Kehewà 14:13 - Udél Dwata: Gna Kesfasad ne Lomi Kesfasad

¹³ Bnalà Musis se, monen, “Bê ye abay hlikò. Hgel ye nawa ye dé. Tódô ton ye kemdaw ni yóm lan Dwata lemwà kuy. Yó kem tau Idyip kemtes tekuy yóó là kô bud ton ye kul ne.

Kehewà 14:13 Referans Kwoze

2 Tutul Israél 20:17

Okóm là kô yu du mit kul sgida. Olo ye tódô htuhod mdà, tenngel ye yóm kegmò Dwata bélê le yó kem hohon ye. Ó kem tau bè Juda ne kem tau bè Jirusalim, Dwata se nô bélê ye. Hol bê ye abay hlikò, ne bê ye abay hunu nawa ye. Haya mógów ye etu, abay se nô bélê ye Dwata.”

2 Tutul Israél 20:15

Yó udélen bè yóm tau hol geta, monen, “Hmungoli, Jihusafat. Ne yu kem tau bè Juda ne kem tau bè Jirusalim, hol ye hmungol se kuy yóm kdê ye. Ni se udél Dwata ebélê ye, monen, ‘Hol bê ye abay hlikò. Hol bê ye abay hunu nawa ye bè yó kem tey genged sendalù yó, abay se Dwata mit kul sgida, là kô yu du.’

Kehewà 14:30

Bè yóm kdaw yó, deng lenwà Dwata yó kem tau Israél lem tdok yó kem tau Idyip. Ne ton yó se kem tau Israél yóm deng gotu katay yó kem tau Idyip kemtes kul, tódô le masà bè kilil yóm mohin yó.

2 Bok Kem Tau Hol Geta 6:16

Bnalà Ilaysa se, monen, “Béi hlikò, yó kem mofin kut, bong le wen senta yó kem mung bélê le.”

Isaya 35:4

Hol mon ye bè yó kem tau wen kensidek nawa le, “Hgel ye nawa ye dé, bê ye abay bud hlikò. Móyónen kól ne Dwata nan e lenwà yu ne gotu tnafaken yó kem hohon ye.”

Lanu Jirimaya 3:26

Yó gónóm mon, tey hyu ke tódô tekuy henek, nangat tekuy yóm kegewà lemwót béléen.

Husiya 13:4

“Ou se yóm sana kuy Dwata hol gónó mogot, yóm deng tehe lemwà kuy gu bè Idyip yóm benwu tehe gónó ye ghesek. Laen dù dumu Dwata ye, tek sónen o. Laen dù dumu lemwà kuy, tek sónen o.

Hbakuk 3:13

Yó gónóm hesut nam e lenwà yó kem kóm tau, nam e lenwà yó kem tau deng nélékem. Botong bentuem kulu yóm tau malak gel mò sidek ne sulék genlaem yóm tau lemolò du.

Isaya 43:11

Tek sotuhu Dwata, tek sotuhu gembek lemwà kuy.

Lista 14:9

Bê ye mom natù Dwata dé ne bê ye abay knikò tu kem tau menwu ditu. Là kóen legen keglà tekuy kul tu kem tau tu abay se tendo eles nô bélê tekuy Dwata ne laen kô dù gónó le hofin se kul. Yó gónóm mon, hol bê ye abay hlikò.”

Tekang Kbuten 49:18

Ó Dwata, uu se yóm hol nangatu mò lemwà kum.

Jirimaya 3:23

Yóm gel ktaba me ebè yó kem dwata kéng ne yóm kessamuk me gu ta yóm kdéen bulul, hono là hyuhen. Tek són bè yóm sana kum Dwata hol gónó mogot gónó me gewà.

Nihimaya 9:9

Tonem se, Dwata, yóm tehe tey keglayam le bè Idyip yó kem tehe fù me ekni. Gungolem se yóm tey kni le tóbóng béléem bè yóm knô le bè Mohin Hulô.

Tekang Kbuten 15:1

Kogolen bè yó, tódô hegfan bè Abram Dwata, ne gungol Abram yóm udél Dwata ebéléen, monen, “Ó Abram, hol béi abay hlikò. Tendo kenlungu uu anì laen dù tau hemsidek kóm ne angat wen tey ofol blayu kóm.”

Kem Lingón 3:8

Són béléem se, Dwata, gónón lemwót yóm kegmò me bè yó kem hohon me. Dwata he hol tmóbóng yó kem kóm tau.

Isaya 26:3

Uu se, Dwata, bemlay du yóm tahu kenek nawa bè yó kem tau hol nô bè nawa le mimón kóm, yó kem tau hol smalig béléem.

Matyu 28:5

Ne mudél yóm hógów Dwata ebè yó kem libun, monen, “Bê ye abay hlikò. Tngónu hnebel ye Jisas, yóm lomi tnutuk le bè kros.

Isaya 30:15

Wen udélen ebè yó kem tauhen yóm Dwata hol dandónen geta, yóm Dwata yó kem tau Israél yóm laen kô dù belenen. Yó monen mò kul, “Bud ye mulék ebéléu. Ke tódô ye henek béléu ne ke hol ye smalig béléu, wen kgis ye ne laen kô dù bud knikò ye.” Okóm mom là dog ye móyô mimón du yóm udél Dwata yó.

1 Tutul Israél 11:14

Okóm ke Ilisar lewu le Dabid, tódô le mdà talak yóm tonok gónó mulu barli yó, gotu hnatay le yó kem Flistin. Hewà Dwata lu bè yóm kdaw yó hlanen bè yóm tey kehegmoen kul.

Hbakuk 3:8

Ó Dwata, yóm él mlel kô buten yóm gónóm lembut? Yóm mohin kô yóm mò kóm alì lembut? Bè yóm kdaw yó, deng hegmoen yó kem kóm tau mlan bè ksakayem yóm klitun tók gel nwitem bè gida.

Husiya 13:9

Ó kem tau Israél, móyón genlau yu ne. Tau du de tô gembek tmóbóng kuy?

Tekang Kbuten 46:3

Ne yó mon yóm mudél yó koni, “Ou se Dwata yóm Dwata tehe maem. Béi hlikò mógów etu bè Idyip abay se bè yó gónóhu hembaling yó kem bólem sotu but tau alì mbegel.

Kehewà 20:20

Mon Musis se mò kul, “Bê ye abay hlikò. Yó gónó Dwata hegfan bélê ye nan e tnilów yu. Ne lemwót bè yóm klikò ye ke Dwata, yó gónón wen klikò ye mò salà.”

1 Samwél 11:13

Okóm yó balà Sol kul, monen, “Laen dù tau hnatay ye kemdaw ni yakà ni du yóm kdaw kehewà Dwata yó kem tau Israél.”

1 Samwél 12:16

Duhen ni, tódô ye henek mdà bè ni bè yóm sana kuy gónó mdà, tenngel ye yóm tey tennga nmò Dwata ni.

Isaya 7:4

Yó tulónem du, monem, Elesi hol temgama ne hol henekem nawahem. Hol béi abay hlikò ne hol béem hesbeweg kehedemem. Laen dù knikoem du yóm kul kebut le Risin ne yó kem tau Sirya mung du yó, dalang se ke Pika. Yóm kul kebut yó hol lómón ke dù kebel yóm lewu snuk ofi, là bud le dmilóf.

Tekang Kbuten 26:24

Ne bè yóm kifu kkólen bè yó, bud hegfan béléen Dwata, monen mò du, “Ó Isak, ou se yóm kun Dwata yóm maem Abraham. Hol béi abay hlikò, elese tendo nô béléem. Angat tey któbóngu kóm ne hwenu bólem lemwót bè yóm tehe fasadu ke maem yóm tau tóbóng lówóhu.”

Kem Lingón 68:21

Angat lenuna Dwata kulu yó kem hohonen, kulu yó kem tau tendo seflós mò sidek.

Kem Lingón 78:53

Laen kô dù hemen le bè yóm kesgalaken kul yó, yó gónó le là likò. Okóm yó kem hohon le, gotu le lemneb lem mohin.

Kem Lingón 91:8

Tódô olohem mton du ktafak Dwata kul yó kem tau gel mò sidek.

Husiya 1:7

Okóm yó kem tau bè Juda, angat hegfanu bélê le yóm kkoduhu kul. Tódô ou angat lemwà kul lem tdok yó kem hohon le, bede là mlanen bè gida ne là mlanen bè boho le duhen ke bè sudeng le. Là mlanen bè yó kem tey kudà le duhen ke bè yó kem sendalù smakay kudà, bede mlan bè yóm dou kfasang yóm sana kul Dwata hol gónó mogot.”