Kehewà 13:22 - Udél Dwata: Gna Kesfasad ne Lomi Kesfasad

²² Tendo tukô gna kul yóm lobun tmahà ke kemdaw ne tendo bud tukô gna kul yóm ofi tmahà ke kifu.

Kehewà 13:22 Referans Kwoze

Deng Hegfan 10:1

Ominu yó mton yóm sotu hógów Dwata alì kemgis htuntun gu bè longit. Tódô nô lem yóm tey lobun, ne lenéwés hilol kuluhen, ne lem uyóhen hol lómón mata kdaw, ne yóm tihen lómón ke hehek lenébéd dilóf.

Kehewà 14:1

Omin Dwata bud mudél ebè Musis, monen mò du,

Kehewà 14:19

Yóm hógów Dwata tehe tukô gna yó kem tau Israél tódô smili huli kul. Ne yóm lobun tmahà tehe tukô gna kul bud smili huli,

Lista 9:15

Bè yóm kdaw kdeng kehdà le du yóm Gónô Dwata, tódô wen lobun sut na a lemambung du. Yóm lobun yó ke kifu hol lómón ke ofi kton le du.

Nihimaya 9:12

Yó kem tauhem yó, wen lobun htukóem gna kul ke kemdaw mò gónó le galak ne ke kifu wen ofi mò hlayag lan le.

Nihimaya 9:19

Okóm lemwót bè yóm kkoduhem kul, là tódô bayaem kul matay ditu lem yóm benwu laen hol wen tauhen. Là kô kóhem du bélê le yóm lobun malak kul ke kemdaw, dalang se yóm ofi mò hlayag kul ke kifu.

Kehewà 40:38

Bè yóm igò le mò du yóm menwu mógów, sónmò le tendo mton du yóm lobun gónóhen nô Dwata nô ta yóm Gónô Dwata ke kemdaw ne ke kifu baling ofi tendo lemtom tahen.