Kehewà 15:24 - Udél Dwata: Gna Kesfasad ne Lomi Kesfasad

²⁴ Yó udél le tmalaw ebè Musis yó kem tau, mon le, “Tedum tô ninum tekuy du?”

Kehewà 15:24 Referans Kwoze

Kehewà 16:2

Bè yó bè yóm benwu laen hol wen tauhen gotu le tmalaw ebè le Musis ne Aron yó kem tau,

Kehewà 14:11

Yó mon le mò ke Musis, “Ni kô gónóm mit kum ebè nim benwu laen hol wen tauhen anì bè ni gónó me matay abay se laen dù gónó me lebeng bè Idyip? Hnénégem dé yóm nmoem bélê me bè yóm deng kwitem kum hewà gu bè Idyip.

Sulat Jud 1:16

Yó kem tau tmolok sekban yó koni, sónmò le semlón, sónmò le dmuón kem dumu tau. Kihu knóyô lówó le, tódô nmò le. Gel le hton salù. Ne ke wen knóyô le, tey le hulung mudél anì guta le.

Flipay 2:14

Ke wen nmò ye, tódô hentedeng ye mò du. Béen abay dê udél ye, ne bê ye abay gel skaf mon,

1 Kurin 10:10

Ne hol bê tekuy abay gel semlón. Wen se bélê le gel mò du nim ni. Botong wen hógów Dwata gu bè longit mit hatay elem blóng le, ne gotu le matay yó kem tau semlón yó.

Matyu 6:25

Yó gónóhu mon du mò kuy,” mon Jisas, “bê ye abay tnafa nawa yóm kmò kken ye, ne yóm kmò kinum ye, duhen ke kmò knes ye. Sélét mom kken ye ne là gbek Dwata du, anì sem klowil ye du, Dwata tehe mò du. Ne sélét mom knes ye ne là gbek Dwata du, anì sem lówó ye yó du, Dwata tehe mò du.

Lista 21:5

ne wen udél le eta Dwata ne eta Musis. “Moen du ke tehe nwitem mi hewà gu bè Idyip anì matay me bè nim benwu laen hol wen tauhen ni, benwu laen dù kenen ne laen dù élen? Là bud gehlo me du ne nim ken mana là mnóm ni.”

Lista 17:10

Mon Dwata mò ke Musis, “Bud hulékem bè solu yóm Slungan Fasad yóm kun tuged Aron. Yó se hlós mò eles gónó le temgama yó kem tau Israél alì smonol do. Song gónó le là matay ke tenflok le yóm alì ktalaw le.”

Lista 16:41

Timbow hayahen bè yó, bud nsel le le Musis ne Aron yó kem tau Israél, mon le, “Deng wen hnatay ye bè yó kem tau Dwata.”

Lista 16:11

Bè yóm kekbê ye ke Aron ni deng Dwata ne yóm kenbê ye.”

Kehewà 5:21

Yó mon le mò ke Musis ne Aron, mon le, “Deng ton Dwata yóm nmò ye ne angat tnafaken yu bè yóm nmò ye ni. Lemwót bélê ye gónó Faro mutó nawa kum ne yó kem genlalen. Yu henged mni du yóm khatay le kum.”

Lista 14:22

Bud tahu snéen nim monu ni, balù sotu bè ni kem tau là mimón ni ke gehlós edu tum benwu deng fasadu kul. Igò le deng hónô mton du yóm tey keslinangu bè yóm knóu lem blóng le ne deng hónô ton le snéen yó kem hentaw ton tehe nmou bè Idyip dalang se bè ni bè nim benwu laen hol wen tauhen. Okóm deng mom sónmò le tendo gel htakas do ne là kô nimón le do.

Kem Lingón 106:13

Okóm là legenen bè yó, sana bud klifót le yóm deng nmoen, ne là kô hangat le du yóm hlauhen kul.