Kehewà 14:16 - Udél Dwata: Gna Kesfasad ne Lomi Kesfasad

¹⁶ Yó nmoem, tayalem eta mohin tugedem ne tódô meskó yóm él yó ne gbek yó kem tau Israél tódô mifal du yóm mohin yó, tódô le mlan lemen bè gónón mékéng tonok.

Kehewà 14:16 Referans Kwoze

Kehewà 7:19

Yó bud mon Dwata mò ke Musis, “Bè yóm kógów ye haya ebè Faro, dókem Aron anì tayalen eta tugeden ebè kdéen él bè Idyip ne eta yó kem kanal él ne yó kem busung, anì gotu baling litô yó kem él yó. Tódô hono litô yóm él bè klamang yóm benwu yó, balù yóm él nô lem kobong le ne lem lebwón le, gotu baling litô.”

Kehewà 14:26

Yó mon Dwata mò ke Musis, “Bud tayalem eta mohin sigelem anì bud semfulék ebè yó kem sendalù Idyip yóm él ne ebè yó kem klitun le ne yó kem tau mit kul.”

Kehewà 4:20

Tahu se, nwit Musis yehenen ne yó kem ngaen logi, hsakayen lu kudà asnu, mógów le ebè Idyip. Nwiten yóm tuged hwit Dwata du.

Kehewà 4:17

Lemwóti ne nwitem yóm tugedem yó, yakà bè yó du gónóm gel hlan du yó kem hentaw ton angat nmoem.”

Kehewà 4:2

Ne yó balà Dwata du, monen, “Tedu se yóm nogotem yóó?” Mon Musis se, “Tugedu.”

Kehewà 7:9

“Ke yó mon Faro mò kuy, ‘Mò ye hentaw ton kun mò gónón gdilô ke tahu yóm mon ye.’ Ke yó se monen, dókem Aron anì boten bè solu Faro yóm tugeden ne baling ulal yóm tugeden yó.”

Lista 20:11

Omin Musis kmayang du eta yóm tuged hwa Dwata du yó koni ne lewu duléken mfes du bè yóm botu ne tódô sen-gengen se semfut gu lemen yóm tey él bong ne gotu le minum yó kem tau dalang se yó kem ógóf le.

Kehewà 14:15

Yó bud mon Dwata mò ke Musis, “Moen du ke alì ye tmaba ebéléu? Monem mò kul yó kem tau Israél tódô henlós le yóm kógów le.

Kehewà 17:5

Ne yó mon Dwata mò ke Musis, “Ni nmoem, miti bè yó kem gel malak yó kem tau Israél mógów ye tukô gna yó kem tau. Nwitem yóm tuged tehe fesem bè él Nayl.

Kehewà 17:6

Gnahe bélê ye ditu bè Bulul Sinay, tódóe mdà bè yó te botu. Nfesem yóm botu yó, tódô wen él msut gu du mò ninum yó kem tau.” Tahu se, nmò Musis nim ni bè solu yó kem tau gel malak yó kem tau Israél.

Juswa 8:18

Omin Dwata mon du mò ke Juswa, “Hdoem ebè Ay yóm buyusem. Blayu elem hólólem yóm syudad yó.” Tahu se, nmò Juswa yóm deng mon Dwata mò du yó.

2 Bok Kem Tau Hol Geta 4:29

Omin Ilaysa mon du mò ke Gihasi, “Hesloi etu, nwitem tugedu. Ke wen tau geslongem, béi mudél ebéléen, ne béem abay kenmón se ke wen tau kemlô kóm bè lan. Tódói hlós etu bè gónóen, hlasaem ta yóm ngà yóm tugedu.”

Hbakuk 3:8

Ó Dwata, yóm él mlel kô buten yóm gónóm lembut? Yóm mohin kô yóm mò kóm alì lembut? Bè yóm kdaw yó, deng hegmoen yó kem kóm tau mlan bè ksakayem yóm klitun tók gel nwitem bè gida.