Kehewà 15:22 - Udél Dwata: Gna Kesfasad ne Lomi Kesfasad

²² Kewót Musis bè yó bè Mohin Hulô, bud nalaken yó kem tau Israél ebè Sur, bè yóm benwu là hyu menwu du. Botong tlu kdaw le mlan lem yóm benwu là hyu menwu du yó ne balù udì ke wen él ton le.

Kehewà 15:22 Referans Kwoze

Tekang Kbuten 16:7

Bè yóm klóy Hagar yó, wen hógów Dwata gu bè longit semlong du bè yóm tbul él bè yóm benwu là hyu menwu du bè yóm lan mógów ebè Sur.

1 Samwél 15:7

Gotu hnatay Sol yó kem tau Amalikayt lemwót bè yó bè benwu Habila efet kól etu bè Sur yóm benwu fi dmata kdaw Idyip.

Tekang Kbuten 25:18

Yó gónó le gel nô kul yó kem kun ból Ismaél, nô le bè blóng yóm benwu Habila ne Sur, bè yóm benwu fi dmata kdaw Idyip bè yóm lan mógów ebè Asirya. Htólóng le bè yó kem dumu ból Abraham.

Kehewà 3:18

Angat hnungol le u yó kem tau malak bè yó kem tau Israél. Ne ominem mógów ebè Faro bè Idyip, mung kóm yó kem tau gónó le mogot yó kem tau Israél ne yó udélem ebéléen, monem, ‘Deng hegfan bélê me yóm sana kum Dwata mi kem tau Hibru, yóm sana kum Dwata hol gónó mogot. Ke yó dum hyu béléem, hógówem mi tlu kdaw elem yóm benwu laen hol wen tauhen anì ne me e demsù ebéléen bè yó, yóm sana kum Dwata hol gónó mogot.’ ”

Tekang Kbuten 20:1

Kewót Abraham bè yó, subô ebè Négéb, ne nahen hlun nô bè yó bè yóm benwu boluyen Girar, yóm benwu nô bè blóng benwu Kadis ne yóm benwu Sur.

1 Samwél 27:8

Yó nmò Dabid ne yó kem sendaluen, tendo nundug le yó kem tau Gisurayt ne tau Girsayt ne tau Amalikayt, kem tau sana menwu moni bè Sur efet kól etu ebè Idyip.

Kem Lingón 77:20

Tehe nalakem yó kem kóm tau bè yóm lan yó, hol lómón kalakem kul ubiha, bede hlanem bè le Musis lewu le Aron.

Kem Lingón 78:52

Okóm yó kem kun tau, fen nalaken lu lómón kem ubiha, nalaken lu hlalak yóm benwu laen hol wen tauhen.

Kem Lingón 78:53

Laen kô dù hemen le bè yóm kesgalaken kul yó, yó gónó le là likò. Okóm yó kem hohon le, gotu le lemneb lem mohin.

Kem Lingón 136:16

Hol dóyón tekuy Dwata, yóm malak yó kem tauhen lem yóm benwu laen hol wen tauhen. Laen kô dù tul sónen yóm kbong nawahen tekuy là monolen.

Kehewà 17:1

Tódô kdê yó kem tau Israél gotu tnagak le yóm benwu laen hol wen tauhen boluyen Sin. Ngang le mógów efet tey dê benwu lan le, tódô lolò le yóm hlan Dwata kul. Bè yóm kógów le yó na le kmamfù bè Rifidim, okóm bè yóm benwu yó laen dù él mò ninum bè yó.