Kehewà 14:25 - Udél Dwata: Gna Kesfasad ne Lomi Kesfasad

²⁵ Gotu hegebengen yó kem kliling klitun le anì mgel bélê le mógów. Yó udél yó kem tau Idyip yó, mon le, “Géhél tekuy mdó bè ni. Dwata se yóm deng semfatay tekuy ne tey kfihen yó kem tau Israél.”

Kehewà 14:25 Referans Kwoze

Kehewà 14:14

Tódô ye henek abay se Dwata mit kul sfatay.”

Amus 9:1

Ominu mton ke Dwata mdà klohok yóm gónó demsù. Dóken ou, monen, “Hgel bnogulem ta yó kem hehek Gónóu anì kmingò yó kem tgelen. Lenusokem yó kem htegen anì tbó yóm ketefen eta kulu yó kem tau nô laanen. Ke wen dù tau mowil, gotu bud hfatayu lu bè gida. Balù sotu ke wen glóy bélê le, ne là se wen gewà.

Amus 5:19

Yóm kdaw yó hol lómón ke yóm tau hemlóy liyun, mom bud geslongen yóm ógóf lóbô boluyen bér. Duhen ke mulék ebè gónóen ne mnok bè beng, mom bud nékét ulal.

Kem Lingón 76:6

Ó Dwata tehe Jakub, lemwót bè kbólówem kul gónó le gotu matay, yó kem tau smakay kudà dalang se yó kem kudà le.

Kem Lingón 68:12

Gotu le mlóy yó kem tau hol geta hohon me, mung kul yó kem sendalù nalak le. Ne yó kem libun bè Israél, gotu sensólól le yó kem kimu deng negef yó kem sendalù le.

Kem Lingón 46:9

Tenfloken yó kem tau sgida bè klamangen benwu. Gotu tenfoken yó kem boho le, ne hensideken yó kem buyus le. Gotu nlóben yó kem klung le.

Amus 1:14

Yó gónóm mon angat wen tey ofi hwitu ebè yó kem beng yóm syudad le boluyen Raba ne gotu kenen yóm kdê gónó le gel heklung bè yó. Ya tey angat kehsag yó kem sendalù hohon le bè yóm kesfatay le. Yóm uni le sfatay hol lómón ke lungkul lenos.

Kmukum 4:15

Tikóng le mundug le Barak, ya tey kehlangaf Dwata ke Sisira dalang se yó kem sendalù mit klitunen ne yó kem dumu sendaluen. Tódô kmó ta klitunen Sisira ne lemwót mlóy.

Kehewà 14:4

Yó bud nmou béléen, bud hgelu kuluhen ne tódô ktesen yu. Ne mlan bè yóm kegmou béléen ne bè yó kem sendaluen gónóhu tótól. Omin le yó he temngón du yó kem tau Idyip ou se yóm sana Dwata hol gónó mogot.” Tahu se, nimón yó kem tau Israél yóm deng mon DWATA mò kul.

Kehewà 14:18

Bè yóm kegmou bélê le, bè yó gónó le temngón du yó kem tau Idyip ou se yóm sana Dwata hol gónó mogot.”

Dwata 32:31

Okóm yóm kul dwata yó kem hohon tekuy, là mkélen bè yóm kut Dwata kem tau Israél. Deng eles tngón yó kem hohon tekuy ne yóm yó.

Kehewà 15:3

Hol tahu sendalù hulung mit sfatay yóm Dwata. Yó boluyen, duhen yóm Dwata hol gónó mogot.

Juswa 10:14

Bè yóm kdaw yó, Dwata se mung kul sfatay yó kem tau Israél. Balù sulék bè gnan kdaw ne efet nim kmoen ni ke lómón ni yóm kmò kógów kdaw, bè yóm tódô kimón Dwata du yóm udél tau.

2 Tutul Israél 20:29

Tikóng gungol yó kem benwu hmilol yóm kwit Dwata sfatay bè yó kem hohon yó kem tau Israél, ya tey klikò le ke Dwata se kul.

Nihimaya 4:14

Timbow deng tonu yóm mò kmoen, yó gónów gotu sembung kul yó kem tau ne yó kem malak kul ne yó kem genlal bélê le, yó monu mò kul, “Hol bê ye abay hlikò bè yó kem hohon tekuy. Hentulón ye nawa yóm tey kegbek yóm sana kut Dwata yóm Dwata hol knóón knikò. Hotu ye gel ye mofin kul yó kem dumu ye bè yóm benwu tekuy ni, yó kem ngà ye ne yó kem yehen ye ne yó kem gónô ye.”

Nihimaya 9:11

Deng tehe tódô wen lan nmoem lem mohin mò lan yó kem tauhem ne deng nwitem lu lemen mlan le bè gónón mékéng tonok. Okóm yó kem tau kemtes kul, gotu henebem lu bè yóm tey mohin nelem. Gotu le lemneb, lómón kmò le lómón ke lemneb etlaan yóm botu bè yóm tey lewók mohin.

Kem Lingón 35:1

Ó Dwata, hol hnohonem yó kem tau hmohon dou. Hol gnidahem yó kem tau mundug dou.

Isaya 31:4

Yó udél Dwata ebéléu, monen, “Ke wen tau mentey ubiha, balù nô kehtéen du yóm liyun wen ubiha kenfóen, là kô nan e gbek tmebel du yóm deng kenfóen yó. Senged se béléu, yóm Dwata laen kô dù là gbeken du laen kô gembek hemseng dou bè yóm kofinu yóm bulul Sayun.