Kehewà 14:21 - Udél Dwata: Gna Kesfasad ne Lomi Kesfasad

²¹ Tayal Musis eta mohin sigelen ne tódô sen-gengen se hesut Dwata gu fi dmata kdaw yóm tey lenos bong na a semsólól yóm él yó. Suloyen buteng mò du lemnos efet gfan tonok lem yóm tey mohin. Tódô skó bè gónón sóól yóm él.

Kehewà 14:21 Referans Kwoze

Isaya 63:12

Nô se yóm Dwata alì mfasang, yóm alì dê tehe nmoen hlanen bè Musis? Botong gbeken semkó yóm mohin, hnayahen lan yó kem tauhen ditu tlem él. Yóm nmoen yó, htótólen boluyen ne laen dù sónen yóm któtólen yó. Nô se kun du yóm kmoen ni?” Bè yóm tehe kalak Dwata kul là kô le tlokob. Tey mbegel kdà le, hol lómón kdà yó kem kudà tabag.

Kehewà 15:8

Bè yóm kyufem eta yóm mohin, tódô segbusung yóm él, lómón kmoen lómón ke mdà beng. Bè yó bè yóm gónón alì nelem mohin tódô baling mgel yóm él.

Kem Lingón 66:6

Deng wen lan nmoen hlalak lem Mohin Hulô, omin le mifal du yó kem kun tau. Géhél ye dé, hol hnigal tekuy yóm Dwata gembek mò du nim ni.

Kem Lingón 78:13

Senkóhen bè gónón sóól yóm mohin anì gotu le mlan lemen, ne tódô segbusung eta yóm él lómón ke mdà beng.

Kem Lingón 74:13

Lemwót bè kgisem gbekem semkó yóm mohin, ne gbekem lemuna kem kulu yóm tey utón bong alì lóbô lem mohin.

Nihimaya 9:11

Deng tehe tódô wen lan nmoem lem mohin mò lan yó kem tauhem ne deng nwitem lu lemen mlan le bè gónón mékéng tonok. Okóm yó kem tau kemtes kul, gotu henebem lu bè yóm tey mohin nelem. Gotu le lemneb, lómón kmò le lómón ke lemneb etlaan yóm botu bè yóm tey lewók mohin.

Juswa 4:23

Tulón ye kul yóm kmò kehekti Dwata du bélê ye yóm él yó efet ye deng gotu mifal yóm kdê ye hol lómón yóm tehe kehektihen du bélê ye yóm Mohin Hulô.

Kem Lingón 136:13

Hol dóyón tekuy Dwata, yóm semsólól yóm Mohin Hulô. Laen kô dù tul sónen yóm kbong nawahen tekuy là monolen.

Kehewà 14:16

Yó nmoem, tayalem eta mohin tugedem ne tódô meskó yóm él yó ne gbek yó kem tau Israél tódô mifal du yóm mohin yó, tódô le mlan lemen bè gónón mékéng tonok.

Kul Nmò 7:36

Tahu se, Musis yóm malak kul gu bè Idyip. Tey dê hentaw ton nmoen bè Idyip, dalang se bè yóm kifal le yóm Mohin Hulô efet yóm fat folò halay le tódô hlumbù bè yóm benwu laen dù tau menwu du.

Tekang Kbuten 8:1

Bè yóm tey kdunuken yó, là kô klifót Dwata kul le Nuwa ne yó kem ógóf tehe nwiten elem yóm kafal. Ne wen lenos hbel Dwata anì nbuten mtón yóm él.

Kehewà 7:19

Yó bud mon Dwata mò ke Musis, “Bè yóm kógów ye haya ebè Faro, dókem Aron anì tayalen eta tugeden ebè kdéen él bè Idyip ne eta yó kem kanal él ne yó kem busung, anì gotu baling litô yó kem él yó. Tódô hono litô yóm él bè klamang yóm benwu yó, balù yóm él nô lem kobong le ne lem lebwón le, gotu baling litô.”

Kehewà 14:20

tódô nô bè gónón sóól bè yó kem tau Idyip ne bè yó kem tau Israél. Yóm lobun bè blóng le yó baling kifu mget bè yó kem tau Idyip okóm fen baling layag bè yó kem tau Israél. Yó se gónó le là gehloni ebélê le suloyen buteng yó kem sendalù Idyip kemtes kul abay se wen yóm tey lobun nô lem blóng le.

Juswa 2:10

Deng gungol me yóm kmò kehektihen du bélê ye yóm sana kuy Dwata yóm Mohin Hulô bè yóm ktagak ye yóm benwu Idyip. Bud gungol me snéen yóm kmò khatay ye ke Sihun ne Ug yóm lewu kem tau hol geta Amurayt menwu fi dmata kdaw Él Jurdan, hono kem tau deng gotu genlà ye.

Juswa 3:17

Lemwót yó kem tau fen mit yóm Slungan Fasad yóm Slungan yóm sana Dwata hol gónó mogot, fen le mdà hol bè gónón sóól Él Jurdan bè yóm gónón mékéng tonok. Ngang le mdà bè yó efet le deng gotu mius yóm kdéen tau Israél mlan le bè gónón mékéng tonok.

2 Bok Kem Tau Hol Geta 2:8

Omin Ilaydya mlus yóm nesen lafin tofi ta, ominen lemulun du ne fesen bè yóm Él Jurdan. Tódô mesgólól yóm él yó, ne mlan le lemen bè gónón mékéng tonok yóm lewu le.

Isaya 43:16

Yóm tehe yu ekni, nmò Dwata yóm lan lem mohin igò yóm él tódô temgulung.

Isaya 50:2

Moen de ke là kenmón le dou yó kem dou tau bè yóm tehe kógówu elem blóng le yóm naw e kehewà kul? Moen de ke là bnalà le dou bè yóm ktabahu kul? Ilóem laen dù kgisu kô lemwà kul? Balù yó hem mohin, gbeku tódô hekti du lemwót bè udélu. Ne yó kem él mlel, gbeku tódô hekti kul anì gotu matay yó kem utón él nô lemen, ne henbalingu benwu là hyu menwu du.

Hbakuk 3:8

Ó Dwata, yóm él mlel kô buten yóm gónóm lembut? Yóm mohin kô yóm mò kóm alì lembut? Bè yóm kdaw yó, deng hegmoen yó kem kóm tau mlan bè ksakayem yóm klitun tók gel nwitem bè gida.

Job 38:24

Tngónem kô kóm yóm lan ebè yóm benwu gónón seblà msut kdaw, duhen yóm benwu gónón gu mbel yóm lenos gu fi dmata kdaw?

Kem Lingón 148:8

Senged se yóm ksilà ne bulók kulón ne kulón ne kem lobun, balù yóm tey lenos bong gel mimón du yóm dók Dwata, hol gel dóyón ye Dwata se kuy.

Isaya 44:27

Ngem yó dém mohin bong, olo lemwót bè udélu gónón kti.