Kehewà 15:10 - Udél Dwata: Gna Kesfasad ne Lomi Kesfasad

¹⁰ Okóm Dwata, tek olo bè kyufem kul gónó le gotu lemneb yó kem tau Idyip. Yóm keneb le bè yóm él alì sidek knelemen yó lómón tô keblat le bala tók.

Kehewà 15:10 Referans Kwoze

Kehewà 15:5

Lemneb le lem yóm tey mohin nelem. Lemneb le etlaan kól ditu bè sokolen lómón ke botu kmò le.

Kehewà 14:21

Tayal Musis eta mohin sigelen ne tódô sen-gengen se hesut Dwata gu fi dmata kdaw yóm tey lenos bong na a semsólól yóm él yó. Suloyen buteng mò du lemnos efet gfan tonok lem yóm tey mohin. Tódô skó bè gónón sóól yóm él.

Matyu 8:27

Tey ketnga yó kem tau gel lemolò du, mon le, “Tau du de ni? Balù yóm lenos ne yóm lewók, botong nimón le.”

Amus 4:13

Yakà Dwata se mò kul yó kem bulul ne dmimun du yóm lenos. Ne eles gel hetngónen bè tau yóm gel hendemen. Gbeken hembaling du kifu yóm layag hlafus. Du se gel mógów ta yó kem tey bulul bè klamangen benwu. Yó boluyen, duhen yóm sana Dwata hol gónó mogot, yóm Dwata laen dù là gbeken du.

Jirimaya 10:13

Ke mudél Dwata gel lemugung gu bè longit, gel hlobunen gu ta kmawang. Gel heksilaen mung bè kulón ne wen lenos hwiten gu bè yóm gónón gel hemyu.

Kem Lingón 147:18

Ominen bud mudél ebélê le, tódô gotu mnò se yóm kdéen. Ominen hemwit lenos, ne tódô baling él mlel se yóm ays.

Kem Lingón 135:7

Gbeken hlobun gu te tonok, ne heksilaen mung bè kulón. Gbeken hbel lenos gu bè yóm deng gónóhen e semtifun du.

Tekang Kbuten 8:1

Bè yóm tey kdunuken yó, là kô klifót Dwata kul le Nuwa ne yó kem ógóf tehe nwiten elem yóm kafal. Ne wen lenos hbel Dwata anì nbuten mtón yóm él.

Kem Udél Hlalak Tehe Selumun 30:4

Tau du de deng gu bè longit bè yóm gónó Dwata nô? Tau du de deng semtifun yóm lenos lem hólólen? Tau du de deng hmunges nes yóm él? Tau du de deng mò gónón gkilil yóm benwu? Tedu de boluyen ne boluy yóm ngaen logi? Tulón ye do ke tngón ye?

2 Samwél 18:8

Ya tey klamang yóm gónó le sfatay bè yóm benwu yó. Tey dê he tau tódô matay gu lem dlag senta yó kem tau matay bè sudeng.

Nihimaya 9:11

Deng tehe tódô wen lan nmoem lem mohin mò lan yó kem tauhem ne deng nwitem lu lemen mlan le bè gónón mékéng tonok. Okóm yó kem tau kemtes kul, gotu henebem lu bè yóm tey mohin nelem. Gotu le lemneb, lómón kmò le lómón ke lemneb etlaan yóm botu bè yóm tey lewók mohin.