Biblia Todo Logo
Bib sou entènèt

- Piblisite -




Kehewà 15:11 - Udél Dwata: Gna Kesfasad ne Lomi Kesfasad

11 Uu se yóm sana kum Dwata hol gónó mogot, dwata du de tô semnged kóm? Tau du de tô mkél kóm bè yóm tey klinggelen yóm kmoem, yóm klaen kô dù belenem? Tau du de tô gembek mò kul yó kem hentaw ton ne yó kem tey deng genbek nmoem?

Gade chapit la Kopi




Kehewà 15:11
51 Referans Kwoze  

ne mni bè Dwata, monen, “Ó Dwata, yóm kum Dwata yó kem tau Israél, laen kô dù dumu Dwata semnged kóm bè longit duhen ke dini talak tonok. Là kô klifótem du yóm tehe senfasad ye yó kem tauhem, ne là kóen monol yóm kbong nawahem kul ke hol lemwót lem but blutut le yóm kimón le kóm.


Laen dù semnged du yóm kun kólós Dwata. Laen dù dumu Dwata, són uu. Laen dù dumu gónó heklung mkél bè yóm kut Dwata.


Teyi mfasang Dwata, uu se yóm Dwata hol dandónen geta. Laen dù semnged kóm, laen dù dumu Dwata, són uu. Laen dù deng hnikót gungol me he ke wen dwata semnged kóm. Tek sónen u yóm deng hol kum klingu mungol du.


Sket kul na nem hafak le. Tódô henok lówó le hono mata, balù laan hafak le. Tódô seflós kdaw ne kifu yóm tendo kesngal le. Yó utóm sngal le, monen, “Laen kô dù belenen yóm Dwata, bà udì. Du se hol gónó mogot bè klamangen, yóm laen dù là gbeken du. Bud du se yóm sana Dwata tenbut bè kbuten efet nim kmoen ni, ne du se yóm móyónen bud sut.”


Yó nmò le gel le staba, mon le, “Hol tahu laen kô dù belenen yóm Dwata yóm Dwata laen dù là gbeken du yóm hol gónó mogot. Hol tahu laen kô dù belenen bà udì. Tódô lenngeben klamangen benwu yóm alì kegetahen.”


Laen kô dù dwata kéng gemsenged kóm, Dwata. Laen dù bélê le gembek mò hentaw ton lómón yóm kóm.


Uu se yóm Dwata mò du yó kem tey dê hentaw ton. Deng hegfanem bè yó kem tólóng tau yóm tey kegbekem.


Uu se yóm kum gónó mogot, laen kô dù tau ke là knikò le kóm, duhen ke là dóyón le kóm. Tek sónen uu yóm laen dù belenen. Angat le gotu mógów ebéléem yó kem tau bè klamangen benwu na le e dóyón uu, abay se deng gotu gfan bè kdéen tau ne yóm tey ktedengen yóm kóm nmò.”


Wen kô gónó tekuy e heskél du yóm Dwata laen dù belenen? Wen kô tngónem mkél béléen?


Ó kem tau Israél, laen dù dumu dwata mkél bè yóm kuy Dwata. Bè yóm gel któbóngen kuy, tódô kendel lemwót gu ditu bè longit mung bè lobun.


Nifalem yóm tey mohin lamang, mlani lem blóng yóm tey lewók bong, bede laen dù mton du danà hólól tihem.


Duhen yó, wen kô gónó tekuy e heskél ke Dwata? Gbek tekuy hmingón du kô yóm kun kmò?


Hol lemwót lem but blututu yóm kdóyónu du, yó monu, “Ó Dwata, laen kô dù gemsenged kóm. Tmau du de gembek lemwà yó kem tau lunog ne kem tau élél bè yó kem tau kemgis? Tmau du de gembek mofin yó kem tau élél bè yó kem tau gel mongò kul?”


Yó mon Faro, “Yake haya dé kmoem du.” Mon Musis se, “El. Nmou haya yóm hmoem do yó anì hol tngónem laen dù dumu dwata mkél bè yóm kum Dwata hol gónó mogot.


Géhél ye dé, na ye na tengel yóm deng nmò Dwata. Wen tey hentaw ton nmoen bè kem kun tau.


Ou se yóm Dwata hol geta yóm Dwata laen dù belenen yóm hlós mowil laen kô dù tul sónen. Nóe bè yóm hol gónón geta ne hol gónón mólós. Okóm bude nô bè yó kem tau heglaan le knô le ne gel hen-gsel le salà le anì bud huléku ebélê le yóm kgel nawa le do ne anì wen nefet nawa le elem hulin kdaw.


Tey tedeng yóm Dwata bè kdê gel nmoen. Tódô gotu gfan bè yóm nmoen yó yóm kkoduhen tau.


Yóm kun Dwata tehe Jakub, là kóen mkél bélê le. Du se mò du yóm kentihen. Deng néléken yó kem tau Israél mò hol kun tau nfun. Yó hol kun boluy, Dwata laen dù là gbeken du.


Botong setbol kkelu lemwót bè klikou kóm, knikou yóm angat kkukumem do.


Tódô tulónu kuy yóm mò hol knikò ye,” monen. “Hol knikò ye Dwata, abay se ke deng hnatayen lówó ye, wen kwalisen tmudà kuy elem lanaw ofi. Du dé yóm hol tahu knikò ye.


Tau du de deng gemnóm du yóm alì ksidek kebutem, Dwata? Ke deng gnómen, nawaw deng tey sidek klikoen.


“Tulónem yóm kdéen tau Israél yóm udélu ni, monem mò kul, Hol béen abay wen belen ye, yakà ou du yóm sana kuy Dwata hol gónó mogot, yóm laen kô dù belenen.Yóm ket sotu bélê ye, hol nadaten maen ne yéen ne hol loloen yóm hlolò bè Kdaw Kehegnô lómón yóm deng hlolou kuy. Ou se yóm sana kuy Dwata hol gónó mogot.


Mdó ye bè ni, bê ye henseng yóm tô kum lan. Là bud me móyô hmungol du yóm gel tulón ye gbak bè yóm Dwata yó kem tau Israél yóm Dwata laen dù belenen.”


Uu se, Dwata, deng tehe mélék du bélê me yóm tau mò mofin kum, yakà uu du yóm Dwata yó kem tau Israél yóm Dwata laen dù belenen. Uu se tehe mélék du yóm tau mò tau hol geta bélê me.


Tey kehtahu le du yóm swaga, abay se deng blayen yóm kun kfasang bè yóm ógóf lóbô hesut gu lem mohin. Hentahu le snéen yóm ógóf lóbô, mon le, “Laen kô gemsenged du nim ógóf lóbô ni. Laen kô gembek mit du sgida.”


Okóm lemwót bè kfasangu angat tnafaku Idyip mlan bè yó kem alì dê knikò nmou lem blóng le. Ominen yó he hewót kuy Faro.


Ke là hlusem kul, là són du yó kem genlalem ne yó kem tauhem tnafaku, okóm tnafaku uu snéen mò gónóm temngón du laen dù semnged dou bè klamangen benwu.


Deng tngónu ne yóm sana Dwata hol gónó mogot, du se yóm hol dandónen geta bè yóm kdéen dwata lemwót bè yóm deng kehewaen kuy lem tdok yó kem tau Idyip igò le tey kemhisik kuy.”


Bê ye abay tmaba ebè yó kem dumu dwata lennged, són ou.


Yóm gónô hdau yó, angat tey ktiloben, abay se yóm kum Dwata, du se hol geta senta yóm kdéen dwata lennged.


Ne mni bè Dwata, monen, “Ó Dwata, yóm kum Dwata yó kem tau Israél, laen kô dù dumu dwata semnged kóm bè longit duhen ke dini talak tonok. Là kô klifótem du yóm tehe senfasad ye yó kem tauhem, ne là kóen monol yóm kbong nawahem kul ke hol lemwót lem but blutut le yóm kimón le kóm.


“Hol dóyón ye Dwata, yu kem tau likò du. Hol nadat ye Dwata, yu kem semfu gu bè Jakub. Hol ye tmaba ebéléen, yu kem tau Israél.


Tmau du se mkél bè yóm sana kut Dwata hol gónó mogot, yóm Dwata myón bè yóm gónón myón kmamal ditu hol fi tta?


Hol dóyón tekuy Dwata, tek són du gembek mò du yó kem tey hentaw ton. Laen kô dù tul sónen yóm kbong nawahen tekuy là monolen.


Laen kô dù dumu Dwata mkél kóm. Uu se yóm Dwata hmifót salà yó kem dù tauhem mowil. Sal gel wen sónen yóm kebutem tau, abay se yó hol nô bè nawahem yóm kkoduhem kul.


Tahu se, tayal Aron eta yó kem él yóm tugeden ne tódô sut yó kem tey fak wen bè benwu le.


Wen dumu dwata lennged kô gbek hewà yóm sotu but tau deng nô lem tdok yó kem tólóng but tau bè dumu benwu, ne nmoen lu mò hol kun tau lómón yóm deng nmò Dwata bélê ye ditu bè Idyip, yóm sana kuy Dwata hol gónó mogot? Kaem hol kuy mata se deng mton du yóm tey kegbeken ne yóm tey kekgisen bè yóm nmoen yó. Tehe hwiten yó kem des mekto ne gida bè yó kem tau Idyip ne tehe nmoen yó kem tey dê hentaw ton ne yó kem tey dê knikò sut.


Tey geta yóm Dwata, tey knóón semdóyón du. Yake wen klikò tekuy du senta yó kem dwata kéng.


Deng hlinolem bè tonok me, ne deng tódô setngag. Tnibengem nim gónón setngag ni, déke mom hlos gebà.


Gehedemu yó kem tehe nmò Dwata. Gehedemu yó kem tey hentaw ton tehe nmoem bè gnan kdaw ekni.


Yakà uu du yóm hol gembek, gbekem mò du yó kem hentaw ton. Tek sónen uu yóm Dwata.


Hentulón ye nawa yó kem deng tehe nmou ekni. Hol hentahu ye tek són ou yóm Dwata, laen dù mkél dou.


Swiv nou:

Piblisite


Piblisite