Kehewà 14:26 - Udél Dwata: Gna Kesfasad ne Lomi Kesfasad

²⁶ Yó mon Dwata mò ke Musis, “Bud tayalem eta mohin sigelem anì bud semfulék ebè yó kem sendalù Idyip yóm él ne ebè yó kem klitun le ne yó kem tau mit kul.”

Kehewà 14:26 Referans Kwoze

Kehewà 14:16

Yó nmoem, tayalem eta mohin tugedem ne tódô meskó yóm él yó ne gbek yó kem tau Israél tódô mifal du yóm mohin yó, tódô le mlan lemen bè gónón mékéng tonok.

Kehewà 8:5

Yó bud mon Dwata mò ke Musis, “Tulónem ke Aron, tayalen eta yó kem él yóm tugeden ne eta yó kem kanal wen élen ne eta yó kem busung anì hesut yó kem fak ne tódô hono fak bè klamangen Idyip.”

Sulat Jim 2:13

Bè yóm angat kkukum Dwata tau, là kô nan e knodu du yóm tau tehe là knoduhen kem dumun. Okóm yóm tau tehe knoduhen kem dumuhen, laen dù knikoen bè yóm kdaw yó, abay se là kô tnafak Dwata du.

Matyu 8:27

Tey ketnga yó kem tau gel lemolò du, mon le, “Tau du de ni? Balù yóm lenos ne yóm lewók, botong nimón le.”

Matyu 7:2

Bè yóm gel kmò kehedeng ye yóm kul kmò kem dumu ye, bud lómón yó se angat kmò kehedeng Dwata du yóm kuy kmò. Yó se nmò ye bè yó kem dumu ye, bud yó se angat nmò Dwata bélê ye.

Kehewà 7:19

Yó bud mon Dwata mò ke Musis, “Bè yóm kógów ye haya ebè Faro, dókem Aron anì tayalen eta tugeden ebè kdéen él bè Idyip ne eta yó kem kanal él ne yó kem busung, anì gotu baling litô yó kem él yó. Tódô hono litô yóm él bè klamang yóm benwu yó, balù yóm él nô lem kobong le ne lem lebwón le, gotu baling litô.”

Kehewà 1:22

Ngangen bud wen udin nmò Faro bè yó kem tau Idyip, yó udin nmoen, monen, “Kdéen ngà logi Hibru lomi sut, gotu bot ye lu elem él Nayl. Okóm yó kem ngà libun, fen hlowil ye lu.”

Deng Hegfan 16:6

yakà dengen gamà litô yó kem tau hemtahu béléem ne yó kem tehe tugodem lan le monok kul. Yó gónóm mon, gotu hinumem kul litô yó kem tau monok yó. Bong knóón bélê le nim tafakem kul ni.”

Kehewà 15:1

Omin le lemingón ebè yóm sana kul Dwata hol gónó mogot le Musis ne yó kem tau Israél. Yó lingón le, “Lemingóne ebè Dwata lemwót bè yóm tey deng kegmoen bè yó kem hohon tekuy. Tudaen elem mohin yó kem kudà le mung du yó kem tau smakay kul.

Kehewà 15:4

Gotu tudaen elem mohin yó kem sendalù Idyip ne yó kem tey klitun le. Yó kem tau alì hulung mit yó kem klitun yó, gotu le lemneb bè Mohin Hulô.