Kehewà 15:21 - Udél Dwata: Gna Kesfasad ne Lomi Kesfasad

²¹ Omin Miryam lemingón bélê le, yó lingónen, “Lemingón tekuy ebè Dwata lemwót bè yóm tey deng kegmoen bè yó kem hohon tekuy. Tudaen elem él yó kem kudà le, mung du yó kem tau smakay kul.”

Kehewà 15:21 Referans Kwoze

Kehewà 15:1

Omin le lemingón ebè yóm sana kul Dwata hol gónó mogot le Musis ne yó kem tau Israél. Yó lingón le, “Lemingóne ebè Dwata lemwót bè yóm tey deng kegmoen bè yó kem hohon tekuy. Tudaen elem mohin yó kem kudà le mung du yó kem tau smakay kul.

Deng Hegfan 15:3

Ne gotu le semngal. Sngal le yóm tehe kun sngal Musis, yóm sotu tóbóng lówó Dwata ekni. Bud yó snéen kun sngal yóm Ngà Ubiha. Yó sngal le, monen, “Ó Dwata, yóm gónó mogot bè klamangen, laen dù là gbekem du, ne tey kehtaw me du yóm gel nmoem. Uu se yóm hol geta mogot yóm klamangen, ne sal hyu yóm gel nmoem, hono tedeng.

Deng Hegfan 5:9

Ne semngal le yóm lomi sngal, monen, “Són u se yóm knóón bang ma du yóm sulat lenulun ne mkó yó kem dketen, yakà uu du yóm deng tehe hnatay le. Lemwót bè yóm litô namaem yó, yó gónón wen tau benlihem mò kun tau nfun Dwata. Yó kem tau benlihem yó, tódô lemwót bè ket but tau, ne bè ket udél tau, ne bè ket but tau.

2 Tutul Israél 5:13

Yó kem tau mféw ne yó kem tau semngal, tódô le segeng dmóyón ke Dwata ne slamat le béléen. Segeng kul yó kem dumu tau mféw ne yó kem tau semdofì simbal, ne yó kem dumu gel huni le. Hgel le sngal le ne dóyón le Dwata, mon le, “Tey hyu yóm Dwata. Yóm kun kbong nawa là kóen monol ne laen kô dù tul sónen.” Bè yóm kmò le du yó, tódô tfeng lobun lem yóm Gónô Dwata.

1 Samwél 18:7

Yóm igò le madal yó sngal le, “Bè libuhen kun hnatay Sol, fen bè sfolò libuhen kun hnatay Dabid.”

Kmukum 5:3

Ó kem tau hol geta, hol ye hmungol. Hemklingu ye dé, yu kem tau mogot benwu, yakà naw e lemingón ebè Dwata. Lemingóne ebè yóm sana kut Dwata hol gónó mogot, yóm Dwata yó kem tau Israél.

Deng Hegfan 14:3

Yó nmò yó kem lematu bud fat folò fat libu tau yó, gotu le mdà bè solu yóm gónón myón yóm fen kmamal, ne bè solu yó kem fat mtulus ne yó kem tau tuha. Gotu le semngal yóm lomi sngal, ne laen se kô dumu tau gembek dmalang du yóm sngal yó, tek són lu. Bè yóm kdéen tau te tonok, són lu yóm deng nsok.

1 Samwél 18:6

Bè yóm sotu kulék le gu bè gida yó kem sendalù Israél bè yóm khatay le yó kem Flistin, senlong le Sol bè lan yó kem libun bè ket benwu bè Israél, ya tey kehligal le semngal lel le madal, nuni le yóm tamburin ne yó kem dumu gel nuni le.

2 Samwél 1:20

Hol bê ye abay tulón bè yó kem hohon tekuy ditu bè benwu Gat, ne hol bê ye tulón bè syudad Askilun. Ke tulón ye bè yó, gotu le hligal yó kem libun Flistin. Gotu le hligal yó kem libun là hemtahu le bè Dwata.

2 Samwél 6:14

Tódô hotu Dabid gelen madal bè solu Dwata, leseken yóm nes bukay gel lesek yóm tau gel blóng ebè Dwata boluyen ifod.

Kem Lingón 76:6

Ó Dwata tehe Jakub, lemwót bè kbólówem kul gónó le gotu matay, yó kem tau smakay kudà dalang se yó kem kudà le.

Kehewà 15:4

Gotu tudaen elem mohin yó kem sendalù Idyip ne yó kem tey klitun le. Yó kem tau alì hulung mit yó kem klitun yó, gotu le lemneb bè Mohin Hulô.