Kehewà 14:14 - Udél Dwata: Gna Kesfasad ne Lomi Kesfasad

¹⁴ Tódô ye henek abay se Dwata mit kul sfatay.”

Kehewà 14:14 Referans Kwoze

2 Tutul Israél 20:17

Okóm là kô yu du mit kul sgida. Olo ye tódô htuhod mdà, tenngel ye yóm kegmò Dwata bélê le yó kem hohon ye. Ó kem tau bè Juda ne kem tau bè Jirusalim, Dwata se nô bélê ye. Hol bê ye abay hlikò, ne bê ye abay hunu nawa ye. Haya mógów ye etu, abay se nô bélê ye Dwata.”

Juswa 23:3

Deng gotu ton ye yóm kdê nmò Dwata bè yó kem dumu but tau bè nim benwu ni lanen tmóbóng kuy. Yóm kut Dwata hol gónó mogot deng sfatay bè yó kem hohon tekuy.

Juswa 23:10

Baluen ke tek sotu bélê ye, gbeken hlóy lemibu hohonen abay se eles mung bélê ye sfatay Dwata yóm sana kut Dwata hol gónó mogot, lómón yóm deng fasaden tekuy.

Isaya 30:15

Wen udélen ebè yó kem tauhen yóm Dwata hol dandónen geta, yóm Dwata yó kem tau Israél yóm laen kô dù belenen. Yó monen mò kul, “Bud ye mulék ebéléu. Ke tódô ye henek béléu ne ke hol ye smalig béléu, wen kgis ye ne laen kô dù bud knikò ye.” Okóm mom là dog ye móyô mimón du yóm udél Dwata yó.

2 Tutul Israél 20:29

Tikóng gungol yó kem benwu hmilol yóm kwit Dwata sfatay bè yó kem hohon yó kem tau Israél, ya tey klikò le ke Dwata se kul.

Kem Lingón 50:3

Mógów edini yóm Dwata tekuy, ne là kóen tódô yem. Wen tey ofi eles tukô gna du, gotu kenen kdéen, ne mbel gu hilolen yóm tey lenos bong.

Kehewà 15:3

Hol tahu sendalù hulung mit sfatay yóm Dwata. Yó boluyen, duhen yóm Dwata hol gónó mogot.

Kehewà 14:25

Gotu hegebengen yó kem kliling klitun le anì mgel bélê le mógów. Yó udél yó kem tau Idyip yó, mon le, “Géhél tekuy mdó bè ni. Dwata se yóm deng semfatay tekuy ne tey kfihen yó kem tau Israél.”

Nihimaya 4:20

Ke gungol ye yóm uni féw kendel ye stifun ebè yóm gónón muni. Dwata he fen mit sfatay bè yó kem hohon tekuy.”

Kem Lingón 83:1

Ó Dwata, béi tódô htinof kut, béi tódô neb, béi là hekmón, Dwata.

Juswa 10:14

Bè yóm kdaw yó, Dwata se mung kul sfatay yó kem tau Israél. Balù sulék bè gnan kdaw ne efet nim kmoen ni ke lómón ni yóm kmò kógów kdaw, bè yóm tódô kimón Dwata du yóm udél tau.

Juswa 10:10

Ya tey kehlangaf Dwata kul yó kem tau Amurayt bè yóm kton le yó kem sendalù Israél. Tey dê bélê le hnatay yó kem sendalù Israél bè yó bè syudad Gibyun ne ktes le mosol yó kem dumu lenwót le bè bulul Bét Horon efet kól etu bè benwu Asika ne etu bè benwu Makida ne tey dê bélê le hnatay le gu bè lan.

Kmukum 5:20

Yó kem blotik bè longit, gbót le gmida se kul. Bè yóm igò le lemolò lesang le, gnida le Sisira.

Kehewà 14:15

Yó bud mon Dwata mò ke Musis, “Moen du ke alì ye tmaba ebéléu? Monem mò kul yó kem tau Israél tódô henlós le yóm kógów le.

1 Samwél 4:7

gotu le likò, mon le, “Deng wen kem dwata kól bè kamfù le. Hatay tekuy, là kô deng wen hnikót sut bélê tekuy he ke lómónen ni.

2 Tutul Israél 20:15

Yó udélen bè yóm tau hol geta, monen, “Hmungoli, Jihusafat. Ne yu kem tau bè Juda ne kem tau bè Jirusalim, hol ye hmungol se kuy yóm kdê ye. Ni se udél Dwata ebélê ye, monen, ‘Hol bê ye abay hlikò. Hol bê ye abay hunu nawa ye bè yó kem tey genged sendalù yó, abay se Dwata mit kul sgida, là kô yu du.’

Nihimaya 4:14

Timbow deng tonu yóm mò kmoen, yó gónów gotu sembung kul yó kem tau ne yó kem malak kul ne yó kem genlal bélê le, yó monu mò kul, “Hol bê ye abay hlikò bè yó kem hohon tekuy. Hentulón ye nawa yóm tey kegbek yóm sana kut Dwata yóm Dwata hol knóón knikò. Hotu ye gel ye mofin kul yó kem dumu ye bè yóm benwu tekuy ni, yó kem ngà ye ne yó kem yehen ye ne yó kem gónô ye.”

Nihimaya 9:11

Deng tehe tódô wen lan nmoem lem mohin mò lan yó kem tauhem ne deng nwitem lu lemen mlan le bè gónón mékéng tonok. Okóm yó kem tau kemtes kul, gotu henebem lu bè yóm tey mohin nelem. Gotu le lemneb, lómón kmò le lómón ke lemneb etlaan yóm botu bè yóm tey lewók mohin.

Kem Lingón 35:1

Ó Dwata, hol hnohonem yó kem tau hmohon dou. Hol gnidahem yó kem tau mundug dou.

Lanu Jirimaya 3:26

Yó gónóm mon, tey hyu ke tódô tekuy henek, nangat tekuy yóm kegewà lemwót béléen.