Kehewà 15:14 - Udél Dwata: Gna Kesfasad ne Lomi Kesfasad

¹⁴ Nim nmoem ni, Dwata, deng gungol yó kem dumu benwu ne tey klikò le, botong setbol kkel le. Deng gefet bè yó kem tau Flistin yóm klikò yó.

Kehewà 15:14 Referans Kwoze

Kem Lingón 48:6

Ne tódô setbol kkel le, ya tey sidek kegnóm le du, lómón yóm libun kmuleng blututen,

Juswa 9:24

Bnalà le Juswa, mon le, “Yó gónó me mò du, Sér, abay se likò me matay. Deng gungol me yóm kdóken ke Musis yóm sana kuy Dwata hol gónó mogot anì nwahen nim klamang tonok ni ne gotu hfatayen yóm kdê tau menwu tahen. Tey sidek klikò me kuy, yó gónó me mò du nim ni.

Lista 14:14

Nénégem ke là gotu tulón le du bè yó kem tau Kanan. Igò le deng hónô mungol du yó kem tau Kanan uu se yóm Dwata tendo gel nô bélê me ne geli hegfan bélê me mlan bè yóm lobun gel nô ta me. Ne deng hónô gungol le uu se yóm tendo gel tukô gna kum mlan bè yóm lobun tmahà tukô gna kum ke kemdaw ne baling ofi ke kifu.

Lista 22:5

wen kem tau hógówen ebè Balaam yóm ngà Biyur menwu bè Pitur moni bè Él Yufratis bè benwu Amaw. Yó udél hwit Balak kul, monen, “Tey tau mfól lemwót gu bè Idyip deng kól bè ni. Deng le gotu lememek kmamfù moni bè ni ne tô nled le yóm benwu me.

Juswa 10:2

Ya tey sidek klóngón nawa yó kem tau bè Jirusalim bè yóm kungol le du yóm yó, abay se yóm Gibyun syudad bong mkél bè yó kem dumu syudad wen mdengen tau hol geta le. Nim syudad ni, bong senta Ay ne tey le hulung sfatay yó kem sendalù bè yó.

1 Samwél 4:7

gotu le likò, mon le, “Deng wen kem dwata kól bè kamfù le. Hatay tekuy, là kô deng wen hnikót sut bélê tekuy he ke lómónen ni.

1 Tutul Israél 14:17

Yóm tey któtól Dabid bè yóm gel nmoen yó, botong gefet bè klamangen. Lemwót bè Dwata se gónó le gotu likò ke Dabid yó kem dumu tau bè yó kem benwu hmilol kul.

Hbakuk 3:7

Yó kem tau bè Kusan ne bè Midyan, tonu lu tódô setbol kkel le lemwót bè alì klikò le bè yóm kton le du yóm yó.

Juswa 2:11

Yóm uni me mungol du ni kem ni ya tey klikò me, botong lana bélê me klóbô me. Yóm Dwata kuy gónó mogot, du se hol dandónen geta bè longit ne dini talak tonok.

Juswa 9:9

Yó tulón le ke Juswa, mon le, “Lemwót me bè benwu mayuk, Sér. Yó gónó me mógów ebéléem ni abay se deng gungol me yóm kuy Dwata, du se hol gónó mogot. Deng gotu gungol me yóm deng nmoen bè Idyip.

1 Samwél 4:8

Hatay tekuy. Tau du se tô gembek lemwà tekuy lem tdok yó kem dwata laen dù là gbeken du yó? Ni se yó kem dwata tehe heglumfak yó kem tau Idyip yóm tey glumfak mit hatay bè yóm tehe knô kem tau Israél bè yóm benwu laen hol wen tauhen.

Kem Lingón 48:7

duhen ke lómón kegbaen yó kem kafal bong lemwót bè Tarsis bè yóm ksut yóm lenos bong lemwót fi dmata kdaw.

Hbakuk 3:6

Ke htengen mdà, botong megsinsig tonok. Gotu le kenkel yó kem tau bè klamangen benwu bè yóm ketngelen ebélê le. Yó kem bulul là sekna gotu le bugal ne gotu le sdatal yó kem bulul lemnek. Okóm laen kô tul konolen yóm kfasangen.