dù gmò le efet niwes le lu yó kem kóm tau, yó kem tau deng lenwaem bè yóm gónó le ghesek.

Kem Lingón 106:11

Ominen bud semfulék yóm él ne gotu le lemneb yó kem hohon le, laen kô dù mowil balù sotu.

Kem Udél Hlalak Tehe Selumun 8:24

Gu laanen là deng wen yó kem mohin ne gu laanen là deng wen yó kem tbul él deng sana yó ne nim o.