Kehewà 14:10 - Udél Dwata: Gna Kesfasad ne Lomi Kesfasad

¹⁰ Timbow le temngel semfulék yó kem tau Israél, tódô ton le Faro ne yó kem tey sendaluen móyón gdofì bélê le. Ya tey sidek klikò le ne tey ktaba le ebè DWATA mni le tóbóng béléen.

Kehewà 14:10 Referans Kwoze

Kem Lingón 107:6

Mom yó he ktaba le ebè Dwata deng wen gfà le, ne lenwaen lu lem yóm tey gónó le glayam.

Kem Lingón 34:17

Bong yó kem tau tedeng kmò le, gel le tmaba ebè Dwata, ne gel hnungolen lu. Lenwaen lu gu lem yóm kdê gónó le glayam.

Nihimaya 9:9

Tonem se, Dwata, yóm tehe tey keglayam le bè Idyip yó kem tehe fù me ekni. Gungolem se yóm tey kni le tóbóng béléem bè yóm knô le bè Mohin Hulô.

Juswa 24:7

Okóm timbow le kól bè Mohin Hulô yó kem tehe fù ye yó ekni, tey kni le tóbóng béléu ne yó gónóhu bemlóng kul yóm tey kifu mget bè yó kem tau Idyip. Kogolen bè yó, bud hesfuléku eta yó kem sendalù Idyip yóm mohin deng sen-gawagu ne gotu le lemneb yóm kdê le. Deng gotu tngón ye se nim deng tehe nmou bè Idyip ni. Kogolen bè yó, tey kegen ye menwu lem yóm benwu laen hol wen tauhen.

Kem Lingón 106:44

Baluen ke lómón yó deng nmò le, sana tolo kkoduhen kul, ne hnungolen yóm kehtóbóng le béléen.

Kem Lingón 53:5

Okóm angat wen alì knikò le, yóm klikò là deng hnikót gnóm le du teganay. Angat gotu bulét Dwata tiol yó kem kul hohon yó kem kun tau. Yakà deng kenbê Dwata kul, yó gónó le gemmò bélê le kem tau Israél.

2 Tutul Israél 18:31

Tahu se, tikóng ton le Jihusafat, leseken yóm nes bè yóm kegetahen, yó udél le hetê, mon le, “Deng duhen yóó yóm tau hol geta bè Israél,” ne omin le kemtes du. Okóm kendel lemangat htóbóng ebè Dwata Jihusafat anì lenwaen, ne tahu se, tnóbóng Dwata ne là henlós nundug le du.

1 Jan 4:18

Laen dù bud knikò tekuy ne lemwót bè yóm kbong nawahen tekuy Dwata. Yóm nawahen tekuy yó, tódô ket du, ne gbeken mkó du bélê tekuy yóm klikò tekuy. Okóm yóm tau gel likò, là deng hentahuhen du he kun yóm kbong nawa Dwata du. Yó gónón likò, abay se nangaten yóm ktafak Dwata du.

Jirimaya 22:23

Ya tey kehyuhen yóm knóem lem yóm gónô bongem nmò le gu bè yó kem koyu sidar lemwót bè Libanun, okóm bè sónen angati mulék mkik ne mulék dmolong. Lómó ksidek kegnómem du lómón yóm libun kmuleng blututen.”

Isaya 26:16

Deng tehe tnafakem mi, Dwata, mi kem tauhem. Lemwót bè yóm alì sidek kebà nawa me gónó me mni tóbóng béléem.

Isaya 7:2

Bè yóm tehe kgefeten bè Ahas yóm tau hol geta mogot yóm benwu Juda, yóm deng kkól le bè benwu Israél yó kem tey sendalù wen lemwót bè Sirya yó, ya tey sidek klikoen dalang se yó kem tauhen, tódô setbol kkel le.

Kem Lingón 107:28

Mom yó he ktaba le ebè Dwata deng wen gfà le. Ne lenwaen lu lem yóm tey gónó le glayam.

Kem Lingón 107:19

Mom yó he ktaba le ebè Dwata deng wen gfà le. Ne lenwaen lu lem yóm tey gónó le glayam.

Kem Lingón 107:13

Mom yó he ktaba le ebè Dwata deng wen gfà le. Ne lenwaen lu lem yóm tey gónó le glayam.

Kehewà 15:25

Tódô hotu Musis nawahen mni bè Dwata. Kogol yóm knihen, wen ngà koyu hton Dwata du, htudaen du elem yóm él ne baling hyu minum du yóm él yó. Bè yóm benwu Mara yó, wen hlolò Dwata kul yó kem tau Israél mò gónón tmilów kul.

Dwata 9:7

Bê ye abay klifót yóm tehe kehefebut ye ke Dwata yóm kuy Dwata hol gónó mogot, ditu bè yóm benwu laen hol wen tauhen. Tódô lenwóten bè yóm kdaw ktebel ye yóm benwu Idyip efet ye gefet dini, yó ne yóm tendo ksonol ye ke Dwata.

Kem Lingón 81:7

Bè yóm kwen gfà ye, gel tnaba ye ou, ne deng lenwau se yu. Bnalau yu gu lem yóm lobun gónón lemwót leték. Deng tnilówu kehtahu ye ditu bè benwu Miriba bè yóm alì ktalaw ye lanen laen dù él.

Kehewà 13:17

Bè yóm deng kehewót Faro yó kem tau Israél, là kô hlan Dwata kul bè yóm lan hmilol yóm mohin bong gefet bè Flistin balù yóm tey klahilen yóm lan yó. Abay se yó hendem Dwata, “Ke wen tau geslong le mit sfatay bélê le bè yóm lan mahil yó, déke megetles kehedem le ne bud le semfulék ebè Idyip. Là móyóe du ke yó nmò le.”

Juswa 24:6

Bè yóm kwitu kul hewà gu bè Idyip yó kem tehe fù ye, tey kektes le kul yó kem sendalù Idyip. Wen se bè yó kem sendalù yó smakay klitun, yóm klitun gel nit le bè gida ne wen se smakay kudà.