Kehewà 15:25 - Udél Dwata: Gna Kesfasad ne Lomi Kesfasad

²⁵ Tódô hotu Musis nawahen mni bè Dwata. Kogol yóm knihen, wen ngà koyu hton Dwata du, htudaen du elem yóm él ne baling hyu minum du yóm él yó. Bè yóm benwu Mara yó, wen hlolò Dwata kul yó kem tau Israél mò gónón tmilów kul.

Kehewà 15:25 Referans Kwoze

Dwata 8:2

Hol hentulón ye nawa yóm kmò kwit Dwata kuy bè yóm tey nógów mayuk lem yóm benwu laen hol wen tauhen lem yóm fat folò halay. Gel henwit Dwata yu tilów mgel mò gónón temngón du yóm hol nô bè nawa ye ke nimón ye yó kem kun hlau kuy duhen ke là.

Kem Lingón 66:10

Deng tnilówem mi, Dwata. Lómón yóm blówón bukay hlan le bè ofi anì baling hol tahu duhen, lómón yó se yóm ktilówem kum.

Kmukum 2:22

Yó muhu du ni kem dù tau tebel ni mò gónóhu tmilów yó kem tau Israél ke tahu nimón le ou lómón yóm tehe kimón yó kem tehe fù le ekni.” Yó se udél yóm sana kul Dwata yó kem tau Israél.

Dwata 8:16

Bè yóm knô ye lem yóm benwu laen hol wen tauhen yó, wen mana blayen kuy mò ken ye, yóm ken là deng kul hnikót ton du yó kem tehe fù ye. Gel wen yóm tilów mgel hwit Dwata ebélê ye mò gónón tmilów kuy ne mò kuy kehyu.

Kehewà 16:4

Omin Dwata mon du mò ke Musis, “Wen ken hkulónu gu bè longit mò ken yóm kdê ye. Lemwót yó kem tau, ket kdaw le hewà na le e ma mò ken le bede olon sfeng bè sendaw yóm gel nwa le. Bè nim hlolou kul ni gónóhu tmilów kul ke glolò le yóm hlolou kul.

2 Bok Kem Tau Hol Geta 2:21

Omin Ilaysa mógów ebè yóm sfut él, ne sohulen elem él yóm kahì nwiten yó koni, yó udélen, “Ni se udél Dwata, Deng henbalingu él hyu nim él ni, là buden mit hatay ne, ne baling bud tembas tonoken.”

1 Kurin 1:18

Bè yóm gel ktulón me yóm katay Jisas bè kros, ofo kul mon du yó kem tau tolo golu elem hatay ke tulón laen dù muhen. Okóm bélê tekuy kem tau deng gewà gu lem hatay, tódô tngón tekuy bè yó gónón gfan yóm tey kfasang Dwata.

Jirimaya 9:7

Duhen yó, ni se udél yóm Dwata laen dù là gbeken du, monen, “Lemwót bè yóm nmò le ni, gotu hnou lu, lómón yóm gel kehnò le bala tók anì mkó yóm kê faken. Laen dù dumu lanu hkó du yó kem salà le.

Kem Udél Hlalak Tehe Selumun 17:3

Bè ofi gónó tau tmilów du yóm tembaga futì ne yóm tahu blówón ne Dwata se fen tmilów du yóm nô lem but blutut tau.

Kem Lingón 91:15

Ke tmaba le ebéléu, bnalau lu. Ke wen gfà le, elese nô bélê le. Tendo gel lenwau lu, ne tey kadatu kul.

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

2 Bok Kem Tau Hol Geta 4:41

Yó mon Ilaysa mò yóm tau tóbóng lówóhen, “Mahi do arina.” Tahu se, ma. Omin Ilaysa mkok du elem yóm sóbów yó koni, ne monen mò yóm tau tóbóng lówóhen, “Nólólem bélê le anì ken le.” Ne tahu se, tódô ken le, ne là bud le milu du.

Kehewà 14:10

Timbow le temngel semfulék yó kem tau Israél, tódô ton le Faro ne yó kem tey sendaluen móyón gdofì bélê le. Ya tey sidek klikò le ne tey ktaba le ebè DWATA mni le tóbóng béléen.

Kem Lingón 99:6

Lewu le Musis Aron yó kem tau gel blóng ebéléen. Samwél snéen sotu gel tmaba ebéléen. Tey kni le tóbóng bè Dwata, ne bnalà Dwata se yóm hni le.

Kem Lingón 81:7

Bè yóm kwen gfà ye, gel tnaba ye ou, ne deng lenwau se yu. Bnalau yu gu lem yóm lobun gónón lemwót leték. Deng tnilówu kehtahu ye ditu bè benwu Miriba bè yóm alì ktalaw ye lanen laen dù él.

Dwata 13:3

Hol bê ye abay kenmón yóm udélen ebélê ye yó. Yóm nmoen yó mò gónó Dwata tmilów kuy, yóm sana kuy Dwata hol gónó mogot, mò gónón hménég du ke hol lemwót lem nawa ye yóm kbong nawa ye du.

Kehewà 17:4

Tódô kem hotu Musis nawahen mni bè Dwata, yó monen, “Ó DWATA, tedum tô nmou bélê le du ni kem tau ni? Móyón sentudà le ou botu mò hatay le dou.”

Jirimaya 15:1

Omin Dwata bud mudél ebè Jirimaya, monen, “Baluen he ke mdà bè ni Musis lewu le Samwél tô na a hkodu béléu bè ni kem tau bè Juda ni, là kô naw e knodu kul. Lohem lu mayuk. Hdóhem lu bè soluhu.

Kehewà 20:20

Mon Musis se mò kul, “Bê ye abay hlikò. Yó gónó Dwata hegfan bélê ye nan e tnilów yu. Ne lemwót bè yóm klikò ye ke Dwata, yó gónón wen klikò ye mò salà.”

2 Bok Kem Tau Hol Geta 6:6

Ominen smólók du yóm tau Dwata, “Gónón seblà btang du?” Timbow toloken du yóm gónón seblà btang, omin Ilaysa kemleng ngà koyu udì, ne tudaen elem él bè yóm gónón seblà btang, ne tódô hetówen eta se yóm bak beyung.

Isikél 47:7

Bè yóm bud kesfulék me tey ketngahu, tey wen kem koyu tonu mteg sfatà tmubé yóm él yó.

Isikél 47:8

Ne yó udélen ebéléu yóm tau yó, monen, “Nim él ni, mlel etu fi dmata kdaw elem yóm benwu là hyu menwu du efet kól bè Datal Jurdan, hlós elem Mohin Héét. Yóm kkólen elemen, tódô gotu kóhen khéét yóm él mohin yó, henbalingen él hyu.