Kehewà 15:17 - Udél Dwata: Gna Kesfasad ne Lomi Kesfasad

¹⁷ Nwitem lu ebè yóm kóm tonok, hol lómón ke huluhem lu bè yóm kóm bulul, yóm benwu deng nélékem mò hol kóm gónô nô, Dwata, yóm benwu mò gónóm hemdà yóm kóm Gónô.

Kehewà 15:17 Referans Kwoze

Kem Lingón 44:2

Yóm deng gotu kehdóhem yó kem tau là hemtahu béléem ta yóm kul tonok anì blayem bè yó kem fù me yóm tonok le. Gotu genlaem yó kem hohon yó kem fù me, okóm kul yó kem fù me yó, fen hbegelem lu.

Kem Lingón 80:8

Bè yóm tehe kwitem kum hewà gu bè Idyip, lómón ke wen hulu lemfà nitem gu ditu. Gotu hdóhem yó kem tólóng tau là hemtahu le béléem, ne huluhem bè tonok le yóm hulu lemfà yó koni.

Jirimaya 32:41

Angat tey kligalu mò du bélê le yóm hyu ne hol lemwót lem but blututu yóm bud khuluhu kul ta nim tonok ni.

Jirimaya 31:23

Yó udél yóm Dwata laen dù là gbeken du yóm Dwata yó kem tau Israél, monen, “Bè yóm bud kwitu kul semfulék yó kem tauhu, yó bud mon yó kem tau bè Juda ne bè yó kem syudaden, ‘Dwata he hol muyag du yóm kun bulul bè Jirusalim yóm hol kun gónó nô.’

Jirimaya 2:21

Moen de ke lómón ni nmò ye? Igoen bè yóm tehe khuluhu kuy, lómón ke yu yóm lefà grép alì mgélék. Okóm moen se ni du ke deng ye mkél bè yóm lefà grép tmowok lem bnes laen dù bud muhen?

Kehewà 15:13

Tey tilob kalakem kul yó kem tau deng lenwaem, hol lómón yóm tehe fasadem kul. Mlan bè kgisem gónóm gemwit kul ebè yóm kóm tonok deng tehe fasadem kul.

Kehewà 23:20

Bè yóm knô Musis bè Dwata ditu ta bulul, wen udél htulón Dwata ke Musis bè yó kem tau Israél, monen, “Ngem, bè yóm kógów ye ebè yóm benwu Kanan deng hentifesu mò kuy, angat wen hógówu gu bè longit mò eles tukô gna kuy mò mofin kuy bè lan ne mò mit kuy etu.

Kehewà 32:34

Lemwóti ne, nalakem yó kem tau ebè yóm benwu deng tulónu kóm. Hentulónem nawa wen hógówu gu bè longit mò tukô gna kóm. Okóm angat kól yóm kdawu tmafak kul ni kem tau ni lemwót bè yóm salà deng nmò le.”

Dwata 33:19

Gotu tinok le yó kem tólóng tau ebè yóm kul bulul ne dsù le bè yó yóm hol bang knóón dsù ebè Dwata. Wen tey hyu klowil le lemwót bè mohin, lemwót bè yóm gel ton le lem yó kem helek bè kilil mohin.”

2 Samwél 7:10

Ne deng wen benwu blayu kul yó kem tauhu Israél mò gónó le hlós nô. Lómón ke huluhu lu tahen anì wen mdengen kul benwu, ne laen kô dù bud hmala kul bè yó. Là bud hen-gnok le kul ne yó kem tau hono sidek nmò le lemwót bè dumu benwu, lómón yóm tehe deng gel nmò le bélê le,

1 Bok Kem Tau Hol Geta 8:13

Okóm ni, denge hemdà béléem yóm tey gónô tilob mò gónóhem nô, ne laen kô dù sónen yóm knóem lemen.”

Kem Lingón 2:6

Yó udélen ebélê le, “Ngem yóm tau deng kenbê ye mò mogot kuy, deng hyónu bè yóm dou bulul Sayun mò mogot benwu.”

Kem Lingón 68:16

Ó bulul alì temfusù, moen du ke nélés nawa ye yóm Bulul Sayun, yóm bulul deng nélék Dwata mò hol gónón nô, laen kô dù tul sónen yóm knóen du.

Kem Lingón 76:2

Bè Jirusalim gónóhen nô, nô ta bè bulul Sayun gónóen.

Kem Lingón 80:15

Géhél nam e tnóbóng yóm tehe huluhem, igoen tehe tilob ktowoken, lelen mabù.

Kem Lingón 114:2

yóm benwu Juda nmò Dwata mò gónón nô, ne nmoen Israél mò tau nogoten.

Isikél 37:26

Yó fasadu kul yóm kenek kbenwu le, hol fasad laen dù sónen. Bud blayu kul yóm kul benwu ne angat tey kehbólu kul. Bud hdau lem blóng le yóm dou Gónô ne laen kô dù sónen yóm knóen lem blóng le.

Isikél 37:28

Lemwót bè yóm klaen dù sónen yóm knóen lem blóng le yóm dou Gónô, bè yó gónó le temngón du yó kem dumu tau hmilol kul yóm deng kehetfingu kul yó kem tau Israél mò hol dou tau laen dù belen le. Ou se yóm sana kuy Dwata hol gónó mogot nim mudél ni.” Là gomongen bè nili yóm tsaptér 38 kól bè tsaptér 46. Yóm ktafak Dwata ke Gog lanen mled yóm benwu Israél. Yó kmò Dwata du, hlanen bè yóm hol són gida bong talak tonok.Ne yóm bud kehgulék Dwata yó kem tauhen. Bud ketlob Dwata yóm kun Gónô ne yóm bud kesfuléken elemen, mung du yóm tey klóónen. Kessólól le yóm tonok bè Israél ne yóm bud kmò le du yóm gel kedsù le ebè Dwata ne yó kem dumu gel kehligal le.