Kehewà 15:16 - Udél Dwata: Gna Kesfasad ne Lomi Kesfasad

¹⁶ Gefet bélê le yóm tey sidek klikò le. Ton le yóm tey kgisem, Dwata. Lemwót bè klikò le yó gónón laen dù gmò le efet niwes le lu yó kem kóm tau, yó kem tau deng lenwaem bè yóm gónó le ghesek.

Kehewà 15:16 Referans Kwoze

Kem Lingón 74:2

Hol hentulónem nawa, mi se yó kem tau tehe nélékem là sekna, kem tau deng nsokem mò hol kóm nfun. Hentulónem nawa Bulul Sayun, yóm kóm gónó nô dini talak tonok.

1 Samwél 25:37

Tikóng hlafus bè yó, bè yóm deng kehetngón Nabal, gotu tulón Abigil du yóm kdéen. Tódô mugod Nabal, là bud gekdolen du lówóhen.

Juswa 2:9

ne monen mò kul, “Tngónu deng blay Dwata kuy yóm sana kuy Dwata hol gónó mogot, nim tonok ni. Tódô kdê ni kem tau bè nim benwu ni, gotu le likò kuy.

2 Pitér 2:1

Yóm tehe yu ekni, gel wen se kem tau gel sut tódô tô lembù tmugod ke Dwata. Senged se ni kmoen ni, wen tau sut na a tmolok sekban lem blóng ye. Hono kéng yóm gel tolok le. Ke lolò ye, hensideken ktau ye. Sal henkéng le yóm gónó tekuy mogot igoen du yóm tehe msok kul gu lem hatay. Yó gónóm mon, angat tódô kento genlà Dwata lu yó kem tau yó.

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

Taytus 2:14

Deng fen hamaen yóm kun klowil bélê tekuy anì lenwaen tekuy bè kdéen sidek gónó te gel geskét, ne henbalingen tekuy kem kun tau deng mólós, anì gotu nawa tekuy mò du yóm nmò hyu.

Jirimaya 31:11

Yakà deng nsoku yó kem tau Israél, nsoku lu lem tdok yó kem tau alì kemgis senta le.

Kehewà 11:7

Okóm yó kem tau Israél tey menek bélê le balù ohu là kô le mbak. Bè nim nmou ni mò gónón gfan ou se yóm Dwata semtólóng yó kem tau Idyip bè yó kem tau Israél.’ ”

Kul Nmò 20:28

Hol ten-gama ye mò kmò ye, ne hol tenngel ye se yó kem dumu ye hemtahu deng hesegyoken kuy yóm Tulus Dwata. Hol sen-gyok ye yó kem tau deng hemtahu bè Dwata, yakà deng benli Dwata kul bè litô yóm Ngaen deng dsuen bélê tekuy.

2 Samwél 7:23

Tau du se mkél bè yó kem tauhem Israél, yó kem tau deng tehe nsokem bè yóm keghesek le mò hol kóm nfun. Deng tey kehtótólem boluyem bè yóm kehwaem kul gu bè Idyip. Tey dê hentaw ton yóm deng nmoem bélê le, ne deng gotu lohem yó kem dumu tau tô hemseng kul, gomong yó kem dwata kéng le.

1 Samwél 2:9

Gel kenlungen yó kem tau mimón du, okóm yó kem tau mò sidek són le lem gónón kmifu. Laen dù gendeng tau ke mlan bè kun kgis.

Dwata 32:9

Yakà deng néléken du yó kem sfu Jakub mò kun nfun.

Dwata 32:6

Ó kem tau book là hulung hedem, ni kô balà ye ke Dwata? Igoen sem du yóm mà ye, yóm deng tehe mifil kuy. Du se tehe hol hembaling kuy mò sotu but tau.

Kehewà 23:27

Yó kem tau angat mit kuy sfatay gu laan ye là deng gdofì bélê le, eles benlayu lu yóm ksidek klikò le dou. Angat hesbewegu kehedem le ne tódô gotu hlóyu lu.

Tekang Kbuten 35:5

Bè yóm kdó Jakub ne yó kem ngaen logi bè yó bè Sékém, là kô ktes le kul yó kem tau hmilol bè yó abay se wen tey klikò le lemwót bè Dwata.

Kehewà 15:5

Lemneb le lem yóm tey mohin nelem. Lemneb le etlaan kól ditu bè sokolen lómón ke botu kmò le.

Kehewà 15:6

Yóm sigel kwananem, Dwata, tey knikò yóm kgisen, gotu genlaen yó kem hohonem.

Kehewà 15:13

Tey tilob kalakem kul yó kem tau deng lenwaem, hol lómón yóm tehe fasadem kul. Mlan bè kgisem gónóm gemwit kul ebè yóm kóm tonok deng tehe fasadem kul.

Kehewà 18:8

Gotu tulón Musis ke tuónen yóm kdê deng nmò Dwata bè Faro ne bè yó kem tau Idyip bè yóm kehewaen yó kem tau Israél. Bud tulónen du snéen yóm alì kwen mgel sut bè yó kem tau Israél bè yóm igò le mógów ne yóm bud kmò kehewà Dwata kul gu lemen yóm mgel yó.

Kehewà 20:2

“Ou se yóm sana kuy Dwata hol gónó mogot, yóm deng hewà kuy gu bè Idyip bè yóm benwu gónó ye tehe ghesek.

Kehewà 23:20

Bè yóm knô Musis bè Dwata ditu ta bulul, wen udél htulón Dwata ke Musis bè yó kem tau Israél, monen, “Ngem, bè yóm kógów ye ebè yóm benwu Kanan deng hentifesu mò kuy, angat wen hógówu gu bè longit mò eles tukô gna kuy mò mofin kuy bè lan ne mò mit kuy etu.

Juswa 4:24

Yó gónó Dwata mò du nim ni anì tódô kdéen tau talak tonok gotu temngón du yóm tey kfasangen ne anì wen hol klikò ye du se kuy yóm kuy Dwata hol gónó mogot laen dù tul sónen.”

Kem Lingón 105:38

Botong le likò kul yó kem tau Idyip, song hyu nawa le deng le hewà bè yó.

Isaya 63:12

Nô se yóm Dwata alì mfasang, yóm alì dê tehe nmoen hlanen bè Musis? Botong gbeken semkó yóm mohin, hnayahen lan yó kem tauhen ditu tlem él. Yóm nmoen yó, htótólen boluyen ne laen dù sónen yóm któtólen yó. Nô se kun du yóm kmoen ni?” Bè yóm tehe kalak Dwata kul là kô le tlokob. Tey mbegel kdà le, hol lómón kdà yó kem kudà tabag.

Kehewà 6:7

Nmou yu mò hol dou tau ne ou se hol kuy Dwata. Angat tngón ye ou yóm sana kuy Dwata hol gónó mogot bè yóm angat kehewau kuy bè Idyip, yóm benwu gónó ye ghesek.

Kehewà 23:22

Okóm ke hol hnungol ye yóm gel monen ne ke hol nmò ye yóm hmou kuy, ou he fen hmohon yó kem hohon ye ne senfatayu yó kem gel semfatay kuy.

Kem Lingón 89:14

Yó hol hembegel du yóm kogotem tau, duhen yóm tey ktedeng kmoem ne yóm tey ktedeng kogotem kukum. Tendo gfan bè kdê nmoem yóm kbong nawahem kum ne yóm là konol nawahem ebélê me.