Kehewà 13:21 - Udél Dwata: Gna Kesfasad ne Lomi Kesfasad

²¹ Nim kógów le ni, ke kemdaw wen lobun tmahà gónón nô Dwata tendo tukô gna kul mò gónó le temngón du yóm lan lolò le. Ne ke kifu, baling ofi yóm lobun yó. Yó se gónón nô Dwata tendo tukô gna kul mò layag le anì gbek le mógów kifu ne kemdaw.

Kehewà 13:21 Referans Kwoze

Nihimaya 9:12

Yó kem tauhem yó, wen lobun htukóem gna kul ke kemdaw mò gónó le galak ne ke kifu wen ofi mò hlayag lan le.

Kem Lingón 99:7

Mudél ebélê le gu lem yóm lobun tmahà, ne nimón le yó kem kóm hlau kul dalang se yó kem kóm hlolò kul.

Kem Lingón 105:39

Bè yóm kalak Dwata kul, wen lobun eles tendo gmolung kul ke kemdaw, ne ke kifu, wen tey ofi nô talak kmawang mò lemayag ebélê le.

Kem Lingón 78:14

Ke kemdaw, nalaken lu mlan bè lobun, ne ke kifu, nalaken lu mlan bè yóm nóng ofi tukô gna kul.

Nihimaya 9:19

Okóm lemwót bè yóm kkoduhem kul, là tódô bayaem kul matay ditu lem yóm benwu laen hol wen tauhen. Là kô kóhem du bélê le yóm lobun malak kul ke kemdaw, dalang se yóm ofi mò hlayag kul ke kifu.

Lista 14:14

Nénégem ke là gotu tulón le du bè yó kem tau Kanan. Igò le deng hónô mungol du yó kem tau Kanan uu se yóm Dwata tendo gel nô bélê me ne geli hegfan bélê me mlan bè yóm lobun gel nô ta me. Ne deng hónô gungol le uu se yóm tendo gel tukô gna kum mlan bè yóm lobun tmahà tukô gna kum ke kemdaw ne baling ofi ke kifu.

Lista 10:34

Bè ket kógów le, tódô senflósen tendo nô ta le yóm lobun Dwata ke kemdaw.

Kehewà 16:10

Tahu se, gotu sentifun Aron lu yóm kdê le. Bè yóm igoen tolo mudél ebélê le, gotu le temngel ebè yóm benwu laen hol wen tauhen ne tódô henmung ton le yóm tey layag Dwata mung bè yóm lobun tódô sminang.

Dwata 31:8

Dwata he fen tukô gna kóm ne tendo nô béléem. Là kô tnagaken kóm ne là kô bayaen kóm. Yó gónóm mon, hol hfólem nawam ne béi abay hlikò.”

Kem Lingón 68:7

Ó Dwata, bè yóm tehe kalakem yó kem kóm tau gu bè Idyip, bè yóm kehlalakem kul bè yóm benwu laen hol wen tauhen,

Kem Lingón 77:20

Tehe nalakem yó kem kóm tau bè yóm lan yó, hol lómón kalakem kul ubiha, bede hlanem bè le Musis lewu le Aron.

Kehewà 10:10

Yó mon Faro, “Tódô tulónu kuy, song gwit ye kem ngà ye ne kem yehen ye ke tódô Dwata mò du. Ke béléu do là kô naw e hlus kuy. Nim tô nmò ye ni tey dilô kaem hlós lan ye.

Kehewà 32:1

Timbow ton yó kem tau Israél yóm là géhél kosol Musis gu ta yóm bulul gotu le stifun klohok Aron, mon le mò du, “Là kô tngón me du ke tedu gefet bè Musis yóm tau mit tekuy hewà gu bè Idyip. Yó hyu ke moi bélê me yó kem dwata lennged mò malak tekuy.”