Biblia Todo Logo
Bib sou entènèt

- Piblisite -




Kehewà 15:15 - Udél Dwata: Gna Kesfasad ne Lomi Kesfasad

15 Ne tey sidek klikò le se kul yó kem tau mogot bè Idom. Ne yó kem tau alì lóbô bè Muab tey kkel le. Ne yó kem tau menwu bè Kanan laen dù bud klóbô le.

Gade chapit la Kopi




Kehewà 15:15
24 Referans Kwoze  

Tódô kdê yó kem tau hol geta bè kem Amurayt nô fi desdef Él Jurdan ne kdê yó kem tau hol geta bè Kanan nô bè kilil Mohin Miditiranyan, gotu mungol du yóm deng kehekti Dwata du bè yó kem tau Israél yóm Él Jurdan efet le gotu mifal yóm kdê le. Bè yóm kungol le du ya tey sidek klikò le, botong lana bélê le klóbô le.


Yóm uni me mungol du ni kem ni ya tey klikò me, botong lana bélê me klóbô me. Yóm Dwata kuy gónó mogot, du se hol dandónen geta bè longit ne dini talak tonok.


ne monen mò kul, “Tngónu deng blay Dwata kuy yóm sana kuy Dwata hol gónó mogot, nim tonok ni. Tódô kdê ni kem tau bè nim benwu ni, gotu le likò kuy.


Yó se yó kem tau malak lemwót bè tbong Iso, ne menwu le bè yó kem benwu bnoluy le boluy yó kem gónó le gu tembong, duhen bè Timna ne Alba ne Jétét,


Yó kem tau bè Kusan ne bè Midyan, tonu lu tódô setbol kkel le lemwót bè alì klikò le bè yóm kton le du yóm yó.


Deng gotu gbà ne yóm benwu Ninibi ne tódô gbayà ne laen dù bud tonem lemen. Lemwót bè yóm alì klikò le, tey sidek kotuk kfu le. Tódô setbol kkel kem bukol le. Tódô gotu lana kgis le ne gotu le lemusék.


Hol gotu lohem lu, lómó kmoem kul, lómón ke kebel nyuf lenos. Lómón yóm tolu mnò bè ofi, hol lómón yó se keglaem kul bè soluhem yó kem tau gel mò sidek.


Ke yó nmò le, balù yó hem sendaluem alì lóbô, lómón klóbóen liyun, kaem botong likò. Abay se tódô kdéen tau bè klamang Israél deng gotu temngón du yóm alì khulung maem sfatay dalang se yó kem sendaluen.


Gotu ton yó kem sendalù Sol mentey bè Gibya yóm kun tonok tehe Bindyamin, yóm gotu keseklab le mlóy yó kem sendalù Flistin.


ne yó udél le, mon le, “Deng hol tahu blay Dwata tekuy yóm benwu Kanan. Tódô kdê yó kem tau bè yó, tey sidek klikò le bélê tekuy.”


Yó kem ngà Iso logi yó ne yó kem téméen, lu se baling tau malak bè yó kem ket tbong le. Yóm ngà Iso logi twogu boluyen Ilifas fen malak yó kem tbong Timan ne tbong Umar ne tbong Sifu ne tbong Kinas,


Okóm bè yóm kton le du, tey sidek ketnga le. Ya tey sidek klikò le, botong le mlóy mulék.


ne tbong Kura ne tbong Gatam ne tbong Amélék. Yó kem tbong nô bè benwu Idom yó, hono le semfu gu bè Ilifas yóm ngà Iso logi bè Ada.


Ke htengen mdà, botong megsinsig tonok. Gotu le kenkel yó kem tau bè klamangen benwu bè yóm ketngelen ebélê le. Yó kem bulul là sekna gotu le bugal ne gotu le sdatal yó kem bulul lemnek. Okóm laen kô tul konolen yóm kfasangen.


Swiv nou:

Piblisite


Piblisite