Kehewà 15:2 - Udél Dwata: Gna Kesfasad ne Lomi Kesfasad

² Dwata yóm hol kemgis mofin dou. Du se yóm deng lemwà do. Du se yóm dou Dwata tendo dóyón. Du se Dwata yóm dou mà ne hmungu bè lingónu yóm tey kegetahen.

Kehewà 15:2 Referans Kwoze

Isaya 12:2

Dwata se yóm lemwà do. Són du se do snalig ne yó gónóhu là bud likò. Béléen hol gónón lemwót yóm kgisu ne yóm kligalu, hol du se yóm lemwà do.

Kem Lingón 118:14

Wen tey kfasang blayen do, ne hekgisen ou, ne deng lenwaen ou.

Kem Lingón 18:46

Mowil yóm Dwata. Dóyónu yóm gónóhu heklung alì mbegel. Hegetahu yóm dou Dwata yóm Dwata gel lemwà dou.

Kem Lingón 59:17

Tey kdóyónu kóm, Dwata, uu yóm gel hekgis dou. Uu se gónów gel e mlo. Uu se yóm Dwata kembong nawa dou là milihen.

Isaya 25:1

Ó Dwata, uu se yóm dou gónó mogot. Tey kadatu kóm ne tey kdóyónu kóm. Tey hentaw ton yó kem deng nmoem. Gotu dnohoem yó kem deng tehe natulem là sekna.

Kem Lingón 140:7

Ó Dwata yóm hol dandónen geta, yóm alì kemgis lemwà do, deng gel kenlungem o bè yóm kdawen wen gida.

Kem Lingón 99:9

Hol dóyón tekuy yóm sana kut Dwata hol gónô mogot, ne tmaba tekuy ebéléen bè yóm kun bulul bè Jirusalim, abay se laen kô dù belenen yóm sana kut Dwata hol gónô mogot.

Deng Hegfan 15:3

Ne gotu le semngal. Sngal le yóm tehe kun sngal Musis, yóm sotu tóbóng lówó Dwata ekni. Bud yó snéen kun sngal yóm Ngà Ubiha. Yó sngal le, monen, “Ó Dwata, yóm gónó mogot bè klamangen, laen dù là gbekem du, ne tey kehtaw me du yóm gel nmoem. Uu se yóm hol geta mogot yóm klamangen, ne sal hyu yóm gel nmoem, hono tedeng.

Flipay 2:11

Ne kdê le se angat gotu mon du, “Jisas Krays se yóm hol gónó mogot bè klamangen.” Ne bè yóm kmon le du yóm yó, yó se gónó Dwata yóm Mà tekuy hol megdóyón.

Kem Lingón 118:28

Uu se yóm dou Dwata, tey keslamatu béléem. Tendo heglalagu yóm tey kegetahem.

Kem Lingón 99:5

Hol dóyón tekuy Dwata yóm sana kut Dwata hol gónô mogot. Heglaan tekuy bè soluhen, abay se laen dù belenen.

Kem Lingón 34:3

Gbót ye béléu tmulón du yóm tey kegeta Dwata. Hol dóyón tekuy dé boluyen.

Dwata 10:21

Hol gel dóyón ye yakà du se yóm kuy Dwata ne deng tódô kuy mata se mton du yó kem tey hentaw ton tehe nmoen mò gónón tmóbóng kuy.

Kehewà 3:6

Ou se sana Dwata yó kem tehe fuem, le Abraham ne Isak ne Jakub.” Bè yóm kungol Musis du yóm udél yó, botong nsengen uyóhen bè yóm alì klikoen temngel ebè Dwata.

2 Kurin 5:19

Yó gel tulón me, duhen yóm deng kehlan Dwata du bè Krays yóm lan nmoen ebè kdéen tau mò lan le mit sefyu ebéléen. Là bud snolò Dwata du bélê le ne yó kem tehe salà le. Ne bélê me kum, deng sigangen ta me nim tulón ni mò gónó le temngón du yóm lan le mit sefyu ebéléen.

Kul Nmò 4:12

Duhen yó,” mon Pitér, “Tek són Jisas gembek lemwà tekuy gu lem hatay. Laen kô dù dumu tau talak tonok ke gónó Dwata hlan du yóm kegewà tekuy, tek són Jisas.”

Kem Lingón 145:1

Angat gel heglalagu yóm tey kegetahem, Dwata, yakà uu du yóm dou Dwata ne yóm dou gónó kmulu. Laen kô dù sónen yóm keslamatu béléem.

2 Samwél 22:47

Mowil Dwata. Dóyónu yóm gónóhu heklung alì mbegel. Hegetahu yóm dou Dwata, yóm Dwata mbegel lemwà dou.

Kehewà 14:13

Bnalà Musis se, monen, “Bê ye abay hlikò. Hgel ye nawa ye dé. Tódô ton ye kemdaw ni yóm lan Dwata lemwà kuy. Yó kem tau Idyip kemtes tekuy yóó là kô bud ton ye kul ne.

Kehewà 4:22

Duhen yó, hol tulónem du yóm udélu ni, yóm monu, ‘Yó kem tau Israél, hol tau dou nélék, hol lómón ke lu se yóm ngau logi twogu.

Ifisus 2:22

Lemwót bè yóm deng kessotu ye béléen, yó se gónó ye baling ngom bè nim gónô monu ni. Tódô ye gomong bè yó kem dumu ngomen efet tekuy baling gónô gónóhen nô Dwata, hlanen bè yóm kun Tulus deng nô bélê tekuy.

Isaya 49:6

Bud mon Dwata mò dou, “Uu yóm mò tóbóng lówóhu, ni wen tey bong sigangu tahem mkay senta yóm gnan. Là són du yóm bud kulék kegeta yó kem dù tau Israél yóm hmou kóm, okóm nmou uu layag bè yóm kdéen tau bè klamangen benwu anì wen lan le gewà.”

Kem Lingón 109:1

Ó Dwata, yóm dou tendo dóyón, hol béi tódô neb, hol béi là hekmón do

Kem Lingón 27:1

Dwata se henged layagu, ne du se lemwà dou. Yó gónóm mon, laen dù bang knikou. Tendo kenlungen ou bè yó kem gfà, yó gónóhu là bud likò.

Kehewà 40:34

Ominen lememek eta yóm Gónô Dwata yó yóm lobun tmahà gel tukô gna kul ne tódô tfeng lem yóm Gónô Dwata yóm tey layag Dwata alì sminang.

Deng Hegfan 19:1

Kogol ni kem ni, tódô gungolu yóm tey genged udél tau sbung bè longit, tódô le gotu segeng mon du, “Dóyón tekuy dé Dwata. Du se yóm lemwà tekuy gu lem hatay. Tek sónen du se yóm hol geta ne yóm hol mfasang.

Flipay 4:13

Laen dù là gbeku du lemwót bè yóm kfasang Krays béléu.

Kun Snulat Jan 5:23

anì kdéen tau gotu madat yóm Ngaen lómón se yóm kadat le ke Maen. Yó se tau là madat du yóm Ngà, là se kô nadaten du yóm Maen, yóm hógów du.

Kun Snulat Jan 4:22

Yu kem tau lemwót bè Samarya, là kô hol tngón ye du yóm tnaba ye. Okóm bélê me kem Ju, tey mtukul ketngón me du yóm tnaba me, abay se bélê me gónóhen lemwót yóm tau mò lemwà kul gu lem hatay.

Kun Snulat Luk 2:30

Deng tonu ne yóm tau deng eles nélékem mò lemwà yó kem tau lem hatay,

Kun Snulat Luk 1:77

Yakà uu du yóm fen hetngón du bè yó kem tau yóm lan le gewà gu lem hatay ke heflifót le ke Dwata yó kem salà le.

Sikaraya 13:9

Yóm dù mowil yó, angat lómó kmou kul lómón yóm tau tmógó tahu blówón ne blówón bukay bè ofi, gotu kóhen ke wen boolen. Omin le yó tmaba bè boluyu ne angat bnalau lu, monu, ‘Lu se yó kem dou tau’ ne yó mon le se kul, ‘Dwata se yóm sana kum Dwata hol gónó mogot.’ ”

Jirimaya 32:38

Lu se mò dou tau ne ou se mò kul Dwata.

Jirimaya 31:33

Okóm ke deng kól yóm kdawen, ni se yóm lomi senfasad me yó kem tau Israél. Angat suu lem nawa le yó kem hlolou kul ne snulatu lem hendem le. Angat bud ou se mò kul Dwata ne lu se mò dou tau.

Jirimaya 3:23

Yóm gel ktaba me ebè yó kem dwata kéng ne yóm kessamuk me gu ta yóm kdéen bulul, hono là hyuhen. Tek són bè yóm sana kum Dwata hol gónó mogot gónó me gewà.

Isaya 66:1

Yó udél Dwata, monen, “Longit se gónóhu myón kmamal yóm klamangen ne yóm tonok olo gónóhu hmótól tihu. Duhen yó, kbongen de yóm gónô tô hdà ye béléu? Kbongen de yóm gónô gónóhu tô nô lem blóng ye?

Isaya 45:17

Okóm yó kem tau Israél deng lenwà Dwata lu kul. Yóm kegmò le bè yó kem hohon le laen kô dù tul sónen. Laen kô bang gónó le bud myak bè kem dumu le tau.’ ”

Kem Lingón 132:5

ke là naw ton du yóm gónów hdà du yóm gónô mò ke Dwata, yóm gónô mò gónón nô yóm Dwata alì gembek yó kem tau Israél.”

Kem Lingón 68:20

Yóm kut Dwata, du se yóm Dwata gel lemwà tekuy. Du se yóm Dwata hol gónó tekuy mogot gel lemwà tekuy gu lem hatay.

Kem Lingón 30:1

Tey kdóyónu kóm, Dwata, lemwót bè yóm deng kehewaem dou. Là kói móyô ke gemmò le béléu yó kem hohonu.

Kem Lingón 28:8

Yóm Dwata, gel nofinen yó kem kun tau, ne gel hatuen yóm tau hol geta deng kun nélék.

Kem Lingón 22:10

Tey kegléd nawahu kóm tódô lemwót bè yóm kdaw ksutu gu bè yê. Laen kô dumu Dwata hentahuhu, són uu.

Kem Lingón 22:3

Igoen se uu yóm Dwata laen kô dù belenen, myón bè yóm gónón myón kmamal. Uu se yóm tendo dóyón yó kem tau Israél.

1 Bok Kem Tau Hol Geta 8:27

Okóm gbek Dwata kô nô dini talak tonok? Hol mou kun ne, anì sem hol longit geta, là kóen kóyów du. Sélétem mom ni nem Gónô Dwata hdau nii tô gónón kóyów.

1 Bok Kem Tau Hol Geta 8:13

Okóm ni, denge hemdà béléem yóm tey gónô tilob mò gónóhem nô, ne laen kô dù sónen yóm knóem lemen.”

2 Samwél 22:51

Tey kehegmoem du yóm tau hol geta deng nélékem, ne tendo hegfanem béléen yóm tey kbong nawahem du. Laen dù sónen yóm kbong nawahem ke Dabid efet kól bè yó kem lugoden.”

2 Samwél 7:5

“Lemwóti, wen htulónu kóm bè Dabid yóm tóbóng lówóhu, monem mò du, ‘Ni se udél Dwata ebéléem, Uu kô hemdà béléu gónô mò gónóhu nô?

Tekang Kbuten 17:7

Nim fasadu kóm ni ne yó kem angat sfuhem,” mon Dwata, “là kóen bud mulék elem baku, hol fasad laen kô dù tul sónen. Yó fasadu kóm, ou se hol kóm Dwata ne bud ou se hol kul Dwata yó kem angat sfuhem.

Kulasi 2:9

Bè yóm tehe kbalingen tau Krays, nô béléen yóm hol kun kmò Dwata.

Tekang Kbuten 49:18

Ó Dwata, uu se yóm hol nangatu mò lemwà kum.

Kmukum 5:21

Yóm Él Kisun, tódô dmunuk ne gotu le konul le Sisira. Konul le bè yóm tey kdunuk Él Kisun. Okóm dou, tódóe hekteng ne hfólu nawahu.

Kem Lingón 48:14

Yóm tey kbegelen yó, hol lómón yó se kun kmò Dwata. Ne laen dù tul sómnen yóm keDwata tekuy du. Du se fen malak tekuy efet kól bè katay tekuy.

Hbakuk 3:13

Yó gónóm hesut nam e lenwà yó kem kóm tau, nam e lenwà yó kem tau deng nélékem. Botong bentuem kulu yóm tau malak gel mò sidek ne sulék genlaem yóm tau lemolò du.

Kehewà 6:7

Nmou yu mò hol dou tau ne ou se hol kuy Dwata. Angat tngón ye ou yóm sana kuy Dwata hol gónó mogot bè yóm angat kehewau kuy bè Idyip, yóm benwu gónó ye ghesek.

2 Samwél 7:24

Ne deng hbegelem yó kem tauhem Israél mò hol kóm nfun ne laen dù tul sónen, ne deng uu se baling hol kul Dwata.

2 Samwél 22:3

Dwata se do gónó heklung, gónóhu e mlo. Du se dou klung, kun kgis hewà do ne hbegel do. Dwata se gónóhu hofin, gónóhu gewà. Deng hewaen ou lem tdok yó kem tau mò sidek.

1 Tutul Israél 16:14

Dwata se yóm hol gónó tekuy mogot. Gfan bè klamangen benwu yóm kmò kogoten tau.

Kem Lingón 118:21

Tey kdóyónu kóm, Dwata, abay se deng hnungolem ou, ne deng hegmoem ou bè kem hohonu.